ီဂီတအခြေခံအကြောင်း သိကောင်းစရာအပိုင်း(၂)

ကိုကိုးတစ်ယောက် ဘလော့စာမျက်နှာပေါ် ကနေပျောက်နေတာ နှစ်ပတ်နီးပါးရှိသွားပါပြီ။ အကြောင်းရင်းကတော့ အားလုံးသိကြတဲ့အတိုင်း ပရုပ်ဆီလူးလို့မရတာပဲပေါ့ဗျာ။ ခုမှ တေဇောဘမ်းလေး တစ်ခုရလို့ အပြေးအလွှားတင်လိုက်ရတာပါ။ ဇေပြောသလို ရွှေပြည်ကြီးကဘလော့ရေးသူတွေမှာ ပရုပ်ဆီလေးမရလိုက်နဲ့ နှစ်ရက်သုံးရက်လောက်နေရင် ကြွက်ကချီသွားပြန်ရော။ ကိုကိုးတို့မှာ မြင်သာမြင် မကြင်ရဆိုတဲ့ ဘဝကိုရောက်နေတာပေါ့ဗျာ။ အဲဒီတော့ တစ်ခါတစ်လေ ပရုပ်ဆီကြောင့် ဘလော့ပို့စ်တွေ မမှန်တာ အတင်ကျဲနေတာများရှိခဲ့ရင် စိမ်းကားမသွားကြပါနဲ့၊ နားလည်ဖတ်ရှူ့ပေးကြပါလို့ ........ ဒီနေ့တော့ အရင်အဆက်ကလေးတင်မယ်နော်။.................................။

မြန်မာမှူ့သီချင်းကြီးတွေဟာ ဆိုလိုက်ပြီများဆိုရင်ဖြင့် လူတစ်ယောက်ကို ကြက်သီးဖြန်းဖြန်းထတဲ့အထိ ကြည်နူးမှူ့၊ စိတ်အေးချမ်းမှူ့တွေကိုပေးနိုင်စွမ်းရှိပါတယ်။ အဲဒီတော့ အရင်ပြောခဲ့တဲ့ ဂီတဥပဒေအကြောင်းကို ပြန်ကောက်ပါ့မယ်ဗျာ။ သီချင်းဆိုပြီဆိုရင် ပထမဆုံး ပင်ကိုယ်အသံရှိရပါတယ်။ အနုပညာမှာ တခြားပညာတွေနဲ့မတူတဲ့အချက်က ပါရမီရှိမှ အောင်မြင်နိုင်ပါတယ်။ ဂီတပညာမှာ ပင်ကိုယ်အသံမရှိရင် ဆိုရအတော်ခက်ပါတယ်။ မဟာဂီတသီချင်းကြီးတွေဆိုတဲ့အခါမှာ ပိုသိသာပါတယ်။ တချို့တွေတော့ရှိပါတယ်။ ပင်ကိုယ်အသံကောင်းပေမယ့် မဆိုတတ်တဲ့အခါကျတော့ အသံတွေဟာ တစ်မျိုးကြီးတွေဖြစ်ကုန်ပါတယ်။ သီချင်းဆိုတဲ့အခါမှာ စည်းချက်ကျကျ ၀ါးချက်ကျကျ ဆိုတတ်မှ နားထောင်ရတာအဆင်ပြေပါတယ်။ စည်းမညီ၊၀ါးမညီဆိုလို့ကတော့ အဲဒီသီချင်း တစ်ဝက်တစ် ပျက်နဲ့ထိုးရပ်သွားတတ်ပါတယ်။ ကိုကိုးပထမဆုံး အဆိုပညာ သင်တုန်းကလည်း စည်းမသိတတ် ၀ါးမသိတတ်နဲ့ တော်တော်ကို ဒုက္ခရောက်ခဲ့တာပါ။ ဆရာတွေကောင်းခဲ့တာကြောင့် ဒီအခြေအနေရောက်တဲ့အထိ အဆင်ချောခဲ့တာပါ။ 

