15*1*2010 ရက်နေ့တွင်ဖြစ်ပေါ်ခဲ့သော နေကြတ်မှုဖြစ်စဉ်ကို မြန်မာနိုင်ငံအလယ်ပိုင်း
ဒေသမှ ထင်ရှားစွာတွေ့မြင်နိုင် ရာ နေကြတ်သည့်အချိန်တွင် မန္တလေးမြို့နေ
ပြည်သူများမှာ နေကြတ်ခြင်းကို စိတ်ဝင်တစားကြည့်ရှုခဲ့ကြပြီး မန္တလေး တောင်၊
ရန်ကင်းတောင်၊ ဦးပိန်တံတား မင်းကွန်းပုထိုးတော်ကြီး
စသည့်နေရာများတွင်လည်း နေကြတ်မှု ဖြစ်စဉ်ကို ကြည့်ရှုသော
နိုင်ငံခြားသားခရီးသည်များ၊ ပြည်တွင်းခရီးသွားများဖြင့်
အထူးစည်ကားခဲ့ကြောင်း သိရသည်။ ယခုကဲ့သို့ အချိန်ကြာမြင့်စွာနေကြတ်သည့်
အကြောင်းအရာများကို သတင်းဂျာနယ်များမှ ကြိုတင် ဖော်ပြခဲ့ခြင်း
ကြောင့်လေ့လာလိုသူများကောင်းစွာ
အများစုမှာ နေကြတ်ခြင်းကို ကြည့်ရှုရန် အတွက် တောင်ပေါ်သို့ စောစီးစွာ
နေရာယူထားကြပြီး အခြားမြို့များမှ မိသားစုလိုက် လာရောက်ကြည့်ရှုခြင်းများ
လည်းရှိကြောင်း၊ မန္တလေးတောင်ပေါ်မှ နေကြတ်ခြင်းကို လာရောက်ကြည့်ရှုသူ
တစ်ဦးက ပြောသည်။ " နိုင်ငံခြား သားတွေ တော်တော်များများလဲ
ကင်မရာတွေကိုယ်စီနှင့် မှတ်တမ်းတင်ကြည့်ရှုလေ့လာကြတယ်၊ သူတို့ကို ကြည့်ရတာ
နေကြတ်တာကို လေ့လာဖို့အတွက် ဆန္ဒစောနေတဲ့ပုံဘဲ နေအပြည့်လည်းကြတ်ရော
ကြည့်တဲ့သူတွေ အကုန်လုံးက လက်ခုပ်တွေတီးပြီး ဆုတောင်းကြတယ် " ဟု
၎င်းကဆက်လက် ပြောခဲ့သည်။ မန္တလေးမြို့တွင် နေကြတ်ခြင်းကို နေ့လည် ၁
နာရီခွဲခန့်မှ စတင် မြင်တွေ့ရပြီး ၃ နာရီ ၅ မိနစ် အချိန်တွင် နေအပြည့်ကြတ်ခဲ့သည်။
၎ နာရီ ၅ မိနစ်အချိန်တွင် နေကြတ်မှုဖြစ်စဉ် ပြီးဆုံးခဲ့ပြီး နေကြတ်မှု ဖြစ်ပေါ်နေစဉ်အတွင်း အများစုမှာ pdarized
နေကာမျက်မှန်များဖြင့်လည်းကောင်
မှန်အကြည်များကို မီးခိုးမှိုင်းတိုက်၍ လည်းကောင်း အထူးစိတ်ဝင်တစား
ကြည့်ရှုခဲ့ကြသည်ကို တွေ့ရသည်။
မျှဝေသူ...ကိုကိုးအိမ်
ဇန်န၀ါရီ 15 ရက်နေ့ကနေကြတ်ခြင်း (မန္ဆလေးမြင်ကွင်း)
အမျိုးအစား သတင်းလေးတွေ |
အငိုရပ်အောင်ချစ်တတ်သူ
အမျိုးအစား ဘာသာရေး |ကလေးတို့ မြတ်စွာဘုရားရှင်ရဲ့ သားတော်ရာဟုလာဆိုတဲ့ ကိုရင်လေးအကြောင်း ကြားဘူးကြမယ်ထင်ပါတယ်နော်၊ သားတော်ရာဟုလာလေးကို ရှင်သာမဏေပြုပေးတော့အသက်က ဘာရှိသေးလို့လဲ ခုနှစ်နှစ်အရွယ်လေးပေါ့၊ ဒါပေမဲ့ သူ ရှင်သာမဏေပြုပေးတာဟာ
အခု ကလေး တို့ကျောင်း ပိတ်ရက်မှာ သင်္ကန်းစည်းသလို (၇) ရက်လောက် ဒုလဘသဘောမျိုး စည်းတာမဟုတ်ဘူးနော် အမြဲတမ်း သာသနာ့တာဝန်ထမ်းဆောင်ဘို့ အဖြစ် ရှင်သာမဏေပြုပေးတာ၊ ဒီအကြောင်းမသိသေးတဲ့ ကလေးတွေလဲသိရအောင် အစကနေ အကျဉ်းချုပ် နည်းနည်းပြောပြမယ်နော်။
မင်းတို့ ငါတို့အားလုံးရဲ့ အားထားကိုးကွယ်ရာဖြစ်တဲ့ မြတ်စွာဘုရားရှင်ဟာ ဘုရာဖြစ်ထိုက်တဲ့ အရည်အချင်းတွေ ပြည့်စုံအောင် လေးအသင်္ချေနဲ့ ကမ္ဘာတစ်သိန်း ပါရမီတွေ ဖြည့်ကျင့်အားထုတ်ခဲ့ရတယ်။ အရပ်ထဲမှာ နှုတ်ကျိုးနေ သလို လေးသင်္ချေ မဟုတ်ဘူးနော် လေး အသင်္ချေ သင်္ချေရှေ့မှ အ လေးပါတယ်။ သင်္ချေ = ရေတွက်လို့ရတာ ၊ အဲဒီရှေ့မှာ အ လေး ထည့်လိုက်တော့ အသင်္ချေဖြစ်သွားရင် မရေတွက်နိုင်တော့တာလို့ အဓိပ္ပါယ်ရတယ်။ ကမ္ဘာကြီးဟာ သတ္တ၀ါတို့ရဲ့ သက်တမ်းတွေ သူတို့ပြုတဲ့ ကုသိုလ်ကံ အကုသိုလ်ကံ အတိုင်း အတိုးအဆုတ် အကြိမ်ရေဖြစ်ပြီး သတ္တ၀ါတွေ ဒီမြေပြင်မှာ လုံးဝဆိတ်သုဉ်းပြီး ကမ္ဘာပျတ်သွားလိုက်၊ ပြီးတော့ သတ္တ၀ါတွေရဲ့ ကံအားလျှော်စွာ ပြန်ဖြစ်လာလိုက်နဲ့ အဲဒီလို ကမ္ဘာကြီး ပြန်ဖြစ်လာတဲ့ အချိန်တွေကို တစ်ကမ္ဘာ၊ နှစ်ကမ္ဘာနဲ့ ရေတွက်ရာက နောက်ဆုံး ရေတွက် မှတ်သားဘို့မနိုင်တော့ဘူး ဆိုရလောက်အောင် များလာတာကို တစ်သင်္ချေလို့ သက်မှတ်တာပေါ့၊ အဲဒီလိုနည်းနဲ့ လေးအင်္ချေနဲ့ ကမ္ဘာတစ်သိန်လောက်ကြာအောင် ပါရမီတွေဖြည့်ခဲ့ရတာ။
undefined
ပါရမီဆိုတာကတော့ ကလေးတို့နာလည်အောင်ပြောရရင် ရှိသင့် ရှိထိုက်တဲ့ အရည်အချင်းတွေ တဘက်ကန်းခက်ဆိုရလောက်အောင် ပြီးပြည့်စုံအောင် ကြိုးစားအားထုတ်ရတာပါဘဲ။
စွန့်လွတ်လှူဒါန်းတဲ့ ဒါနဆိုရင်လဲ ပစ္စည်း ဥစ္စာက စပြီး၊ ခြေ လက် အင်္ဂါတို့၊ မျက်လုံးတို့ ၊ နောက်ဆုံး အသက်ခန္ဓာအထိ စွန့်လွတ်နိုင်စွမ်းရှိအောင်ပေါ
ဆိုရင်လဲ ကိုယ့်အသက်ကို စွန့်ခြင်စွန့်ရပါစေ ဘယ်တော့မှ မဖြတ်ဘူးဆိုတဲ့ အဆင့်အထိပေါ့ အသိပညာဆိုရင် လဲ ဘက်စုံ အပြည့်အစုံဖြစ်အောင်ပေါ့။
မြတ်စွာဘုရားရှင်ရဲ့ တရားတော်တွေထဲမှာ နိဗ္ဗာန်ကို မျက်မှောက်ပြုဖို့အတွက် ဆိုတဲ့ ၀ိပဿနာတရားတွေ ၊ မဂ္ဂင်တရားတွေသာ မကဘဲ သားသမီးကောင်းဖြစ်ဖို့ လိုက်နာ စရာတွေ မိဘကောင်း ၊ ဆရာကောင်း၊ တပည့်ကောင်းစတဲ့ လူကောင်း သူကောင်းတွေ ဖြစ်ဖို့အတွက် လိုက်နာစရာတွေ လက်တွေ့အသုံးကျအောင် အပြည့်အစုံ အမှန်အကန် ဟောတော်မူနိုင်တာဟာ အဲသည်လောက်ထိကြာတဲ့ ကပ်ကမ္ဘာတွေ ဘ၀အမျိုးမျိုးတွေမှာ ဘ၀ပေါင်းစုံ ကျင်လည်ပြီး အတွေ့အကြုံတွေ ဆည်းပူးခဲ့လို့ပဲပေါ့။ အဲသည်လို အဖက်ဖက်က အားထုတ်ဆည်းပူးလို့ လိုအပ်တဲ့အရည်အချည်းတွေ အားလုံး ပြည်စုံလာတာကို ပါရမီ ဖြည့်တယ်လို့ ခေါ်တာပါပဲ။
အဲဒီလို ပါရမီ ပြည့်စုံပြီးလို့ အခုနောက်ဆုံး ဘုရားဖြစ်မည့်ဘ၀မှာတော့ အခုအခါ နီပေါ နိုင်ငံနဲ့ အိန္ဒိယနိုင်ငံထဲမှာ ပါဝင်တဲ့ မဇ္ဈိဒေသ အရပ်က ကပိလ၀တ္ထုလို့ခေါ်တဲ့ တိုင်းပြည် ( ပြည်နယ်) မှာ ခမည်းတော် သုဒ္ဓေါဓနမင်းကြီးနဲ့ မယ်တော် မာယာဒေ၀ီ မိဘုရားကြီးတို့က အဲဒီခေတ် သတ်မှတ်တဲ့ ခုနှစ်သင်္ကေတအရ မဟာသက္ကရာဇ် ၆၈ ခု၊ ကဆုန်လပြည့် သောကြာ နေ့မှာ ဖွားမြင်ခဲ့တယ်။ ( ခရာဇ်နှစ် မပေါ်ခင် နှစ်ပေါင်း ငါးရာကျော် ခြောက်ရာ စုလောက် ကပေါ့။
မင်းသားငယ် မွေးဖွားချိန်မှာ တလောကလုံးက သိသာလောက်အောင် ထူးခြားတဲ့ ဖြစ်ရပ် များက ကြွေးကြော် အသိပေးသလို ဖြစ်ပေါ်ခဲ့ပြီး မင်းသားရဲ့ ခြေ၊ လက်၊ အင်္ဂါစတဲ့ ခန္ဓာကိုယ် တစ်ခုလုံးကလည်း ယောင်္ကျားကောင်း၊ ယောင်္ကျားမြတ်တို့ရဲ့ အမှတ်အသားဖြစ်တဲ့ လက္ခဏာတော်ကြီး ၃၂ ပါးနဲ့ လက္ခဏာတော် ငယ်တွေပါ အပြည့်အစုံ ပါရှိတဲ့အတွက် ရုပ် လက္ခဏာကို ကြည့်ရှုအကဲခတ်သူတိုင်းက စကြာဝဠာ တစ်ခုလုံးကို အာဏာပိုင်စိုး အုပ်ချုပ်နိုင် စွမ်းရှိတဲ့ စကြာဝတေးမင်း ဖြစ်မဲ့ ယောင်္ကျားကောင်း ယောင်္ကျားမြတ်ဖြစ်တယ် ဆိုပြီး တိုင်းတစ်ပါး မင်းများကရော သူဌေးသူကြွယ်များကပါ လက်ဆောင် ဆက်သကြတဲ့ စည်းစိမ် ဥစ္စာ ရတနာတွေရယ် မင်းသားရဲ့ ဘုန်းကံကြောင့်ဖြစ်ပေါ်လာတဲ့ ရွှေအိုးကြီးတွေ၊ ရတနာတွေ ရယ်နဲ့ အဘက်ဘက်က ပြည့်စုံလှတာမို့ မင်းသားရဲ့ အမည်ကို သိဒ္ဓတ္ထလို့ အမည်ပေးကြ တယ်။ မြန်မာ အလိုကတော့ မောင်ပြည့်စုံပေါ့။
