မျှော်လင့်ခြင်းစုတ်ချက်များ

ကျွန်တော်တို့ဘ၀မှာ ငယ်စဉ်ဘ၀ကတည်းကပင် မျှော်လင့်ခြင်းများစွာဖြင့်
မွေးဖွားလာခဲ့ကြပါ သည်။ လူသားတွေရဲ့ဘ၀တစ်လျှောက်လုံးမှာ
မျှော်လင့်ခြင်းတွေဟာ မော်ဒန်ပန်းချီဆရာတစ် ယောက်ရဲ့ စုတ်ချက်တွေလို
အရောင်အသွေးစုံလင်စွာဖြင့် လှပခဲ့ကြဖူးပါသည်။ ထိုမျှော်လင့်
ချက်များဖြင့်ပင် ကျွန်တော်တို့ရဲ့ ဘ၀ပေါင်းများစွာကို လှပအောင်
ခြယ်မှုန်းခဲ့ကြလေသည်။
ကျွန်တော်တို့ ငယ်စဉ်ဘ၀တွေတုန်းကတော့ မျှော်လင့်ချက်တွေဟာ
ကြယ်ပေါင်းစုံလင်း လက်တောက်ပနေသည့် လပြည့်ညပမာ တဖျပ်ဖျပ်
ကွန့်မြူးလှပစွာ…။ ထိုမျှော်လင့်ခြင်းများ ဖြင့်ပင် ကျွန်တော်သည်
စည်းချက်မညီသော ရင်ခုန်သံများကို ပေါက်ဖွားစေခဲ့ဖူးပါသည်။
ကျွန်တော်ကလေးဘ၀်က မျှော်လင့်ချက်မှာ
ရုပ်ရှင်မင်းသားတစ်ယောက်ဖြစ်ခဲ့

