ဂီတအခြေခံအကြောင်း သိကောင်းစရာအပိုင်း(၁)

ဒီတစ်ခါတော့ အားလုံးလည်း ဗဟုသုတအနေနဲ့သိထားရအောင် ဂီတနဲ့ပတ်သတ်လို့ အခြေခံလေးတွေကို တင်ပြပေးသွားပါ့မယ်။ ကိုကိုးလည်း သိသလောက်တတ်သလောက်မျှဝေတာပေါ့ဗျာ။ ဂီတအခြေခံဆိုတော့ကိုကိုးတို့မြန်မာလူမျိုးတွေအတွက် မြန်မာ့ယဉ်ကျေးမှူ့အမွေအနှစ်ဖြစ်တဲ့ မဟာဂီတအခြေခံကို လေ့လာပုံလေးတွေကို ပြောပြပေးပါ့မယ်။ ဂီတမှာ ဆိုရင် သံစဉ်ခုနှစ်ပါးရယ်လို့ရှိပါတယ်။ ဒို၊ ရေ၊ မီ၊ ဖာ၊ ဆို၊ လာ၊ တီ ဆိုပြီးတော့ပါ။ အဲဒီသံစဉ်ခုနှစ်ပါးကို ဂီတပညာရှင်က ကျွမ်းကျင်စွာနဲ့ ဆော့ကစားလိုက်ပြီဆိုတဲ့အခါမှာဖြင့် နားထဲမှာ စိမ့်ဝင်သွားလောက်အောင်ထိ စွမ်းပကားကြီးမားသွားပါတော့တယ်။ ကိုကိုးတို့ကို မဟာဂီတစသင်တဲ့အခါမှာ သီချင်းကို အရင်မသင်သေးပါဘူး။ ပထမဆုံးအနေနဲ့ သီချင်းတွေဖွင့်ပြပြီး ဘယ်ဟာစည်း ဘယ်ဟာဝါးဆိုပြိးတော့ စည်းဝါးကို လက်ချည်းသက်သက် လိုက်ခိုင်းပါတယ်။ နည်းနည်းလေးအထာကျလာပြီဆိုမှ စည်းနဲ့ဝါးကိုင်နည်းကို သင်ပေးတာပါ။ ၀ါးကိုင်ရတာမခက်ပေမယ့် စည်းကတော့ စကိုင်ကာစ အထာမကျသေးခင်ဆို တော်တော်ဒုက္ခရောက်တာပါ။ စည်းကိုင်နည်းအမှန်လေးကို ပြောပြပေးပါ့မယ် ။ စည်းဆိုတာမျိုးက ကြိုးတစ်ခုရဲ့ အစနှစ်ဖက်မှာ ကြေးနဲ့လုပ်ထားတဲ့ စည်းလေးနှစ်ခုကို အပေါက်ထဲထိုးပြီး ချည်ထားတာပါ။ စည်းကိုသုံးရင် ခတ်တယ်လို့သုံးပါတယ်။ စည်းတီးတယ်လို့ပြောလေ့မရှိပါဘူး။ အဲစည်းစကိုင်ပြိဆိုရင် စည်းပိတ်လေးရှိတဲ့ကြိုးအရင်းကို လက်ညှိုးနဲ့လက်မ ညှပ်ကိုင်ရပါတယ်။ ပြိးရင် လက်သန်းဖြင့်လက်သန်း လက်သူကြွယ်ဖြင့် လက်သူကြွယ် ပတ်ပြိး ကျန်တဲ့ အစတစ်ဖက်ကို လက်ခလယ်နဲ့လက်ညှိုးကြားကနေ ပြန်ဆွဲထုတ်ရပါတယ်။ အဲဒီတော့ စည်းထိုးထဲကြိုးကို ကိုယ့်လက်နဲ့ အံကိုက်ဖြစ်အောင် ကြိုတိုင်းပြိးလုပ်ထားရမှာပါ။ စည်းကြိုးရှည်နေရင်လည်းအဆင်မပြေပါဘူး။ စည်းကြိုးတိုနေရင်လည်း ခတ်လို့မရဖြစ်တတ်ပါတယ်။ စည်းမှာလည်း တစ်ဝက်စည်းနဲ့ စည်းပြည့်ဆိုပြိးရှိပါတယ်။ တစ်ဝက်စည်းက အသံနည်းနည်းစူးတော့ နားထောင်ရခက်ပါတယ်။ စည်းပြည့်ဆိုရင်တော့ တော်တော်နားထောင်လို့ကောင်းပါ တယ်။ ဒါပေမယ့် စည်းကို ၀ယ်ကတည်းက ဂရုစိုက်ရမှာက စည်းအ ဖြစ်မနေဖို့ပါပဲ။ စည်းအဖြစ်နေရင် စည်းခတ်တဲ့သူဘယ်လောက်ကောင်းကောင်း အသံကြီးက အစ်အစ်ြီကီးထွက်လာမှာပါ။ အဲတော့ ၀ယ်ကတည်းကခတ်ကြည့်ပြီး စည်းသံလွင်လွင်လေးဖြစ်မှ ၀ယ်သင့်ပါတယ်။ စည်းအကြီးဖြစ်လို့ကတော့ တီးတိုင်းစိတ်ညစ်ရတာပါ။  