ခုခေတ်ပြောကြတဲ့ စကားတစ်ခုရှိတယ်မို့လား၊ သားဦးအရူးဆိုတာလေ ၊ အဲသည် စကားက သားဦးဟာ ရူးကြောင်ကြောင်နိုင်တယ်လို့ ပြောတာမဟုတ်ဘူး။ သားဦးလေး ရတဲ့ အချိန်မှာ မိဘတွေ အရူးအမူး ဖြစ်တတ်ကြတာ အဖြစ်သဲတတ်ကြတာတွေကို ပြောတာ။
ခုလဲ သုဒ္ဓေါဓနမင်းကြီးမှာ အသက်ငါးဆယ် ခြောက်နှစ်ကျော်မှ ကံပေါ်ပြီး ထီးညွန့် နန်းလျာ ဖြစ်တဲ့ သားဦးကို ရတယ်ဆိုတော့ အရူးအမူးဖြစ်မှာပေါ့ကွာ ၊ ဒါကြောင့် သားတော် လေးရဲ့ နောင်ရေးကို သိရအောင် ပုရောဟိတ်လို့ခေါ်တဲ့ ဗေဒင်ကျမ်းတတ် ပုဏ္ဏား ဟူးရား တွေနဲ့ ခေါ်ပြပြီး မေးစစ်ကြတယ်။ ထူးခြားတဲ့ကလေးဆိုတော့ ဘာတွေများ ဘယ်လောက်ထိ ထူးခြားမလဲဆိုတာ သိရအောင် ဗေဒင်မေးတယ်ဘဲ ဆိုကြပါစို့ကွား။
လက္ခဏာတော်ကြီး၃၂ ပါးလို့ခေါ်တဲ့ အမှတ်အသားတွေက သိပ်ပြီး ထင်ထင်ရှားရှား ကြီး မဟုတ်ပဲ အရိပ်အယောင် လောက်သာ ပါတယ်ဆိုရင် အဲဒီယောင်္ကျားဟာ စကြာဝတေး မင်း ဖြစ်တတ်ပြီး ပီပီပြင်ပြင် ထင်ထင်ရှားရှားကြီး ပါရင်တော့ လောကီစီးစိမ်းကို မမွေလျော် တော့ဘဲ တရားဓမ္မထဲမှာ ဘ၀ကို နှစ်မြုပ် မွေ့လျော်တတ်တဲ့ သဗ္ဗညုဘုရားစစ်စစ် ဖြစ်မယ်လို့ ဝေဒ ကျမ်းတွေမှာ ပါသတဲ့။ ဒါပေမဲ့ ဖခင်ဖြစ်တဲ့ သုဒ္ဓေါဓနမင်းကြီးက စကြာဝတေးမင်း ဖြစ်စေ ချင်တဲ့ ဆန္ဒ ပြင်းထန်နေတယ်ဆိုတာ သိကြတော့ မင်းခစားဖြစ်တဲ့ ပုဏ္ဏား ဟူးရားအိုကြီး တွေက နိမိတ်ဖတ်တဲ့ အခါမှာ သိဒ္ဓတ္ထ မင်းသားငယ်ရဲ့ ခန္ဓာကိုယ်မှာ လက္ခဏာတော်ကြီးတွေ ထင်ထင်ရှားရှား ပြည့်ပြည့်စုံစုံကြီး ပါနေတာ တွေ့ရပေမဲ့ လောကုတ္တရာတရားနှင့် မွေလျော်မယ် ဆိုရင် လောကသုံးပါးမှာ အမြင့်မြတ်ဆုံးဖြစ်တဲ့ သဗ္ဗညုဘုရားရှင်ဖြစ်မယ်။ လောကီနယ်မှာ မွေ လျော်မယ်ဆိုရင်တော့ စကြာဝတေးမင်းဖြစ်လိမ့်မယ်ဆိုပြီ
ပုဏ္ဏားတွေထဲမှာ အသက်အငယ်ဆုံးလဲဖြစ် ပညာလဲ အလွန်ထက်တဲ့ ကောဏ္ဍည ပုဏ္ဏားကတော့ အခြားပုဏ္ဏားအိုကြီးတွေလို On the other hand တေဘာတွေလုပ်မနေဘူး On the one hand ချောင်းပဲ ထောင်ပြသတဲ့ အဲဒါ ဘာလဲ ဆိုတော့မှ သဗ္ဗညု ဘုရားစင်စစ် ဧကန်ဖြစ်မယ်၊ တစ်ခြားဘာမှ မဖြစ်နိုင်ဘူးလို့ ဟောတာ ဘုရင်က အလိုမကြလို့ ရာထူး ကဖြုတ် လိုက်တော့ ဘာမှ ၀မ်းနည်းမနေဘဲ ဘုရားလောင်းအလာကို ဥတုဝေလတောက
စောင့်မယ်ဆိုပြီး ထွတ်သွားတယ်ဆိုကိုး။ ကောဏ္ဍည ပုဏ္ဏားငယ်ဟောတဲ့ထဲ မှ အသက်၊ ရက်တွေပါ၊ အတိအကျနဲ့ အသက် အရွယ်ဘယ်လောက်မှ သူအို၊ သူနာ၊ သူသေ ရဟန်းဆိုတဲ့ နိမိတ်ကြီးလေးပါမြင်ပြီ တော ထွတ်မယ်ဆိုတာလဲ ပါသေးသတဲ့။
ဒီလိုပြောလိုက်လို့ ဗေဒင်ပညာကတယ်ဟုတ်ပါလားဆိုတော့ အထင်မ ကြီးလိုက် အုံးနော်၊ အဲဒီကောဏ္ဍည ပုဏ္ဏားဟာ သုဒ္ဓေါဒန မင်းကြီးရှေ့မှာသာ အာဘောင်အာရင် သန်သန်းနဲ့ လက်ညိုးတစ်ချောင်းထောင်ပြီးဟော
