အာရာကန် တောလိပ်တွေဟာ ကမ္ဘာပေါ်ကနေ အပြီးပျောက်ကွယ်ခဲ့ပြီလို့ သိပ္ပံပညာရှင်တွေက ယုံကြည်နေကြတာပါ။ ဒါပေမယ့် အမေရိကန်ကနေ မြန်မာနိုင်ငံထိ သုတေသနပြုဖို့ ရောက်လာတဲ့ ပညာရှင်အဖွဲ့ တစ်ခုကတော့ အဲဒီအယူအဆ မှားနေတယ်ဆိုတာ သက်သေပြလိုက်နိုင်ပါပြီ။ တက္ကဆက်စ်နယ်သား စတီဗန်ပလတ်ဦးဆောင်တဲ့ နယူးယော့ခ်အခြေစိုက် တောရိုင်းတိရစ္ဆာန် လေ့လာရေး သုတေသီ အဖွဲ့တစ်ခုဟာ ရခိုင်ရိုးမမှာရှိတဲ့ ဆင်စခန်းတစ်ခုနားမှာ ဒီလိပ်ကလေးတွေကို ပြန်တွေခဲ့ပါတယ်။ ဆင်စခန်းနားမှာရှိတဲ့ ၀ါးတောတွေထဲမှာ အာရာကန်တောလိပ်လေးတစ်ကောင်ကို မေလ(၃၁)ရက်နေ့မှာ ပထမဆုံး တွေ့ခဲ့ပါတယ်လို့ ခုအခါ တက္ကဆက်စ်မှာရှိတဲ့ ဆူးလ်ရော့စ်တက္ကသိုလ်ကို ပြန်ရောက်နေပြီဖြစ်တဲ့ ပလတ်က ပြောပြခဲ့ပါတယ်။ သူတို့ဟာ ဆင်စခန်းရဲ့ သဘာဝကို လေ့လာဖို့အတွက် ရေစီးသန်တဲ့မြစ်တွေကို လှေငယ်နဲ့ဖြတ်ပြီး ခြင်၊ ယင်၊ မှက်တွေအပြင် မျှော့တွေရဲ့ ကိုက်ခဲမှုကိုပါခံရပြီး ရခိုင်ရိုးမကို လာခဲ့ကြတာပါ။ လိပ်ကလေးကို ပထမဆုံး တွေ့လိုက်တဲ့ အတွေ့အကြုံနဲ့ ပတ်သတ်ပြီး “အဲဒီအချိန်မှာ ကျွန်တော်တို့အားလုံး မယုံနိုင်လောက်အောင် ဖြစ်သွားရပါတယ်။ ကျွန်တော်တို့ဟာ လိပ်ကိုတွေ့တော့ လာခဲ့တဲ့ခရီးရဲ့ ရည်ရွယ်ချက်ကိုတောင် မေ့သွားတယ်”လို့ ပလတ်က ပြောပြခဲ့ပါတယ်။
မြန်မာနိုင်ငံ အနောက်ပိုင်းမှာရှိတဲ့ အာရာကန်တောင်နားမှာ စပြီးပေါက်ဖွားလာတယ်လို့ ပညာရှင်တွေက ယူဆထားတဲ့ အဲဒီကုန်းလိပ်လေးတွေဟာ (၁၉၉၀)ပြည့်လွန်နှစ်တွေမှာ အာရှရဲ့ အစားအသောက် ဈေးကွက်မှာ နာမည်ရလာပြီးတဲ့နောက် လူတွေကဖမ်းပြီး ဈေးကွက်တင်ကြတဲ့အတွက် မျိုးသုဉ်းသွားပြီလို့ ပညာရှင်တွေက ယုံကြည်ထားပါတယ်။ အဲဒီတုန်းက သိပ္ပံပညာရှင်တွေဟာ ဒီလိပ်ကလေးတွေ ကမ္ဘာပေါ်က ပျောက်ကွယ်သွားတာဟာ ပြောင်းလဲလာတဲ့ အာရှဒေသ စားသောက်ပုံကြောင့်လို့ ပြစ်တင်ခဲ့ပြီး လိပ်ကလေးတွေခမျာ ဟင်းလျာအဖြစ်ရော၊ ဆေးဝါးထုတ်လုပ်ရေးမှာပါ အသုံးချ ခံခဲ့ရတာပါ။ သိပ္ပံနာမည် Heosemys depressaလို့ခေါ်တဲ့ လိပ်ကလေးတွေဟာ မျိုးပွားနှုန်းနှေးတဲ့ သတ္တ၀ါလေးတွေလည်း ဖြစ်ပါတယ်။ ဘာပဲဖြစ်ဖြစ် ပလတ်နဲ့အဖွဲ့ရဲ့ ရှာဖွေတွေ့ရှိမှုဟာ သားရိုင်းတိရစ္ဆာန် ထိန်းသိမ်းရေး ပညာရှင်တွေအတွက် မျှော်လင့်ချက်ရောင်ခြည် အသစ်ကို ထွန်းလင်းစေခဲ့ပါတယ်။ “အာရှတလွှားမှာ လိပ်တွေကို မှောင်ခိုတင်သွားတာတွေ မရပ်သ၍ ဒုက္ခကြီးနေဦးမှာပါ။ ခုလိုမျိုး မြန်မာနိုင်ငံထဲမှာ မျိုးသုဉ်းပြီလို့ ထင်ထားတဲ့ လိပ်ကလေးတွေကို ပြန်တွေ့ရတာ အရမ်းဝမ်းသာစရာ ကောင်းပါတယ်။ တကယ့်ကို ရှားပါးမျိုးစိတ် ဖြစ်နေတဲ့ အဲဒီလိပ်တွေကို ကာကွယ်ဖို့နဲ့ သူတို့ရဲ့ အရေအတွက် ပြန်များလာဖို့ ကျွန်တော်တို့ အစွမ်းရှိသလောက် လုပ်သွားပါ့မယ်လို့ သားရိုင်းတိရစ္ဆာန် ထိန်းသိမ်းစောင့်ရှောက်ရေးဌာနက ကောလင်းပိုးလ်က ဆိုပါတယ်။ ပလတ်ရဲ့ သုတေသနအဖွဲ့မှာ မပါခဲ့တဲ့ ရေချိုလိပ်ပညာရှင် ဒေါက်ဂလက်စ်ဘီ ဟန်ဒရီကတော့ အရင်တုန်းက မြန်မာနိုင်ငံ အနောက်ဘက်ကို ရောက်ခဲ့ဖူးသူတွေနဲ့ Tourist Guideတွေက ဒီလိပ်လေးတွေကို တွေ့တွေ့နေတယ်လို့ ပြောထားတာကြောင့် ခုလိုမျိုး ပလတ်တို့က ပြန်တွေ့တယ်လို့ ကြေညာတာကို မအံ့ဩလှပါဘူးလို့ ဆိုပါတယ်။ ဒေသခံတွေကတော့ ခုလိပ်ကလေးတွေကို ပြောင်ချေးစားလိပ်လို့ ခေါ်ကြပါတယ်။ ဘာကြောင့်လဲဆိုတော့ ရခိုင်ရိုးမမှာ ခုထိအောင် ရှိနေသေးတဲ့ မျိုးသုဉ်းလုနီးပါး ဂျာဗားကြံ့တွေရဲ့ အညစ်အကြေးတွေကို အဓိကစားသောက်တတ်တဲ့ လိပ်ကလေးတွေဟာ တခြားတိရစ္ဆာန်တွေရဲ့ အညစ်အကြေးတွေကိုလည်း အစာအဖြစ် မှီဝဲတတ်လို့ပါပဲ။
စာရေးသူ--ဆီဇာညီညီ ( ၉.၉.၀၉ ညဆယ့်နှစ်နာရီသုံးဆယ်မိနစ်)
0 ယောက်ကစာမူခပေးသွားပါတယ်:
Post a Comment