သူငယ်ချင်း တစ်ယောက်က သူ့ရင်ထဲမှာရှိတဲ့ အက္ခရာတွေကိုရေးပြသွားတော့ကိုးလည်း ရေးပြချင်စိတ်တွေ တဖွားဖွားနဲ့ကို ပေါ်လာပါတယ်။ စာမရေးဖြစ်တာလည်း ကြာပြီမို့လား။ ကဗျာတွေပဲ ပိတ်ပိတ်တင်လွန်းလို့ မချောကတောင် ခံစားချက်တွေပြင်းထန်နေပါလား လာပြောသွားသေး.. ပြောရမှာလည်း ရှက်ပါတယ်လေ.. ခုတော့ ရင်ထဲကအက္ခရာလေးတွေ ကိုပဲပြောတော့မယ်နော်...
စလုံး အက္ခရာ
ိကိုးဘ၀မှာလူမှန်း သိတတ်ကတည်းက ရင်ထဲမှာရှိနေခဲ့တဲ့ အက္ခရာကတော့ စလုံးပါ.. စလုံးဆိုတာကတော့ ကိုးရဲ့ အချစ်ဆုံး မေမေပါ.. ဒီနာမည်လေးကို ချစ်စနိုးပေးဖြစ်တာ မေမေတောင်မသိသေး ပါဘူး။ ငယ်စဉ်ကတည်းက ကိုးအပေါ်မှာ
အစိုးမိုးခဲ့ဆုံး အက္ခရာလေးပါ.. ဒီအက္ခရာလေးကိုပဲ အမြဲတမ်းထိတွေ့ ယဉ်ပါးခဲ့ရတာပါ... ဘယ်လောက်ပဲ အခက်အခဲကြုံခဲ့ ကြုံခဲ့ မေမေ့ကို ရင်ဖွင့်လိုက်ရရင် ပေါ့ပါးသွားတတ်တာ အရမ်းအံ့သြစွာနဲ့ လက်ခံခဲ့ရပါတယ်.. ဘ၀ရဲ့အခက်ခဲဆုံးအချိန်တွေမှာ တောင် မေမေ့ရဲ့ စိုးရိမ်စကားလေး တစ်ခွန်းနဲ့ နှစ်သိမ့်စကားလေး တစ်ခွန်းက များစွာသက်ရောက်မှူ့ရှိခဲ့တာ အသေအချာပဲလေ..
ဆလိမ် အက္ခရာ
ဒီအက္ခရာလေးကတော့ စလုံးပြီးရင်
အလွှမ်းမိုးခဲ့ဆုံး အက္ခရာလေးပါ... ဒီအက္ခရာလေးရဲ့ ပိုင်ရှင်ကတော့ ဖေဖေပါ.. သားအပေါ်ဘယ်လောက်ပဲချစ်ချစ် ဘယ်တော့မှ အပြင်ကိုထုတ်မပြတတ်တဲ့ အဖေတစ်ယောက်ပေါ့.. ဒါပေမယ့် ဘယ်လောက်ပဲ ပါးစပ်ကပြောပြော နောက်ဆုံးမှာ အလိုလိုက် အကြိုက်ဆောင်ပေးခဲ့တဲ့ အဖေတစ်ယောက်ပါ.. ဘယ်လိုပဲဆက်ဆံရေးအဆင်မပြေ မပြေ ကိုးရဲ့ဘ၀တစ်လျှောက်လုံးကို အကြီးမားဆုံး ထောက်မပေးခဲ့သူတစ်ယောက်ပါ.. အကောင်းဆုံးနဲ့ အတတ်နိုင်ဆုံး အရိပ်ထိုးပေးခဲ့သူတစ်ယောက်ပါ.. ဘ၀ရဲ့ အရေးကြီးဆုံး ဆုံးဖြတ်ချက်တွေကို အကောင်းဆုံးမီးမောင်း ထိုးပေးခဲ့သူပဲလေ.. ဘ၀ရဲ့ပုံရိပ်တွေကိုလည်း လှပစွာ ရုပ်လုံးပေါ်လာအောင် ထုဆစ်ပေးခဲ့တဲ့ ပန်းပုဆရာတစ်ယောက်ဆိုလည်း မမှားဘူးပေါ့...