တကယ်တမ်း ဘုရားဖြစ်တော်မူတဲ့ အခါ တရားဦးဟေဘို့ အတွက် မိဂဒါဝုန်တော ကိုကြွသွား တော့ အဲဒီကောဏ္ဍည ကိုယ်တိုင်ကပဲ သဗ္ဗညုဘုရားဖြစ်ပြီဆိုတာ မယုံကြည် နိုင်ပါဘူးဆိုပြီး တရားနာဘို့ ငြင်းဆန်ခဲ့သေးတယ်။ ကလေးတို့လဲ မှတ်ထားနော်၊ ဗေဒင်ဆရာဆိုတာ သူများကိုသာအပြောသန်တာ၊ ကိုယ်တိုင်ဘ၀ကိုပုံပြီး လက်ခံရမှာကြတော့ ကိုယ်ဗေဒင်ကိုမယုံ ဘူးဆိုတာ ကောဏ္ဍညပုဏ္ဏာကိုကြည့်ရင် သိသာတယ်။
ဘာပဲဖြစ်ဖြစ် သားအတွက်ရတက်မအေးနိုင်တဲ့ သုဒ္ဓေါဒန မင်းကြီးကတော့ သားတော်ရဲ့မြင်ကွင်းထဲမှာ သူအို၊ သူနာ၊သူသေဆိုတာ မတွေ့မမြင်ရအောင် အမိန့် ပေးစီမံထားသတဲ့။
သူကိုယ်တိုင်က သားတော်ထက် အသက်ငါးဆယ်ကျော် ခြောက်ဆယ်နီးပါး ကြီးရင့် အိုမင်းနေတဲ့ကိစ္စ ကိုတော့ ဘယ်လိုမိတ်ကပ်တွေနဲ့ ဖန်တီးထားတယ်ဆိုတာ စာထဲမှာ မတွေ့ရဘူးကွ။
ပြီးတော့ သားတော်ကို ဓမ္မနယ်ပယ်ဘက်ပါမသွားအောင် ကာမဂုဏ်နှောင်ကြိုးနဲ့ ချည်ထားမှပဲဆိုပြီ တစ်ဆယ်ခြောက်နှစ်အရွယ်မှာပဲ ယသော်ဓရာမင်းသမီးနဲ့ ထိမ်းမြား လက်ထပ်ပေးပြီး၊ နွေ၊မိုး၊ဆောင်း ရာသီအလိုက် စံမြန်းစရာ နန်းမသုံးဆေင်မှာ မောင်းမ မိတ်သံအခြွေရံများနဲ့ ခံစားပျော်မွေ့အောင် စီမံပေးထားတာတဲ့ ။
သဘာဝတရာတို့၊ အမှန်တရားတို့ဆိုတာ ကြာကြာဖုံးကွယ် လှည့်ဖြားထားလို့ ရတဲ့ အရာမျိုးမဟုတ်တဲ့အပြင် သိဒ္ဓတ္ထမင်းသားဆိုတာကလဲ ပါရမီရှင့်ကျတ် ထက်မြတ်တဲ့ ပုဂ္ဂိုလ်ဖြစ်တဲ့အတွက် သူ့ကို လိမ်ညာ လှည့်ဖြားလို့ ဘယ်ရမလဲ အသက်နှစ်ဆယ့်ကိုးနှစ်ယောက်တဲ့
ပုံသေဖြစ်စဉ်ဟောင်းကြီ်းက လွတ်ဘို့အတွက် နေရိုးနေစဉ် အိမ်ထောင်သားမွေ အာရုံငါးပါးနဲ့ပျော်မွေ့ မေ့လျှော့နေတဲ့ အဖြစ်ကိုလည်း စွန့်လွှတ်ရမယ်၊ ဒါကြောင့် တောထွက်ပြီး တရားဓမ္မ ရှာဖွေမယ် လို့ အခိုင်အမာဆုံးဖြတ်လိုက်ပါတယ်။
တိုက်တိုက်ဆိုင်ဆိုင် အဲဒီနေ့မှာပဲ ယသော်ဓရာ မိဖုရားက သားဦး ရတနာလေးကို ဖွားမြင်ပါတယ် ။ ဒီသတင်းကို သိဒ္ဓတ္ထမင်းသားကြာသိရတဲ့အခါ လကို ရာဟုဖမ်းသလို ငါဘ၀ကို ဖမ်းမယ့်သံယောဇဉ် တစ်ခု တိုးတာပဲ၊အမြန်ရုံးထွတ်မှ ဖြစ်မယ်လို့ ဆုံးဖြတ်ပြီး အဲဒီညသန်းခေါင်ယံမှာပဲ ထီးနန်း စည်းစိမ်းတွေကော မိဖုရားနဲ့ သားတော်တို့ကိုပါ စွန့်လွတ်ပြီ တောထွက်ခဲ့တယ် ။ လကို ရာဟုဖမ်းသလိုပဲ ဆိုတဲ့ စကားကို အကြောင်းပြုပြီး သားတော်ရဲ့ အမည်ကို ရာဟုလာလို မှည်ကြသတဲ့။
ကလေးကိုစိတ်ထဲမှာ သားတော်လေး ဖွာမြင်တဲ့နေ့မှာပဲ ဖအေဖြစ်တဲ့ ဘုရားအ လောင်းက စွန့် ပစ်ပြီးတောထွက်သွားတယ် ဆိုတော့ သားလေး ကိုမချစ်ဘူးလိုများ ထင် ကြမလာပဲနော် ။ အခုခေတ်မှလည်း တချို့အဖေတွေမိသားစုကို စွန့်ခွါပြီ နိုင်ငံခြားတွေ ဘာတွေထွက်သွားကြ ရှိတယ်မို့လား ၊ အဲဒါဘာဖြစ်လို့လဲ ဆိုရင် သားတို့ကိုချစ်လို့ ဘာမဆို မချို့မတဲ့ပြည့်ပြည့်စုံစုံ ဖြစ်စေချင်လို့ လို့ပြောကြမှာပဲ မို့လား ဒါပေမဲ့ သူတို့ရှာပေးနိုင်သမျှဟာ သူတို့ ထင်ထားသလို အရာရာ မတောင့်တ မပူပင်ရအောင် ဆိုတာတော့ မဖြစ်ကြဘူး။ ရသမျှဟာ စိုးရိမ်ပူပန်စရာတွေနဲ့ အမြဲယှဉ်တွဲနေတာဖြစ်လို့ ပစ္စည်းနဲ့ပိုင်ဆိုင်သူဆိုတာ ဦးရာက အရင်ပျတ်ပြီးနောက်ဆုံးတော့ မျက်ရည်နဲ့ နှုတ်ဆက်ခွဲခွါရတာမျိုးချည်းပါပဲ
