စာရေးသူတစ်ယောက်ရဲ့လိပ်ပြာ

ကိုကိုးအိမ်တစ်ယောက်ခုတလောမကျေနပ်တာတွေချည်းဖွင့်ပြောနေတယ်များထင်ကြမလားမသိပါဘူးဗျာ..။ တကယ်တမ်းက မကျေနပ်ချက်ဆိုတာတွေဟာ မတရားခံလိုက်ရတဲ့လူတွေမှာရှိတတ်တာပါ။ အဲဒီတော့ ကိုးတစ်ယောက်ခုတလောအနိုင်ကျင့်ခံနေရတယ်လို့ဆိုရမှာပေါ့ဗျာ။ ဟိုတစ်လောက မဂ္ဂဇင်းတစ်ခုမှာ ကိုးဘလော့ပေါ်ကပို့စ်တစ်ပုဒ်ပါလာပါတယ်။စာရေးသူနာမည်လေးပဲပြောင်းပြီး သူ့နာမည်ကိုထည့်ပစ်လိုက် တာပါ။ အဲဒီမှာ ကံကောင်းတာတစ်ခုက အဲဒီကိုစာမူထုတ်ပြီး စာတိုက်တစ်ခုကိုပို့ဖို့လုပ်နေတဲ့အချိန်ပါ။ အဲဒီအပုဒ်ကိုလည်းတွေ့လိုက်ကော မျက်လုံးပြူးသွားရပါတယ်။ ကိုးကအရင်တည်းက ကိုကိုးအိမ်(မန္တလေး) ဆိုတဲ့ကလောင်နာမည်နဲ့စာရေးခဲ့ပါတယ်။ ဒါပေမယ့် လွန်ခဲ့တဲ့သုံးနှစ်လောက်ကမှ စာစောင်တွေမှာ တစ်ပုဒ်နှစ်ပုဒ်လောက်ပဲပါခဲ့ဖူးတဲ့အတွက် လူမသိခဲပါဘူး။ ဒီတစ်ခါအံ့သြမှူ့ကတော့ စာဖွဲ့ပြလို့ကိုမရတာပါ။ စာရေးဆရာကလည်း နာမည်ကြီးတစ်ယောက်ပါပဲ။ ကိုးသူ့ရဲ့ နာမည်ကို အရမ်းနှမြောပါတယ်။ လူတစ်ယောက်အတွက် နာမည်ဆိုတာ Brand တစ်မျိုးပါပဲ။ နာမည်ကြီးဖို့အရမ်းခက်သလို နာမည်ပျက်ဖို့လည်းအရမ်းလွယ်ပါတယ်။နာမည်ကြီးတယ်ဆိုတာတောင်မှစာရေးဆရာတစ်ယောက်အတွက်ဆိုရင် နာမည်ကိုထိန်းသိမ်းဖို့အရမ်းလို အပ်ပါတယ်။

ကိုးရဲ့အယူအဆကတော့ စာမရေးနိုင်ရင် တစ်နှစ်နေမှ တစ်ပုဒ်လောက်ပဲရေးနိုင်ရေးနိုင် ကိုယ်ပိုင်ရေးဖြစ်ဖို့အရေးကြီးပါတယ်။ ကိုယ်ပိုင်ရေး မဟုတ်ရင်တောင် တခြားဘာသာတစ်ခုကနေ ဘာသာပြန်ထားတာမျိုးဆိုရင်တော်ပါသေးတယ်။ နောက်ပြီးရေးပြီဆိုရင်လည်း လူအများအတွက်ဘယ်လို အကျိုးရှိမယ်၊ ဘယ်လိုအကျိုးယုတ်မယ်ဆိုမျိုးကို အမြဲခေါင်းထဲထည့်ထားနိင်ရင်ပိုကောင်းပါတယ်။ စာဖတ်သူ တစ်ယောက် စာတစ်ပုဒ်ကိုဖတ်တော့မယ်ဆိုရင် အချိန်တွေအများကြီးပေးရပါတယ်။ အဲဒီတော့ အကျိုးမရှိ၊ အကျိုးယုတ်တဲ့ စာတွေကိုဖတ်ရမယ်ဆိုရင် စာဖတ်သူဘက်ကနစ်နာတာတွေအများကြီးပါ။ အချိန်တွေနစ်နာ မယ်။ စိတ်ဓာတ်အင်အားတွေနစ်နာမယ်။ အွန်လိုင်းကဖတ်ရင် အင်တာနက်သုံးခကုန်မယ်။ အပြင်မှာဖတ်ရင် စာအုပ်ငှားခ၊ စာအုပ်ဝယ်ခတွေအလဟဿကုန်မယ်။ စာရေးသူဘက်ကလည်း ပရိတ်သတ်ဆီက အချိန်တွေကို ခိုးယူ၊ လိမ်ယူ၊ လုယူ၊ စိတ်ဓာတ်အင်အားတွေကို ဓားပြတိုက်လိုက်တာပါပဲ။ အဲလိုမျိုးတွေကို တစ်ယောက်ချင်းစီဆီကနေခိုးယူလိုက်ပါတယ်။

