ဆောင်းသက်လေမှီ (ကဗျာဟောင်း)

နေခြည်နွေးနု၊ ဆောင်းရတုမှာ

လွမ်းလှကြာခြည်၊ ဘယ်ဆီမျှော်မှန်း

စိတ်ဝယ်တမ်းခဲ့။

မှိုင်းပျဝေမှုန်၊ ချစ်ခြင်းသုန်သည်

ကုန်မငြီးဖွယ်၊ လွမ်းသက်လှယ်မှာ

တမ်းခွင့်သာခဲ့။

ရောက်ပြန်သည်ဆောင်း၊ ချိန်ကြာညောင်းလဲ

ကြည်ဘဝင်ငွေ့၊ ဘယ်မမေ့သည်

လွမ်းသူ့သက်လျာ၊ မောင့်သည်းညှာ။

ကိုကိုးအိမ်(မန္တလေး)

လာရာ၊လားရာနှင့်မြတ်စွာဘုရားရှင်

မြတ်စွာဘုရားရှင်သည် ပဋိစ္စသမုပ္ပါဒ်လည်ပုံဖြတ်ပုံကို နက်နဲစွာသိမြင်သကဲ့သို့၊ သစ္စာလေးပါးကိုလည်း ဖြည့်ကျင့်ခဲ့သော ပါရမီတို့အားလျော်စွာ ကိုယ်ပိုင်ဥာဏ်ဖြင့် နက်နက်နဲနဲ သိမြင်နားလည်ခဲ့ပေသည်..။

အလားတူပင် အတုမရှိ၊ အတူမရှိသောဥာဏ်တော်တို့ကိုလည်း ထိုးထွင်းသိမြင် တော်မူခဲ့သောကြောင့် ရှေ့ဘဝ၊ နောက်ဘဝ၊ လာရာ၊ လားရာ တို့ကိုလည်း မြင်နိုင်သိနိုင်ခဲ့သူ အမြတ်ဆုံးလူသားဖြစ်၏...။

ထိုအတွက်ကြောင့်ပင် သာဝကအားလုံးတို့နှင့် လူသားတို့၏ လာရာ၊ လားရာကို ပိုင်းခြားထင်ထင် သိမြင်ခဲ့သည်မှာ ယုံမှားဖွယ်မရှိပေ...။

ထိုထိုသော မဟာပုဂ္ဂိုလ်လူသားတစ်ဦးနှင့် သာမာန်ပုထုဇဉ်တစ်ယောက်၏ ဥာဏ်တို့ကား မနှိုင်းယှဉ်အပ်သောအရာဖြစ်ချေသည်...။

ဖားတုလို့ခရုခုန် အိုင်ပျက်ယုံသာရှိသော်လည်း ဘုရားကိုတုလို့ ပုထုဇဉ်တို့ခုန်လျှင် တစ်သံသရာလုံး မှောက်ယုံသာရှိရော့မည်...။

ထိုရောအဖြစ်အပျက်တို့ကြောင့်ပင် ခေတ်သစ်ဒေဝဒတ်လောင်းများ၏ ကိုယ်နှုတ်စိတ်ကြံ များကို မြင်တွေ့ရသော် ကျွန်ုပ်၏စိတ်ဝယ် များစွာမသက်မသာ ဖြစ်ရချေတော့၏..။

ဘုရားရှင်ခွင့်ပြုခဲ့သော၊ ခွင့်မပြုခဲ့သော ကိစ္စရပ်တို့သည် လာရာ၊ လားရာကို ကောင်းစွာ သိသောကြောင့်သာ ခွင့်ပြုခဲ့ခြင်း (ဝါ) ခွင့်မပြုခဲ့ခြင်းတို့ ဖြစ်ချေသည်...။

လူတို့၏ ပူမှုကိစ္စတို့အား ရဟန်းတို့အား မေးလျှောက်ခြင်းမပြုရ၊ ရဟန်းတို့မှ လူမှုကိစ္စမပြောရဟူမူ ဘုရားရှင်လက်ထက်က လူတို့၏ပူမှုအား အနာထပိဏ်နှင့် အခြားမင်းတို့က ဘုရားရှင်သို့ မေးလျှောက်ခဲ့သည့် ပူမှုတို့တွင် ဘုရားရှင်မှ တရားရေအေး အမြိုက်ဆေး တိုက်ကျွေးခဲ့ခြင်းသည် ရဟန်းအလုပ် ရဟန်းမလုပ်ဟု မပြောစေလိုပေ...။