အလောင်းတော်သိဒ္ဓတ္ထဟာ ဥယျာဉ်တော် လှည့်လည်စဉ်က တွေ့မြင်ခဲ့ရတဲ့ သူအို သူနာ သူသေ တို့နဲ့ အချစ်ခင် အတွယ် အတာဆုံးတွေကို စွန့်လွှတ်ဆုံးရှုံးရတဲ့အတွက် ငိုကြွေးနေကြသူတွေအကြောင်းကို တွေးကြံရင် တစ်ကိုယ်ကောင်း အာရုံခံစားမှု အတွက်တွယ်တာတဲ့ အချစ်ဆိုတာ တကယ်အစစ်မဟုတ်ဘူး ၊ ဆွဲဆောင်မှု ပြင်းထန်သ လောက် ခံနိုင်ရည် ချည့်နဲ့တဲ့ အတွက် သေးငယ်(သေးသိမ်)လှတယ်၊ တစ်ခဏအတွက် အင်အားပြင်းထန်ပေမယ် ထာဝရအတွက် အင်အားချည့်နဲ့တဲ့ အရာဆိုတာ အတုအယောင်သာ ဖြစ်တယ်၊ တစ်အောင့်တစ်ခဏ ကျေနပ်သာယာမှု အတွက်ပေးဆပ်ရတဲ့ မျက်ရည်နဲ့ ငိုကြွေး ရတဲ့ အချိန်တွေဟာ မတန်မရာ အတိုးကြီးလှတယ် ။ တစ်လောကလုံး အငိုရပ်ဘို့ အတွက် မအို မနာ မသေရာ တရာမြတ်ကိုရှာတော့မယ် မြင့်မြတ်မှုအတွက် ကြီးကျယ်တဲ့ အရာအားလုံး ကို စွန့်တော့မယ်လို့ ဆုံးဖြတ်ခဲ့တာပါ။
မင်းသားရဲ့ ကြံတွေး စဉ်းစားနေတဲ့ အမှုအရာတွေကငို တွေ့မြင်ပြီး ခမည်းတော် အပါအ၀င် အားလုံးကပဲ သိနေကြလို့ ငိုကြွေးတားမြစ်တဲ့ ကြားကပဲအားလုံးကို စွန့်ခွါပြီး တောထွက်ခဲ့တာပါ။ တောထွက်ခါနီးမှာ ယသောဓရာ မိဖုရားကို ပြောဆိုပုံနဲ့ ပတ်သက်လို့ ရေးဖွဲ့ပူဇော်တဲ့ ကမ္ဘာကျော်ကဗျာ( အာရှတိုက်ရဲ့ အလင်းရောင်) မှာတော့ အားလုံးထက် အစွန့်ရခက်တဲ့ အပယ်မိဖုရား၊ သတ္တ၀ါအားလုံးကို ချစ်သမို့ ငါဟာမင်းကို အချစ်ဆုံးဖြစ်တယ် ဆိုတာ သိပါ ၊ ပူဆွေးစရာ ကြုံရင် ငါ့တို့အခုပူဆွေးရခြင်းဟာ ကမ္ဘာပေါ်မှာ ငြိမ်းအေးဖို့ အတွက်မျှော်လင့်ချက်ပဲ၊ သောကကြောင့် ကျရတဲ့ မျက်ရည်တွေဟာ လောကရဲ့ မျက်ရည် တွေကို ဆေးကြောပေးမဲ့ ကမ္ဘာပြုမိုးကြီးဖြစ်လာမယ်လို့ ယုံကြည်ပြီးမင်းဖြေတော့ ကမ္ဘာ ကြီး မျက်ရည်စဲပြီး ငိုပွဲရပ်တဲ့ အခါမှာ အချစ်ဆုံးများဟာ ရှေ့ဆုံးကပါကြမယ် လို့ဖျောင်းဖျပါသတဲ့။
ဒီနေ့------ချစ်သူတို့ကျရတဲ့ မျက်ရည်ဟာ နောက်တော့ တစ်လောကလုံးရဲ့ မျက်ရည်တွေကို ဆေးကြောပေးနိုင်တဲ့ ကမ္ဘာပြုမိုးကြီးဖြစ်စေမယ်လို့် ကတိပေးလိုက်တဲ့သဘောပါပဲ။
ငွေကို လိုချင်သူဟာ ငွေကို စွန့်လွှတ်ရင်းနှီးမြှုပ်နှံခြဲ့
ဓမ္မဘေရီအရှင်ဝီရိယ(တောင်စွန်း)
ဓမ္မဘေရီ ဆရာတော်ကြီး ရဲ့တရားတော်တစ်ပုဒ်ကိုပြန်လည်ပြီး ဓမ္မဒါနအဖြစ်မျှဝေလိုက်ခြင်းဖြစ်ပါတယ်
မျှဝေသူ...ကိုကိုးအိမ်
အင်းလေးကန်ရဲ့ဒဏ္ဏာရီပုံပြင်လေးတစ်ပုဒ်
အမျိုးအစား မျှဝေခြင်း |ဤလောက၌ ရန်တုံ့မူခြင်းဖြင့် ရန်တို့သည် အဘယ်အခါမျှ မပြေငြိမ်းနိုင်ကုန်၊
ရန်တုံ့မမူခြင်းဖြင့်သာလျှင် ရန်ပြေငြိမ်းနိုင်ကုန်၏။ ဤသဘောကား အစဉ်အလာ
ဓမ္မတာသဘောပင်တည်း။
(ဓမ္မပဒ)
ဤလောက၌ ရန်တုံ့မူခြင်းဖြင့် ရန်တို့သည် အဘယ်အခါမျှ မပြေငြိမ်းနိုင်ကုန်၊
ရန်တုံ့မမူခြင်းဖြင့်သာလျှင် ရန်ပြေငြိမ်းနိုင်ကုန်၏။ ဤသဘောကား အစဉ်အလာ
ဓမ္မတာသဘောပင်တည်း။
(ဓမ္မပဒ)
အင်းလေးကန်ရဲ့ ဒဏ္ဍာရီ ပုံပြင်လေးတစ်ပုဒ်
ဒီပုံပြင်လေးက စိတ်ဝင်စားဖို့ အရမ်းကောင်းတယ်။ နားထောင်မှာလား။
ပြောတော့မယ်နော်။ မောင်/ညီမလေး/ကိုကို/မမ တို့ရေ
ပုံပြင်လေးကတော့............... ....