အဲလိုခိုးယူတာကလည်း တစ်ယောက်တည်းမဟုတ်ပါဘူး။ ကျွန်တော်အများပြည်သူစာအုပ်တစ်အုပ်အဖြစ် နမူနာပြောပြပါမယ်။ စာအုပ်တစ်အုပ်ကို အုပ်ရေတစ်ထောင်ပဲထုတ်တယ်ထားပါဦး။ အဲဒီစာအုပ်တွေထဲက စာအုပ်ဆိုင်ကငှားဖတ်တာရော၊ ၀ယ်ဖတ်တာရော၊ သူငယ်ချင်းပေးဖတ်တာရော၊ နောက်တက်လူငယ်လေး တွေအားလုံးဖတ်တာရော ဆိုရင် ပျမ်းမျှအားဖြင့် စာအုပ်တစ်အုပ်ကို အယောက်၂၀လောက်ဖတ်ကြပါတယ်။ အဲဒီတော့ အုပ်ရေနဲ့တွက်ကြည့်မယ်ဆိုရင် အုပ်ရေတစ်ထောင်ကို လူဦးရေ နှစ်သောင်းလောက်ဖတ်ဖြစ်နေ ပါတယ်။ ကိုယ့်ရဲ့စာတစ်ပုဒ်ပြီးဖို့ နှစ်နာရီပဲကြာတယ်ဆိုပါစို့။ အနည်းဆုံးနဲ့တွက်ထားတာပါ။ အဲဒါဆိုရင် အဲဒီလူပေါင်းနှစ်သောင်းဆီကနေ အချိန်နာရီပေါင်းလေးသောင်းလောက်ကိုခိုးယူလိုက်ပါပြီ။ အဲဒါကို နှစ်နဲ့တွက်မယ်ဆိုရင် စာဖတ်သူအားလုံးဆီကနေ ငါးနှစ်စာအချိန်လောက်ကိုခိုးယူလိုက်သလိုဖြစ်သွားပါ တယ်။ ကဲ... အဲဒီအချိန်ငါးနှစ်ကို ဘယ်လိုပြန်လျော်ပေးနိုင်မလဲ။ အဲဒီတော့ စာတစ်အုပ် စာတစ်ပုဒ်ရေးတော့ မယ်ဆိုရင် လူတွေကို ဘယ်လိုအကျိုးပြုနိုင်မလည်းစဉ်းစားမိပါတယ်။ ခုတွက်ထားတာ အချိန်ဆုံးရှုံးတာတစ်ခု ပဲရှိပါသေးတယ်။ တခြားဆုံးရှုံးမှူ့တွေမပါသေးပါဘူး။

အဲလိုမျိုးဆိုရင် ကိုးတစ်ခုစဉ်းစားမိပါတယ်။ သူများတစ်ယောက်ရဲ့စာတွေကို ကိုယ့်စာအဖြစ်တင်နေရေးနေ ကြတဲ့သူတွေ ဘယ်လောက်ထိလိပ်ပြာသန့်သန့်နဲ့နေနိုင်ကြမလည်းဆိုတာပါ။ တကယ်လို့များ ကိုယ်က သူများစာတွေရေးရင်းနဲ့ နာမည်ကြီးလာပြီဆိုပါစို့။ ကိုယ်ဘယ်လိုစိတ်မျိုးနဲ့ဆက်ရှင်သန်နိုင်မလဲ။ အခုလက် ရှိစာရေးဆရာတစ်ယောက်ရှိပါတယ်။ Best Seller စာရေးဆရာပါ။ ဒါပေမယ့် အဲဒီစာရေးဆရာ ရှဲဒိုးလုပ်နာမည်ယူတာကို တွေ့ရတဲ့အခါ လူတွေသူ့အပေါ်ဘယ်လိုမြင်ကြမလည်းဆိုတာစဉ်းစားကြည့်ပါ။ အဲဒီကိစ္စကြီးဟာ တစ်နိုင်ငံလုံးက စာဖတ်ပရိတ်သတ်တွေသိသွားတဲ့အခါ သူ့စာအုပ်တွေ အဖတ်နည်းသွား ပါတယ်။ အဖတ်နည်းတာမနည်းတာကနောက်မှပါ။ လူတစ်ယောက်ရဲ့ဂုဏ်သိက္ခာဆိုတာရှိပါသေးတယ်။ သူရဲ့ဂုဏ်သိက္ခာကိုဘယ်လိုမှအဖတ်ဆည်လို့မရတော့ပါဘူး။ လူဆိုတာ အသက်နဲ့လူလုပ်တာမဟုတ်ပါဘူး။ အရှက်နဲ့လူလုပ်တာပါ။ နာမည်ဆိုးကြီးနဲ့ နိုင်ငံကျော်တစ်ယောက်ဘယ်လိုဆက်လက်ရှင်သန်မလည်း ဆိုတာ ကိုးသာဆိုရင်တော့ မစဉ်းစားဝံ့ပါဘူး။