ပါသည်။ ထိုအချိန်က စိုးသူတို့
ကိုကိုလင်းမောင်တို့ ခေတ်စားသောအချိန်ဖြစ်ပါသည်။ ရုပ်ရှင်မင်းသား
ဖြစ်ချင်လိုက်တာလည်းတစ်ပိုင်းကိုသေလို့ပင်။ ဆံပင်ညှပ်လျှင်တောင်
စိုးသူကေမှ ကိုကိုလင်း မောင်ကေမှ ဟုဆိုသဖြင့်
အမေနှင့်စကားများခဲ့ရပေါင်းလည်း များခဲ့ပြီ။ ထိုအချိန်က ထွက်သော
ဗွီဒီယိုကားဆိုလည်း မလွတ်တမ်းအားပေးခဲ့သူဖြစ်ပါသည်။…။
တစ်နေ့တစ်နေ့ အမေ့မှန်တင်ခုံကြီးရှေ့မှာလည်း အိုက်တင်မျိုးစုံထုတ်ကာ
သရုပ်ဆောင် ကျင့်ရတာလည်းအမော။ ထိုအချိန်က
တရုတ်သိုင်းကားတွေခေတ်စားနေချိန်ဖြစ်သဖြင့် ထိုဇာတ်ကားများထဲမှ
မင်းသားများ၏အိုက်တင်ကိုလည်း မှန်ပေါက်အောင်ပင်ကျင့်ခဲ့ ဖူးပါ၏။
ကျွန်တော်ငယ်ငယ်က အဲလို အဲလို ဆိုးခဲ့သူဖြစ်ပါသည်။
ထိုအချိန်က  ကစားလျှင်လည်း ရုပ်ရှင်ရိုက်တမ်းကိုသာ ကစားဖြစ်ပါသည်။
ကျွန်တော်က မင်းသားလုပ်ကာ ရပ်ကွက်ထဲမှ ကလေးများကို မုန့်ကျွေးပြီး
လူဆိုး၊ ဇာတ်ပို့နေရာမှာ သရုပ်ဆောင်ခိုင်းကာ ကစားခဲ့တဲ့အထိ
မျှော်လင့်ခြင်းဖြင့်ရူးသွပ်ခဲ့ပါသည်။ ကျွန်တော်သည် ထိုဘ၀ကိုပင်
မက်မက်မောမော စီးမျောခဲ့ဖူးပါသည်။…။
               -----------------****-----------------
ကျွန်တော် ဆယ်ကျော်သက်ဘ၀ရောက်သောအခါ ကျွန်တော့်မျှော်လင့်ခြင်းများသည်
လေနှင့်အတူ ပြောင်းလဲခဲ့ပါသည်။ ကျွန်တော်၏ မျှော်လင့်ချက်များသည်
ပိုမိုခိုင်မာ သက်ဝင်လာခဲ့ပါသည်။ အမှန်တရားဘက်မျှ ရပ်တည်တတ်သော
ပြည်သူ့အကျိုးပြုရှေ့နေ တစ်ယောက်ဖြစ်ချင်စိတ် ပြင်းပြစွာပင်
ထက်သန်ခဲ့တော့သည်။
ထိုအချိန်မှစ၍ ကျွန်တော်နှင့်ပတ်သက်သော အခန်းတိုင်းနေရာတိုင်းမှာ
ရှေ့နေ၀တ်စုံ ပြည့်ဝတ်ဆင်ထားကြသော ရှေ့နေကြီးများ၏ ပုံများ
ထင်ရှားစွာနေရာယူလာခဲ့ကြတော့သည်။ ထိုပုံများကိုကြည့်မိလျှင်ပင်
တစ်ကိုယ်လုံးကြက်သီးမွှေးညှင်းများထကာ မျှော်လင့်ခြင်းရောင် ခြည်များ
တောက်ပလက်ဖြာလာခဲ့သည်။ ထိုအချိန်မှစ၍ ကျွန်တော့်မျှော်လင့်ခြင်းများ၏
အာသာငမ်းငမ်းလိုချင်တပ်မက်မှူ့များကို ဖြည့်စွမ်းနိုင်ဖို့ စာကို
အပတ်တကုတ် ကြိုးစားခဲ့တော့ သည်။
ကျွန်တော်ဆယ်ကျော်သက်အရွယ်တွင် ကျွန်တော့်နှလုံးသားသည် ကြောက်မက်ဖွယ်
ကောင်းလှစွာ အေးစက်ငြိမ်သက်နေခဲ့သည်။  သူငယ်ချင်းတွေရင်ခုန်သလိုလည်း
ရင်မခုန်တတ်ခဲ့…။ စိတ်ကစားသော သူငယ်ချင်းများကိုပင်
အပြင်းအထန်ဝေဖန်ထိုးနှက်ခဲ့ဖူး သည်။ ထိုအချိန်က
ကျွန်တော့်နှလုံးသွေးထဲတွင် မျှော်လင့်ခြင်းတွေသာ ကြမ်းတမ်းစွာ
ခုန်ပေါက်စီးဆင်းလျှက်ရှိခဲ့လေသည်။
ထို့သို့ပြင်းပြထက်သန်မှူ့၏ အကျိုးခံစားခွင့်အဖြစ်
ကျွန်တော့်၏မျှော်လင့်ခြင်းတွေ သက်ဝင်လှုပ်ရှားလာခဲ့ခြင်း ဖြစ်ပါသည်။
ကျွန်တော် တက္ကသိုလ်ဝင်တန်းစာမေးပွဲတွင် ဂုဏ်ထူး နှစ်ဘာသာဖြင့်
ဥပဒေပညာအဓိကယူကာ တက္ကသိုလ်တက်ခွင့်ရခဲ့ခြင်းပင် ဖြစ်ပါတော့သည်။
                ----------------********------------------
ကျွန်တော် ဥပဒေပညာ သင်ယူနေချိန်မှာ နောက်ထပ် မျှော်လင့်ခြင်းတစ်ခုကို
ထပ်မံ မွေးဖွားခဲ့ပါသည်။ ထိုမျှော်လင့်ချက်မှာ ကလေးငယ်များကို
မြန်မာစာသင်ပေးရင်း စာရေးသူတစ်ယောက် ဖြစ်လိုခြင်းပင်ဖြစ်တော့သည်။
ထိုမျှော်လင့်ခြင်းသည် ကျွန်တော့်ဘ၀ ကို
အပြောင်းလဲကြီးပြောင်းလဲစေခဲ့ပါသည်။