ဟိုးရှေ့ရှေ့တုံးကပေါ့ နိုင်ငံတစ်နိုင်ငံမှာ အင်မတန်မှ စိတ်ထားဖြူစင်ပြီး
တိုင်းသူပြည်သားတွေ ချစ်ခင်လေးစားတဲ့ ဘုရင်ကြီးတစ်ပါး မင်းလုပ်
အုပ်ချုပ်သတဲ့။
“မင်းကြီးများ”
“ဘုရား!!”
“ငါကိုတော် အရှင်မြတ် မင်းလုပ်အုပ်ချုပ်နေတဲ့ ဟောဒိ တိုင်းပြည် အတွင်းမှာ
ခိုး/စိုး/လုယက်/အနိုင့်အထက်ပြုခြင်းများ ရှိသလားဟဲ့”
“မှန်လှပါ ယင်းသို့သော ကိစ္စများ မရှိကြောင်းပါ ဘုရား”
“အေး အေး ဒါဆိုလဲ တိုင်းသူပြည်သားတွေ စားရေ ခဲဖွယ် ပေါကြွယ်ဝရဲ့လား”
“ပေါလျံ ကြွယ်ဝ အလှူဒါနများပင် ခြိမ့်ခြိမ့်သဲ စည်ကားနေကြောင်းပါဘုရား”
“ကောင်းလေစွ ကောင်းလေစွ၊ အခုလိုကြားရတာ ငါကိုတော်အရှင်မြတ် သာဓု
ခေါ်ချေတယ်”
“အင်း မရှိဆင်းရဲသူတွေကိုလဲ ငါကိုတော်ရဲ့ ဘဏ္ဍာတိုက်တော်ထဲက လိုသလောက်ထုတ်၊
ကူညီထောက်ပံ့စေကွဲ့နော်။ ငါ့တိုင်းသူပြည်သား တွေကို မင်းကြီးများက
ကို့ရင်နှင့်သားလို ကူညီစောင့်လျောက်ကြကွဲ့ ကြားလား”
“အမိန့်တော်မြတ် အတိုင်းပါ ဘုရား”
အဲ့ဒိလို သူ့ရဲ့ တိုင်းသူပြည်သားတွေကို သူ့ရင်မှဖြစ်တဲ့ သားသမီးများ
ကဲ့သို့ စောင့်လျောက် တော်မူသတဲ့။ ပြီးတော့ အဲ့ဒိဘုရင်ကြီးက ဘာသာ
သာသနာကိုလဲ အင်မတန်မှ ရိုသေကိုင်းရှိုင်းသတဲ့ကွယ်။ နေ့စဉ်နေ့တိုင်း
တရားထိုင် ပုတီးစိတ် စတာတွေကို အမြဲမပြတ် လုပ်ဆောင်လေ့ရှိတယ်။ ဒီလိုနဲ့
သူ့ကိုနတ်မင်းကြီးတွေက ချစ်ခင်လေးစားလာတော့ သူသစ္စာပြု ဆုတောင်းတိုင်း
ပြည့်စေဆိုတဲ့ဆုကို ပေးတယ်လေ။
အဲ့လိုနဲ့ နေလာရင်က သူ့တိုင်းပြည်နဲ့ အနီးဆုံးတိုင်းပြည် တစ်ခုက
ဘုရင်ကြီးရဲ့ တိုင်းပြည် ချမ်းသာကြွယ်ဝနေတာကို မြင်တော့ လောဘတတ်လာကာ
စစ်မက်ပြုမယ်လို့ စိန်ခေါ်လာတယ်လေ။ ဒီမှာပဲ ဘုရင်ကြီးက
“အင်း ငါ တိုင်းတပါးသားတွေနဲ့ စစ်မက်ဖြစ်ရင် ငါ့ရင်နှစ်ချစ်စွာသော
တိုင်းသူပြည်သားတွေရဲ့ အသက်အိုးအိမ် စည်းစိမ်တွေ
ပျက်စီးဆုံးရှုံးကုန်လိမ့်မယ်။”
“ဒီလိုဆိုက ငါဒီစစ်ကို ရှောင်လွှဲနိုင်အောင် စီစဉ်မှ တော်လေမယ်” လို့
စဉ်းစားဆင်ခြင်မိတယ်။ ဒီအချိန်မှာပဲ ဘုရင်ကြီးက သူ့ရဲ့
မူးမတ်တွေကိုခေါ်ပြီး ယင်းအရေးကိစ္စကို တိုင်ပင်ဆွေးနွေးမှု့ပြုတယ်လေ။
နောက်ဆုံးတော့ မူးမတ်အပေါင်းကလဲ ဘုရင်ကြီးရဲ့ အကြံကို
တပြိုင်နက်ထောက်ခံကြတယ်။
“တိုင်းသူပြည်သား လူအများတို့ရေ၊ ဒူဝေဝေ!!!!!!”
“အခုချိန်မှာဆိုရင် တိုင်းတပါးသားမျာက ငါတို့တိုင်းနိုင်ငံအား
လာရောက်ကျုးကျော် စစ်မက်ပြု ရန်ပြင်ဆင်နေသဖြင့် ပြည်သူပြည်သားများ
ဤနိုင်ငံမှ ဝေးရာသို့ ယခုချက်ချင်း ရွှေ့ပြောင်းစေ
မင်းတရားကြီးအမိန့်တော်၊ ဒူဝေဝေ!!!!!!!!”