ကျွန်တော်တို့မြန်မာတွေရဲ့ မဟာဂီတကိုဆိုတဲ့အခါမှာ အခြေခံစည်းနဲ့ဝါးက မပါမဖြစ်ပါရပါတယ်။ အဲဒီမှာ စည်းဝါးနိုင်အောင် မထိန်းနိုင်ရင် ဒုက္ခရောက်တော့တာပါပဲ။ သီချင်းကြီးတစ်ပုဒ် ဆိုတဲ့အခါမှာ ဂီတစည်းမျဉ်းတွေကို နားလည်ပြီး စည်းဝါးပိုင်နိင်မှ သီချင်းကောင်းတစ်ပုဒ်ဖြစ်ပါတယ်။ နောက်ပြီး သီချင်းဆိုပြီဆိုရင်လည်းစိတ်ငြိမ်ရပါတယ်။ စိတ်မငြိမ်လို့ စိတ်ကဟိုရောက်ဒီရောက်ဆိုရင်လည်း သီချင်းတွေမေ့ပြီး ဆက်ဆိုမရဖြစ်တတ်ပါတယ်။ နောက်ပြီး ဆိုတဲ့အခါမှာလည်း အသံနေအသံထား၊ အသံအဖြတ်အတောက် အဆွဲအငင် အရစ်အသိမ်း အပင့်အရှိုက် တွေကို လိုသလို အသုံးပြုနိုင်ရပါတယ်။ အခုလက်ရှိ အဆွဲအငင် အပင့်အရှိုက်နေရာမှာ သူမတူအောင်ထူးချွန်တဲ့ အဆိုတော်ကြိးကတော့ အထင်ကရ အမေဒေါ်ရီရီသန့်ပဲဖြစ်ပါတယ်။ အမေပြန်ဆို ထားတဲ့ ဇေယျာကမ်းအလှပန်းချီဆိုတဲ့ သီချင်းဟာ အမေ့ရဲ့ အရည်အချင်းကို ပေါ်လွင်စေခဲ့ပါတယ်။ အဲဒီတော့ အဆိုသမားတစ်ယောက်ဟာ ပင်ကိုယ်အသံလည်းရှိရမယ်၊ ဂီတဥပဒေနားလည်ရမယ်၊ ကိုယ်ပိုင်ဟန်နဲ့လည်း ထိုးဖောက်နိုင်ရမယ်၊ ပါရမီလည်းပါမယ်ဆိုရင်တော့ အတိုင်းထက်အလွန်ပဲပေါ့ဗျာ။