ဟကလေး
ဒီအက္ခရာလေးကတော့ ကိုးရဲ့ဘ၀ကို
အသက်ဝင်စေခဲ့ဆုံး ဆိုပါတော့.. တစ်ယောက်တည်းသော ညီမလေး အဖြစ် ဘယ်လောက်ပဲချစ်ခဲ့ချစ်ခဲ့ ဘယ်တော့မှလည်း တည့်ကြတယ်လို့ မရှိဘဲ တစ်ယောက်ပျောက်ရင်လည်း တစ်ယောက်မေးတတ်ခဲ့ကြတဲ့ မတည့်အတူနေ မမြင်ချောင်းကြည့် ညီမလေးတစ်ယောက်ပါ.. ကိုးက အမေတူမို့ အမေ့ဘက်ကအမျိုးတွေနဲ့ အမေကအချစ်ပိုခဲ့သလို အဖေတူတဲ့ ညီမလေးကိုလည်း အဖေ့အမျိုးတွေနဲ့ အဖေက ပိုချစ်ခဲ့ကြတာ ငယ်ငယ်လေးကတည်းက ကျွမ်းဝင်ခဲ့တဲ့ ခံစားမှူ့တွေပါ.. ဘယ်လိုပဲပြောပြော ဘယ်လိုအခြေအနေမျိုးမှာ ပဲရောက်ရောက် ပါးစပ်ကဘယ်လိုပဲပြောပြော ဖေတို့မေတို့ပြီးရင် ကိုးဘ၀မှာ အတွယ်တာရဆုံး သံယောဇဉ်ကတော့ ဟကလေးပါပဲ... ဟကလေးဆိုတာကတော့ အိမ်နာမည်လည်းမဟုတ် ပါဘူး။ သူ့နာမည်ထဲက တစ်လုံးကို ချစ်စနိုးနဲ့ ကိုးတစ်ယောက်တည်း ပေးထားခဲ့တာပါ...
ယပက်လက်
ဒီအက္ခရာပိုင်ရှင်လေးကတော့ ကိုးဘ၀ကို
အလှပဆုံး နဲ့ အဆန်းကြယ်ဆုံးဆေးရောင်တွေ ခြယ်ပေးခဲ့သူလို့ ဆိုရမှာပါ.. ဘယ်တော့မှ မမေ့နိုင်ခြင်းတွေနဲ့ အမှတ်တရပေါင်းများစွာကို ယူဆောင်လာပေးခဲ့တဲ့ သူတစ်ယောက်ပါပဲ.. ဘယ်လိုအခြေအနေမျိုးမှာပဲ ရောက်ရောက်၊ ဘယ်လိုအဖြစ်အပျက်မျိုးပဲ ကြုံကြုံ နွေးထွေး တဲ့လက်တစ်စုံနဲ့ ကြင်နာတတ်တဲ့နှုတ်ခမ်းတစ်စုံကိုတော့ ဘယ်တော့မှာမေ့လိမ့်မည်မဟုတ်ပါ... ၀မ်းနည်းမှူ့ တွေကြုံလာရတိုင်း၊ ဆုံးရှုံးမှု့တွေကြုံလာရတိုင်း မေမေပြီးရင် အနီးကပ်အားပေးတတ်ခဲ့တဲ့ သူတစ်ယောက်လေ.. အဲလိုမျိုး နှစ်သိမ့်တတ်ခဲ့တဲ့ သူတစ်ယောက်၊ သုံးနှစ်တိုင်တိုင် ရင်ချင်းအပ်ခဲ့ကြတဲ့နှစ်ယောက် ဟာ သုံးနှစ်ဆိုတဲ့ အချိန်ကို ကျော်လွန်ခဲ့တာနဲ့ အကြောင်းအမျိုးမျိုးကြောင့် ကွဲကွာခဲ့ကြတာတော့ ကံကြမ္မာကိုပဲ ယိုးမယ်ဖွဲ့ရလေ မလား.. ဒါပေမယ့် အရမ်းချစ်ခဲ့ကြတဲ့ ချစ်သူနှစ်ယောက်ဟာ ခုချိန်မှာတော့ အကောင်းဆုံးမိတ်ဆွေတွေ အဖြစ်ကို ကျေနပ်စွာလက်ခံပြီး အားငယ်ကြတဲ့အခါတိုင်း နှစ်သိမ့်ပေးတတ်ကြတဲ့ သူနှစ်ယောက်အဖြစ်ပေါ့.. ယပက်လက် လို့ နာမည်ဝှက်လေးပေးထားခဲ့တဲ့ ချစ်ခဲ့ရသူလေးကတော့ ဘယ်အချိန်ပဲရောက်ရောက် ဘယ်လိုအခြေအနေ မျိုးပဲရောက်ရောက် မပြောင်းမလဲ ချစ်ဆဲပေါ့.. ဒါပေမယ့်လည်းလေ ဘ၀တွေကတော့.....................