ကျွန်တော်က ခေါင်းမာသည်။ ကိုယ်လိုချင်သည့်အရာမှန်သမျှကို မည်သည့်အခက်အခဲ
ကိုကျော်ရသည်ဖြစ်စေ သွေးအေးအေးနှင့် ဖြစ်အောင်လုပ်တတ်သော
လူတစ်ယောက်ဖြစ်ပါ သည်။ ကျွန်တော့်သည် ထိုမျှော်လင့်ချက်ကို
အကောင်အထည်ဖော်ဖို့ စာအုပ်တွေ နေ့မအား ညမနားဖတ်၍ ၀မ်းစာဖြည့်တော့သည်။
ကျွန်တော့်အိပ်ယာဘေးတွင်လည်း စာအုပ်ပုံများဖြင့် ပြည့်နှက်လာခဲ့လေသည်။
တစ်ရက်တွင်တော့ စာရွက်တွေဘေးမှာချကာ ကလောင်ကိုင်တော့သည်။ ရင်ထဲရှိသမျှ
နှလုံးသွေးနှင့်ရင်း၍ အန်ထုတ်ရေးသားခဲ့သည်။ ထို့နောက် ဂျာနယ်တိုက်၊
မဂ္ဂဇင်းတိုက်များသို့ မနားတမ်းပို့ခဲ့လေသည်။ မဂ္ဂဇင်း၊ ဂျာနယ်တွေမှာ
ကိုယ့်ကလောင်လေး တစ်ခုတစ်လေများ မြင်ရပြီဆိုလျှင်ဖြင့်
မျှော်လင့်ခြင်းရောင်ခြည်များ ယှက်ဖြာစွာဖြင့်
နှလုံးသွေးတို့ကြမ်းတမ်းစွာ စီးဆင်းခဲ့လေသည်။ တစ်ဖက်မှလည်း ကလေးများအား
မြန်မာစာသင်ရင်း ၀မ်းစာဖြည့်ခဲ့လေ သည်။ ကိုယ်သင်လိုက်သောစာကို
ကလေးတို့အားပါးတရကျက်မှတ်နေကြလျှင်ဖြင့် နှလုံးသားမှ စိမ့်ထွက်လာသော
ပီတိကိုစား အားရှိခဲ့ရလေသည်။ထို့သို့ဖြင့် ကျွန်တော့်ဘ၀ထဲသို့
နောက်ထပ်မျှော်လင့်ခြင်းများသည် ဦးတည်ရာမဲ့ ထပ်မံဝင်ရောက်လာခဲ့ ကြသည်။
ထိုမျှော်လင့်ခြင်းများသည် ကျွန်တော့်ဘ၀ထဲတွင် လှပဆန်းကြယ်ခြင်း၊
နူးညံ့သိမ်မွေ့ခြင်း၊ ပြင်းပြထက်သန် ခြင်း တို့ ဖြင့်
အဆန်းတကြယ်နိုင်လှစွာ ခုန်ပေါက်လျှက် ရှိတော့သည်။
လူသားတိုင်းတွင် မျှော်လင့်ခြင်း ကိုယ်စီရှိရပါမည်။ လူသားအားလုံးသည်
မျှော်လင့်ခြင်း လူသားများအဖြစ်အသက်ရှင်ရပ်တည်ပိုင်ခွင့်ကိုယ်စီရှိကြသည်။
ထိုမျှော်လင့်ခြင်းများကို အသက်သွင်းရန်အတွက် လောကကြီးက တရာမျှတစွာပင်
အခွင့်အလမ်းတွေ ပေးထားခဲ့သည်။ တကယ်ဖြစ်ချင်သော မျှော်လင့်ခြင်းဖြင့်သာ
ကြိုးစားမည်ဆိုလျှင် အောင်မြင် မှူ့သည် ဆုလာဒ်တစ်ခုအဖြစ်
စားသုံးခွင့်ရမည်မှာ အမှန်တကယ်ပင် ဖြစ်ပါသည်။
ကျွန်တော်သည် ယခုဆိုလျှင် ကျွန်တော်မျှော်လင့်ခဲ့သော
ပြည်သူ့အကျိုးပြုရှေ့နေ တစ်ယောက်ဖြစ်ခဲ့ပေပြီ။ အနုပညာဆန်သော
လက်ချောင်းများဖြင့်လည်း စာရေးသူတစ် ယောက်ဖြစ်အောင် လုပ်နိုင်ခဲ့သည်။
မြန်မာစာ သင်ကြားရေးဆရာတစ်ယောက်လည်း ဖြစ်နေ ခဲ့ပြီ။
လူတိုင်းမျှော်လင့်ခဲ့ကြဖူးသည်။ ထိုအထဲကမှ တစ်ချို့က မျှော်လင့်ခြင်းကို
အကောင်အထည်မဖော်နိုင်ခဲ့ကြ။ ထို့အထဲကမှ တစ်ချို့ကမူ
ပြီးမြောက်အောင်မြင်သည်အထိ အသက်သွင်းနိုင်ခဲ့ကြသည်။ အချို့မှာ
မျှော်လင့်ချက်မပြည့်ဝမီ သေဆုံးခဲ့ကြသလို အချို့ကတော့ အောင်မြင်မှူ့ကို
အပြည့်အ၀ စားသုံးသွားခဲ့ကြသည်။
ကဲ…. သင်ရော ဘယ်လိုမျှော်လင့်ခြင်းများဖြင့်အသက်ရှင်နေပါသလဲ၊
ကျွန်တော်ကတော့မျှော်လင့်ခြင်းများဖြင့် ဆက်လက်အသက်ရှင်နေဦးမည်သာ။
နောက်ထပ် မျော်လင့်ခြင်းတွေကို ဆက်လက်မွေးဖွားနေဦးမည်သာ။
ထိုမျှော်လင့်ခြင်းတွေကတော့ လှပဆန်းကြယ်ခြင်းများဖြင့် အတိပြီးလျှက်……………….

------------------------------********--------------------------------
------------------------------********--------------------------------

စာရေးသူ…ကိုကိုးအိမ်(၃၁.၈.၂၀၀၉) မွေးနေ့အမှတ်တရ

 

မျှော်လင့်ခြင်းစုတ်ချက်များကို လှပစွာရေးခြယ်နိုင်ကြပါစေလို့ ဆုတောင်းလျှက်