ကိလေသာတို့ဖုံးလွှမ်းလေသော် သတ္တဝါတို့၏ မျက်လုံးအစုံသည် တိမ်အပြည့်ရှိသော ကောင်းကင်ကဲ့သို့ ကြည်လင်မှုတစုံတရာ မရရှိနိုင်ပေ...။ မည်သို့ပင် ဆိုစေကာမူ ရွှေဥာဏ်ရှင်နှင့် ပုထုဇဉ်သည် နှိုင်းကောင်းသော အရာမဟုတ်ပေ...။

အရာအားလုံးကို ချေချွတ်၍မရနိုင်ပေ...။ မိမိ၏ တစ်ထွာတစ်မိုက်ဥာဏ်ဖြင့် ချေချွတ်လိုသောဆန္ဒရှိ၍ မဟုတ်သော်ငြား အနည်းငယ်မျှသော ပမာဏသာလျှင် အသိဥာဏ်တိုးပွားစေလို၍ ဤစာကိုရေးရခြင်း ဖြစ်ပေသည်...။

ပါရမီရင့်သန်သူတို့သည် တစ်ကြောင်း၊ တစ်ဂါထာမျှဖြင့် ကျွတ်တမ်းဝင်ကုန်၏...။ အတန်အသင့်ပါရမီရှင်တို့သည် တရားတစ်ပုဒ်၏ အနက်ကို အကျယ်ဟောရုံမျှဖြင့် ကျွတ်တမ်းဝင်ကုန်၏...။ တရားမရှိသောလူမိုက်၏ နှလုံးသားသည် နှစ်ကာလများစွာ ကျပ်ခိုးတင်ထားသော အိုးတစ်လုံး၏ ဖင်ကဲ့သို့ မှောင်မိုက်၍ နေချေမည်...။

သို့အတွက်ကြောင့် ယခုစာပိုဒ်အား ဖတ်ရှု့ရသောသူတို့သည်လည်း လူအမျိုးမျိုး၊ စိတ်အထွေထွေ ရှိလေမည် ဖြစ်သောကြောင့် အမြင်ကောင်းဖြင့် ဖတ်ရှု့နိုင်ကြပါစေဟုသာ ဆုတောင်းရပေသည်..။

အချုပ်အားဖြင့်ဆိုရလျှင် ဗာလာနံတို့၏ တစ်ထွာတစ်မိုက်ဥာဏ်ဖြင့် ဘုရားရှင်၏ အတုမရှိဥာဏ်တော်တို့အား နှိုင်းယှဉ်ပြီးသကာလ ဘုရားရှင်ပင်လျှင် ဟူ၍ ပြောလိုလျှင် ဘုရားရှင်ကဲ့သို့ ပါရမီတော်များ ဖြည့်ကျင့်သင့်ပေသည်...။

တစ်သံသရာလုံးမှောက်မည့် ကိစ္စရပ်များအား ကာယကံဖြင့်သော်လည်းကောင်း၊ ဝစီကံဖြင့်သော်လည်းကောင်း၊ အပြစ်အကြီးဆုံးဖြစ်သည့် မနောကံဖြင့်သော်လည်းကောင်း၊ ပြစ်မှားမိသည်ရှိသော် ပျက်စီးခြင်းတိုင်မည့် ကျွန်ုပ်မိတ်ဆွေများအား မမြင်လိုသည်မှာ ကျွန်ုပ်၏ ရင်တွင်းက စေတနာဟု ဆိုလျှင်လည်းရပေမည်၊ မေတ္တာဟုယူဆလျှင်လည်း ရနိုင်ပေသည်...။

၃၈ ဖြာမင်္ဂလာမှ သဘောအကျမိဆုံးအချက်ကို ကောက်နှုတ်ပြပါဆိုလျှင် "အသေဝနာစ ဗာလာနံ၊ ပဏ္ဍိတာနဉ္စ သင်္ဂဟော၊ ပူဇာစပူဇနေယျာနံ၊ ဧတံမင်္ဂလ မုတ္တမံ" ဆိုသည့်အချက်ကို ကောက်နှုတ်ပြရပေမည်...။

အကြွင်း - ဗာလာနံတို့နှင့်ပေါင်းဖော်ခြင်းသည် ပျက်စီးခြင်းတိုင်သကဲ့သို့ ပဏ္ဍိတ တို့နှင့် ပေါင်းဖော်ခြင်းသည် သံသရာအကျိုးများခြင်းငှာ များစွာပံ့ပိုးပေသည် ဟူ၍သာ...။

ဤစာကို ကောဇာသက္ကရာဇ် ၁၃၇၅ ခု၊ ပြာသို (ဆုတ်) ၃ ရက်၊ စနေနေ့ မွန်းလွဲ (၁၂) နာရီ (၄၅) မိနစ်အချိန်တွင် ကျွန်ုပ် ကိုကိုးအိမ်(မန္တလေး) မှ ရေးသားပြီးစီးသည်...။