နငယ်
ဒီအက္ခရာလေးကတော့ ကိုး
ဘ၀မှာ အရေးပါဆုံးလူတစ်ယောက်အဖြစ် အချိန်တိုင်းမှာ ရပ်တည်ခဲ့သူတစ်ယောက် ပါ.. ဖေတို့မေတို့နဲ့ အမြဲမနေခဲ့ရတဲ့ ကိုးဘ၀မှာ ချစ်သူနဲ့ ခွဲခဲ့ရတဲ့အချိန် အနားမှာ ကျောက်တိုင်တစ်တိုင်လို အခိုင်မာဆုံးရပ်တည်ပေးခဲ့တဲ့ သူငယ်ချင်းတစ်ယောက်ပေါ့... ဒုတိယနှစ်တုန်းက စာမေးပွဲကောင်းကောင်း မဖြေနိုင်လို့ သည်းသည်းထန်ထန်ငိုကြွေးခဲ့ဖူးတဲ့ ကိုးကို အနီးကပ်ဆုံး အင်အားတွေမွေးပေးခဲ့တာလည်း သူပဲပေါ့.. နောက်ဆုံးနှစ်မှာ ဂုဏ်ထူးတန်းဆက်တက်ဖို့ ဘယ်လောက်ပြောပြော အရမ်းခေါင်းမာခဲ့တဲ့ ကိုးက သူနဲ့တူတူ ကျောင်းဆက်မတက်လို့ စိတ်ကောက်နေခဲ့ဖူးတယ်လေ.. ဘယ်လိုပဲဖြစ်ဖြစ်ပါ... အချိန်တိုင်းမှာ အနီးကပ်ဆုံး သူငယ်ချင်းတစ်ယောက်အဖြစ် ရပ်တည်ပေးခဲ့တဲ့ နငယ်ဟာလည်း ကိုးဘ၀မှာ မရှိမဖြစ်ပါပဲ.. အင်း နငယ်လည်း နောက်နှစ်ဆိုရင် ကိုးကိုချန်ခဲ့တော့မှာပါပဲ.. ရေခြားမြေခြားကို ထွက်ခွါဖို့ကြိုးစားနေခဲ့တဲ့ နငယ်ဟာ ယောက်ျားတစ်ယောက်ဖြစ်တဲ့ ကိုးထက်တော့ အများကြီးသတ္တိရှိခဲ့တာကိုတော့ ၀န်ခံမိပါရဲ့..
ကိုးဘ၀မှာ အရေးပါဆုံးအက္ခရာတွေဟာ ကိုးက ချန်ရစ်ခဲ့ရတာလည်းရှိသလို ကိုးကိုချန်ထားရစ်ခဲ့တာတွေလည်း ရှိပါတယ်... ဘယ်တော့မှာ ချစ်ခြင်းမှာ ကံမကောင်းတတ်ခဲ့တဲ့ ကိုးဟာ ဖေနဲ့မေကိုလည်း ချန်ထားရစ်ခဲ့ရသလို ညီမလေးနဲ့လည်း တူတူမနေရပါဘူး... အချစ်ဆုံးသူနဲ့ ကွေကွင်းခဲ့ရသလို အခိုင်မာဆုံးသူငယ်ချင်းကလည်း နှုတ် ဆက်ထွက်ခွာဖို့ ကြံစည်နေပြန်သတဲ့လေ... ဒါပေမယ့် ဘယ်အချိန်မှာပဲဖြစ်ဖြစ်၊ ဘယ်လိုအခြေအနေမျိုးပဲ ရောက်ရောက် ကိုးရင်ထဲက အက္ခရာတွေကတော့ ဘယ်တော့မှမပျောက်ပျက်နိုင်စွာ ရေးထွင်းထားခဲ့တဲ့ အက္ခရာတွေပဲလေ.. ဘယ်လိုသတ်ပုံမျိုးကမှ အဓိပ္ပါယ်ပြောင်းလဲမပစ်နိုင်တာကတော့ အသေချာဆုံးပေါ့.....စာရေးသူ....ကိုကိုးအိမ်(မန္တလေး) (7.11.2010)