တိုင်းသူပြည်သားမျာလဲ ကြောက်လန့် တုန်လှုပ်စွာနဲ့ လွတ်မြောက်ရာသို့
အလျင်အမြန် ပြောင်ရွှေ့ ကြလေတယ်။
ပြည်သူပြည်သားတွေ ပြောင်းရွှေ့လို့လဲ ကုန်ပြီဆိုရော ဘုရင်ကြီးက သူ့ရဲ့
အမတ်ကြီးကိုခေါ်ကာ
“အမတ်ကြီး ငါကိုတော်မြတ်အား ရေတစ်မှုတ်နဲ့ ပြာတစ်ဆုပ် ဆက်သစေ”
လို့မိန့်တော်မူလိုက်တယ်။ အမတ်ကြီးကလဲ ဘုရင်မင်းမြတ်အား ရေတစ်မှုတ်နဲ့
ပြာတစ်ဆုပ် ဆက်သလိုက်တယ်လေ။ ဘုရင်ကြီးက အဲ့ဒိရေတစ်မှုတ်နဲ့
ပြာတစ်ဆုပ်ကိုကိုင်ကာ ဘုရားရှေ့ကိုသွားပြီး အခုလိုသစ္စာ ပြုလိုက်တယ်လေး။
“အရှင်ဘုရား ဘုရားတပည့်တော်သည် ဤတိုင်းပြည်အား စတင်မင်းလုပ်
အုပ်ချုပ်စဉ်မှ ယခုအချိန်အထိ တိုင်းသူပြည်သားမျာအား ရင်နှင့်သားကဲ့သို့
ကြည့်ရှု့စောင့်ရှောက်ခဲ့ပါသည်ဘု
“ဤသစ္စာစကား မှန်ကန်ပါက တပည့်တော်၏ လက်ယာဘက် လက်အတွင်းမှရေများသည်
အင်းကြီးတစ်ခုဖြစ်ပါစေသား၊ တပည့်တော်၏ လက်ဝဲဘက်မှ ပြာများသည်
ဤအင်းကြီးတွင် လာရောက်နေထိုင်သူများ စိုက်ပျိုးစားသောက်နိုင်သော
ကျွန်းမျောများဖြစ်ပါစေသား” လို့ဆုတောင်းလိုက်တယ်ကွယ့်။ ပြီးတော့်
ဘုရင်ကြီးက သူ့လက်ထဲက ရေတွေကို သွန်ချလိုက်တယ် ဆိုရင်ပဲ အဲ့ဒိရေတွေဟာ
အင်းပြင်ကျယ်ကြီး တစ်ခုဖြစ်သွားရောတဲ့ကွယ်။ နောက်ပြီး ဘုရင်ကြီးက
လက်ဝဲဘက်လက်ထဲက ပြာတွေကို ခုဏကအင်းကြီးထဲ ကျဲပက်လိုက်တဲ့ အခါတော့
သူဆုတောင်းထားသလိုပဲ ကျွန်းမျေားတွေ ဖြစ်ကုန်ပါရောလား။
ဘုရင်ကြီးလဲ အဲ့လိုသစ္စာပြုပြီးတာနဲ့ သူ့ရဲ့သံလျက်ကိုယူပြီး အင်းကြီးရဲ့
အနောက်ဘက်ကို တရားအားထုတ်ဖို့ ထွက်သွားတယ်တဲ့ကွယ်။ သူသွားရာလမ်းမှာ
ပိတ်နေတဲ့ တောင်ကြီးတစ်တောင်ကို သူ့သံလျက်နဲ့ပိုင်းလိုက်တာ တောင်ရဲ့
ထိပ်ပိုင်းဟာ ဟိုးအဝေးကြီးကို ရောက်သွားပါရော။
အခုပြောခဲ့တဲ့ ပုံပြင်လေးကတော့ ကျွန်တော်တို့ အားလုံးသိတဲ့ အင်းလေးကန်ရဲ့
ပုံပြင်လေးပါပဲ။ တို့ငယ်လေးထဲက ပါးစပ်နဲ့လက်ဆင့်ကမ်းလာတဲ့ အင်းလေကန်ရဲ့
ဒဏ္ဍာရီ ပုံပြင်လေးပါ။ ဒါပေမဲ့လ်ေသိလား အင်းလေးကန်ရဲ့ အလယ်က
ဟင်္သာရုပ်လေးနားမှာတဲ့ ရေအောက်ကိုသေသေချာချာ ကြည့်ရင် ဟင်္သာပြဿား
သုပ်ထားတဲ့ တိုင်လုံးကြီးတွေကို တွေ့ရတယ်တဲ့။ အထူးသဖြင့် ကန်ရေနဲချိန်
မတ်လ ဧပြီလတွေဆို ပိုပြီး သဲသဲကွဲကွဲ မြင်နိုင်တယ်တဲ့။
အဲ့ဒိတိုင်လုံးကြီးတွေက ဘုရင်ကြီးရဲ့ နန်းတော်တိုင်လုံး ကြီးတွေတဲ့လေ။
နောက်တစ်ခု ထူးခြားတာရှိသေးတယ်။ အင်းလေးကန်ရဲ့ နောက်ဖက်ချမ်းက
ပွဲစားကုန်းရွာဖက် ထင်ပါတယ် ကျွန်တော် သေသေချာချာတော့ မမှတ်မိပါဘူး
အဲ့ဒိဖက်မှာ တောင်တစ်လုံးဟာ ထူးခြားစွာ တောင်ထိပ်မရှိပါဘူး။ ဓါးတစ်လက်နဲ့
ခုတ်ပိုင်းထား သလို ဝိုက်ပြီး ပြတ်ထွက်နေပါတယ်။ အဲ့ဒါကတော့ ကျွန်တော်လဲ
အင်းထဲသွားတုန်းက မြင်ဘူးပါတယ်။ ဘုရင်ကြီး ဓါးနဲ့ ခုတ်လိုက်တယ်လို့
ယူဆတဲ့ တောင်ပါ။ အဲ့ဒိတောင်ရဲ့ ထိပ်ပိုင်းက ပင်းတယအဝင်နားမှာ သွားကျလို့
စေတီငယ်လေးတစ်ဆူ တည်ထားတယ်လို့လဲ ပြောပါတယ်။ စေတီလေးကိုတော့် ကျွန်တော်
မဖူးဖူးပါဘူး။ အားလုံးဟာ ပုံပြင်ဆန်တဲ့ ဒဏ္ဍာရီလေးပါ။ ပါးစပ်ရာစဝင်လို့လဲ
ပြောလို့ရပါတယ်။ အင်းလေးကန်ရဲ့ စိတ်ဝင်စားစရာ ဒဏ္ဍာရီလေးတစ်ပုဒ်ပါပဲလေ။
သူငယ်ချင်းတစ်ယောက်ပြောပြတာလေးကိုပြန်လည်တင်ပြလိုက်တာပါ
စာရေးသူ...ကိုကိုးအိမ်
အမေ့အတွက်ယောဂီဝတ်စုံ
အမျိုးအစား မျှဝေခြင်း |ဒီစာစုကလေးကိုစာရေးသူဖတ်ဖူးခဲ့တာ ငါးနှစ်လောက်တောင်မကတော့ပါဘူး...