အဲတော့ ခုနက စည်းခတ်တာလေးပြန်ပြောပါမယ်။ စည်းကို သေချာကိုင်မိပြိဆိုရင် လက်ညှိုးနဲ့လက်မကြားမှာ ရှိတဲ့ စည်းတစ်ဖက်ကို အသေထားပြီး ကျန်တဲ့လက်သုံးချောင်းကနေပတ်ထားတဲ့ စည်းတစ်ဖက်ကို ပဲ လှုပ်ရှား ပြီးခတ်ပေးရမှာပါ။ ၀ါးကိုင်တာကတော့ လွယ်လွယ်လေးပါ။ ၀ါးရဲ့အပေါ်ဘက် တစ်ဖက်မှာနဲ့ အောက်ဖက်မှာ ကွင်းလေးတွေပါပါတယ်။ ကွင်းလေးနှစ်ကွင်းထဲကို လက်ညှိုးနဲ့လက်မ တစ်ခုစီထည့်ပြီး ရိုက်ရုံပါပဲ။ ကိုင်တဲ့အခါမှာလည်း ၀ါးကိုဘယ်ကဘက်ကကိုင်ပြိး စည်းကို ညာဘက်ကကိုင်ပါတယ်။ 

စည်းဝါးကိုင်နည်းကိုပြောပြီးတဲ့အခါ စည်းဝါးဘယ်နှစ်မျိုးရှိတယ်ဆိုတာကိုပြောပြပါ့မယ်။ စည်းဝါး တီးတဲ့အခါမှာ စုံစည်း၊ ၀ါးလက်၊ ၀ါးပြေး၊ နရီ၊ နရီကြီး အစရှိသဖြင့် အမျိုးမျိုးရှိပါတယ်။ သီချင်းပေါ်မူတည်ပြိး စည်းဝါးခတ်နည်းတွေပြောင်းသွားတာပါ။ စည်းဝါးခတ်တဲ့အခါ ဘယ်လိုပုံစံမျိုးနဲ့ပဲခတ်ခတ်အရေးကြိးဆုံးက တော့ timing ပါ။ တိုင်မင် မမှန်ရင် သီချင်းအရသာပျက်ပါတယ်။ တစ်ချို့ဆို သီချင်းဆိုရင် စည်းဝါးအကွာအဝေးကို မှတ်ပြီး စည်းဘယ်နှစ်ချက်ပြိးရင် စ၀င်မယ် ၊ ဘယ်ရောက်ပြီဆိုပြီး မှတ်တတ်ကြပါတယ်။ အဲလိုလူမျိုးတွေ စည်းဝါးအကွာအဝေးမမှန်တော့ဘူးဆိုရင်တော့ သီချင်းတစ်ပုဒ်လုံး ဆက်ဆိုလို့မရတော့ ပါဘူး။ သီချင်းတစ်ပုဒ်လုံးမှာ စည်းဝါးဟာအသက်ပါ။ ရေသောက်မြစ်ပါ။ အဲဒိတော့ သီချင်းတစ်ပုဒ်ဆိုတော့ မယ်ဆိုရင် ဂီတဥပဒေတွေကို ပိုင်ပိုင်နိုင်နိုင်နားလည်ထားဖို့လိုပါတယ်။

သီချင်းအမျိုးအစားတွေလည်း အများကြီးရှိပါတယ်။ သီချင်းခံ၊ ကြိုး၊ ဘွဲ့၊ ပတ်ပျိုး၊ သံရိုး၊ ယိုးဒယား၊ မွန် အစရှိသဖြင့်ပေါ့ဗျာ။ မဟာဂီတဟာ နားထောင်တတ်ရင်တတ်သလောက် အရမ်းကို ကောင်းမွန်လှတဲ့ ဂန္တ၀င် သီချင်းကြီးတွေပါ။ မဟာဂီတဟာ ဆိုတဲ့လူအတွက် ဆိုရတာအရသာအရမ်းရှိပါတယ်။ ဒါပေမယ့် သီချင်းအရမ်းကြာတာတွေဆိုရင် နားထောင်ရတဲ့သူအတွက်အိပ်ငိုက်တတ်ပါတယ်။ အဟဲ..။ ဥပမာ စိုးအဗ္ဗုန်မှူး(ပတ်ပျိုး) သီချင်းဆိုရင် တစ်ပုဒ်တည်းတင်ကို ၃၂ မိနစ်ကြာပါတယ်။ သီချင်းကလည်း အရမ်းကောင်းပါတယ်။ အဲဒီသီချင်းကို မြ၀တီမင်းကြီးဦးစက အလွမ်းဓာတ်ခံလေးနဲ့ရေးခဲံတာ ဆိုတော့ အဓိပ္ပါယ်ကို သေချာနားထောင်ကြည့်ရင် အရမ်းဆွေးစရာကောင်းပါတယ်။ အဲလိုမျိုး သီချင်းကြီးတွေဟာ အမျိုးအစားလိုက်ရသပေါင်းစုံကို ပေးနိုင်စွမ်းရှိပါတယ်။ ကိုကိုးလည်းပိုက်ပိုက်ကုန်သွားလို့ နောက်နေ့မှဆက်ရေးမယ်နော်။ အဟီး...................

အပိုင်း ၂ ဆက်ရေးပါမည်။

စာရေးသူ...ကိုကိုးအိမ်