နောက်တစ်ခုက အွန်လိုင်းပေါ်ကစာအခိုးခံရတာပါ။ အဲဒါကို နိုင်ငံတော်ကပြဌာန်းထားတဲ့ ဥပဒေတစ်ရပ်ရှိပါ တယ်။ တကယ်တမ်းတရားစွဲမယ်ဆိုရင်စွဲနိုင်ပါတယ်။ ၂၀၀၄ခုနှစ်မှာပြဌာန်းခဲ့တဲ့ဥပဒေပါ။ ဥပဒေနာမည်က တော့ အီလက်ထရောနစ်ဆက်သွယ်ဆောင်ရွက်ရေးဥပဒေ လို့ခေါ်ပါတယ်။ ဥပဒေအမှတ် ၅/၂၀၀၄ ပါ။

အဲဒီဥပဒေရဲ့ ဥပဒေပုဒ်မ(၃၄)မှာဖော်ပြထားတာကတော့...
၃၄။  ။မည်သူမဆိုအောက်ပါပြုလုပ်မှူ့တစ်ရပ်ရပ်ကိုကျူးလွန်ကြောင်းပြစ်မှူ့ထင်ရှားစီရင်ခြင်းခံရလျှင် ထိုသူ အားထောင်ဒဏ် ၅နှစ်ထိဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်။
       (က)အီလက်ထရောနစ်မှတ်တမ်း၊အီလက်ထရောနစ်အချက်အလက်သတင်းလွှာ (သို့မဟုတ်) ကွန်ပျူတာပရိုဂရမ်တစ်ခုလုံးကိုဖြစ်စေ၊ ပရိုဂရမ်တစ်စိတ်တစ်ဒေသကိုဖြစ်စေ မရိုးဖြောင့်သောသဘောဖြင့် ပေးပို့ခြင်း၊ နှောင့်ယှက်ခြင်း၊ ပြုပြင်ခြင်း၊ ပြောင်းလဲခြင်း၊ ဖျက်ဆီးခြင်း၊ ခိုးယူခြင်း သို့မဟုတ် ထိခိုက်ဆုံးရှုံးစေခြင်း။
            (ခ)မူလဆောင်ရွက်ပေးပို့သူနှင့် လက်ခံသူတို့၏ ခွင့်ပြုချက်မရှိဘဲ ကွန်ပျူတာကွန်ယက်အတွင်း ဆက်သွယ်မှူ့တစ်ခုခုကို ကြားဖြတ်ခြင်းဆက်သွယ်မှူ့တစ်ခုခုတွင် ပါဝင်သည့်အချက် တစ်ရပ်ရပ်ကို အသုံး ပြုခြင်း သို့မဟုတ် အခြားသူတစ်ဦးဦးသို့ထုတ်ဖော်ခြင်း။  ဆိုပြီး ဖော်ပြထားပါတယ်။ အဲဒီတော့ ဒီဥပဒေကို မသိသေးလို့လုပ်ကြဦးမယ်ဆိုရင်တောင်ဒီဥပဒေကို သိပြီးရင် ခိုးကူးဖော်ပြတာတွေမလုပ်စေချင်တော့ပါဘူး။ တော်တော်များများက မြန်မာနိုင်ငံမှာမူပိုင်ခွင့်မရှိသေးဘူးဆိုပြီး လုပ်ချင်တိုင်းလုပ်နေကြပါတယ်။ တကယ်တော့ ကျွန်တော်တို့ဥပဒေမှာ အသေအချာကာကွယ်ပေးပြီးသားပါ။ မသိကြသေးလို့ဘာမှမလုပ်ကြ တာပါ။ တကယ်တမ်းမြန်မာနိုင်ငံမှာ မူပိုင်ခွင့်ဥပဒေပြဌာန်းကြည့်ပါလား။ ခုခိုးကူးတွေ မွဲကြောဆိုက်တော့မှာ ပါ။ မကြာတော့တဲ့ကာလမှာတော့ မူပိုင်ခွင့်ဆိုတာ မြန်မာ့မြေပေါ်မှာရှိလာတော့မှာပါ။ အဲဒီတော့ ကိုယ်ပိုင်ရေးတွေနဲ့ လိပ်ပြာသန့်စွာနေလိုက်ကြစမ်းပါ။ စာရေးသူတစ်ယောက်ရဲ့လိပ်ပြာဟာအရမ်း သန့်စင်ပါတယ်။ သန့်စင်မှူ့ကို အရောင်မဆိုးစေချင်ပါဘူး။ မူပိုင်ခွင့်နဲ့ပတ်သက်တာတွေတော့ နောက်များမှ ဆက်ရေးတော့မယ်နော်။

လိပ်ပြာသန့်သူများဖြစ်ကြပါစေ။

စာရေးသူ...ကိုကိုးအိမ်(မန္တလေး)