နောက်ပြီး မဟာဂီတသီချင်းကြီးတွေဆိုတဲ့အခါမှာလည်း ဆိုဟန်တွေက သီချင်းအမျိုးအစားအလိုက် ကွာခြားမှူ့တွေအများကြီးရှိပါတယ်။ အဲဒီတော့ သီချင်းအမျိုးအစားအလိုက် ကိုယ့်ရဲ့ ဆိုဟန်ကိုလည်း အလိုက်သင့်ပြောင်းတတ်ရပါတယ်။ ဥပမာ သီချင်းခံကိုဆိုတဲ့ အခါ အသံနွဲ့နွဲ့လေးနဲ့ဆိုလို့မရသလို ပတ်ပျိုးသီချင်းဆိုတဲ့အခါမှာလည်း အသံကို ထောင့်တောင့်တောင့်ကြီး ဆိုမယ်ဆိုရင် ဘယ်လိုမှနားထောင် လို့ဖြစ်မှာမဟုတ်ပါဘူး။ ပတ်ပျိုးသီချင်းတွေမှာဆိုရင် များသောအားဖြင့် အပိုဒ်သုံးပိုဒ်ပါလေ့ရှိပါတယ်။ အဲဒါတွေကတော့ ပထမဆုံးတစ်ပိုဒ်မှာ ပတ်ပျိုးပိုဒ်၊ ဒုတိယပိုဒ်မှာ ရတုပိုဒ်၊ နောက်ဆုံးအပိုဒ်ကတော့ သဖြန်ပိုဒ်ဆိုပြီး ပါလေ့ရှိပါတယ်။ ပတ်ပျိုးပိုဒ်ကို ဆိုတဲ့အခါမှာ အဆွဲအငင်၊ အရစ်အသိမ်းနဲ့တကွ ပတ်ပျိုးရဲ့ရသပေါ်အောင် ဆိုနိုင်မှ နားထောင်လို့ကောင်းပါတယ်။ အဲဒီအပိုဒ်ပြီးရင်တော့ ရတုအပိုဒ်လာပါပြီ ၊ရတုအပိုဒ်ကတော့ ကြိုက်တတ်တဲ့သူအတွက် ဆိုလို့အကောင်းဆုံးအပိုဒ်ပါ။ သူကတော့ ပြတ်တောင်းပြတ်တောင်းလေးနဲ့ အရမ်းဆိုလို့လည်းကောင်း နားထောင်လို့လည်းကောင်းပါတယ်။ အနီးစပ်ဆုံးဥပမာပြရမယ်ဆိုရင် စိုးစန္ဒာထွန်းဆိုထားတဲ့ ဗုဒ္ဓမေတ္တာပန်း သီချင်းဆိုရင် ဒီဘက်ခေတ်လူငယ်တွေက အစသိကြပါတယ်။ အဲဒါ ရတုအမျိုးအစား သီချင်းတစ်ပုဒ်ပါ။ ဒါနဲ့ သတိရလို့ပြောလိုက်ဦးမယ်။ ဘန်ကောက်ရောက် အဆိုတော် အတီးတော်ကြီး ဇေ့လိုတော့ ဘန်ကောက်သူလေးတွေအနမ်းမခံရဘူးပေါ့နော်။ ဇေကတော့ ပြောဖူးပါတယ်။ ကျွန်းကျွန်းပိုင်သ သီချင်းကို စန္ဒယားနဲ့တီးပြတာ ဘန်ကောက်သူလေးတွေ နမ်းတာ ခဏခဏခံရတယ်တဲ့ ။ အားကျလိုက်တာနော်။ ကိုယ့်မှာတော့ ဆိုပြလို့တောင်ဘယ်သူမှနမ်းမဲ့သူမရှိ။ အဟဲ ....။

အဲ ရတုပိုဒ်ပြီးပြီးဆိုရင်တော့ သဖြန်ပိုဒ်ပေါ့ဗျာ။ သဖြန်ပိုဒ်ရောက်မှ ဒုက္ခရောက်တော့တာဗျို့.။ ကိုကိုးတို့ပြိုင်ပွဲတုန်းက မြိုင်ခြေစုံသာပတ်ပျိုးမှာဆိုရင် ပတ်ပျိုးပိုဒ်နဲ့ ရတုပိုဒ်ကို အမေတင်တင်မြ ဆိုထားတာပါ။ အောက်ဆုံးပိုဒ်ဖြစ်တဲ့ သဖြန်ပိုဒ်ကိုတော့ ဦးဝင်းဦးနဲ့ မေတင်တင်မြနှစ်ယောက်ပေါင်း ဆိုထားတာပါ။ ပတ်ပျိုးသီချင်းတစ်ပုဒ်မှာဆို ပတ်ပျိုးပိုဒ်ထက်ကို သဖြန်ပိုဒ်က ပိုပြီးပညာသားပါပါတယ်။ ဆိုဟန်ကလည်း ထူးခြားပါတယ်။  အဲတော့ သဖြန်ပိုဒ်ကိုပိုင်အောင်ဆိုနိုင်ပြီရင်တော့ တစ်ပုဒ်လုံးကိုရသ လောက်နီးပါးဖြစ်သွားပါပြီ။

အပိုင်း(၃)ဆက်ရေးပါဦးမည်။

စာရေးသူ...ကိုကိုးအိမ်