စာရေးသူသနားလွန်းလို့ခုချိန်ထိမှတ်မိနေခဲ့တာပါ...ဖတ်ခဲ့မိတာဘယ်မှာလည်းဆိုတာတော့မမှတ်မိတော့ပါဘူး...
မှတ်မိသလောက်ကိုပဲစာဖတ်သူတို့ကိုမျှဝေဖို့ စာရေးသူကြိုးစားပြီးပြန်ရေးခဲ့တာပါ...
စာရေးသူရေးသားလိုက်သောစာတစ်ပုဒ်သည်လူတစ်ယောက်လောက်ကိုပဲ ဥာဏ်အလင်းပေးနိုင်ခဲ့တယ်ဆိုရင်
စာရေးသူတစ်ယောက်အတွက်တော့ ဖော်မပြနိုင်တဲ့ပီတိပါပဲ
“ချမ်းလိုက်တာ…..”
ခမောက် အမိုးထဲကို ၀င်နိုင်သမျှ ၀င်အောင် ကိုယ်ကိုကျုံ့ ၀င်ရင်း ညီးတွားမိပါတယ်…
အဝေးကကြည့်ရင် လူကိုတွေ့၇မယ် မထင်ပါ ခမောက် အကြီးကြီး
တစ်ခုကိုပဲတွေ့နိုင်ပါလိမ့်မယ် ကျနော့် အတွက် ဒီခမောက် က မိုးကာလဲ
ဟုတ်..ထီးလဲ ဟုတ်ပါတယ်…မိုးတွင်းအဆက်ဆက်တို
ဖြတ်ကျော်ခဲ့ပါတယ်…အခုလဲ မိုးဖွဲဖွဲလေး ကျနေပါတယ်…ကျနော့်ခြေထောက်တွေ လဲ
အေးစက်နေပါပြီ…ဒါပေမယ့် ကျနော် အိမ်မပြန်ချင်သေးပါ.. ။ ကျနော့် အမေ
နေမကောင်း ဖြစ်တာ တပါတ်လောက်ရှိပါပြီ အခုမှ အဖျား ပျောက်ကာစဆိုတော့
အားနည်နေပါတယ် .. အမေ့ကို ငါးဟင်းစွတ်ပြုတ်လေး ပြုတ်တိုက်ချင်လို့
မိုးရွာကြီးထဲမှာ ကျနော် ငါးထွက်မျှားနေတာပါ…။
“ဟာ…တွတ်ပြီ…”
ဒေါင်းမှီးနဲ့လုပ်ထားတဲ့ ဖော့တံလေးက လှုပ်လာပါတယ် ပေါ်ချီ မြုပ်ချီမဟုတ်ပဲ
လှုပ်ရုံတင် လှုပ်တာဆိုတော့ ငါးကြီးဖြစ်ဖို့ များပါတယ်…
“ငါးရံ့ ရရင်ကောင်းမယ် …”
ဖော့မြုပ်သွားပါပြီ..ဘူစီပေါင်း
ကိုကြည့်ခြင်းအားဖြင့် ငါးခူဖြစ်မယ် ထင်ပါတယ်..
ဖော့မြုပ်တဲ့ဖက်နှင့်ဆန့်ကျင်
ထီးရိုးဝါးဖြင့်လုပ်ထာတော့ ငါးမျှားတံ ကညွှတ် ပြီးပါလာပါတယ်…
“အာ.. အကြီးကြီး ပဲဟ…”
ဟုတ်ပါတယ် ငါးခူ ကြီးက နှုတ်ခမ်းမွှေး အ၀ါနဲ့ ကျနော့်လက် တတောင်
ကျော်ထိအောင်ကိုကြီး လှပါတယ်…ငါးခူ အစွယ်က အဆိပ်ရှိပါတယ်
သတိကြီးစွာထားပြီးတော့ သူ့ရဲ့ အစွယ်နှစ်ဖက်အောက်ကို လက်ညှိုး
လက်သန်းထည့်..အောက်မေးရိုးကို လက်မနှင့် လှန်ချ ပြီးတော့
ချိတ်ကိုဖြုတ်လိုက်ပါ..အဲ့လြို
အချိန်တော်တော်ကြာ သင်ခဲ့ရတာပါ..။ငါးကိုသေချာကြည့်
ဝိုင်းကြီးပါ ဖြူလဲ ဖြုနေပါတယ်..ဒါ ငါးခူအထီး ကြီးပါ..ငါးခူ
အကောင်ကြီးတွေက အဖော်နဲ့ နေတတ်ပါတယ် ဒီအချိန်က ငါးတွေ သား ကျချိန်ဆိုတော့
ငါးအမကြီး ရှိနိုင်ပါတယ်..ကျနော်လဲ ဘေးပါတ်ဝန်းကျင် တလျောက်
လိုက်လေ့လာကြည့်လိုက်ပါတယ်…
“ဟာ”
တွေ့ပါပြီ ငါးသားအုပ်ကြီးပါ..ငါးခူအုပ်ဆို
နဲ့ ငါးသားလေးတွေ လဲ အများကြီးပါ... အဲ့ဒီအောက်မှာ ငါးမကြီး
ရှိပါတယ်..ငါးအမ များဟာ အထီးများထက် အကောင်ကြီးကြပါတယ်...သားချ ထားလို့
ပိန်တော့ ပိန်တတ်ပါတယ်…
“အင်း ငါးသားလေးတွေ ကကြီးတော့ တီနဲ့ ချလို့ကတော့ သူတို့ ၀ိုင်းစား
ကြတာနဲ့ ကုန်မှာ ပဲ ပိုးဟပ်နဲ့ မျှားမှ”
ကျနော့် စိတ်ကူးနဲ့ ကျနော် အစာချလိုက်ပါတယ်…ငါး အမေ ကြီးရဲ့ ဟာ သူတို့
သားအုပ်ပေါ် ဖြတ်ပြေးတဲ့ မွေက အစ ဟပ်ပါတယ် ..။ သားသမီးကို ကာကွယ်တတ်သော
မိဘ တွေရဲ့ ပုံစံ အမှန်ပါ..။ကျနော့် အစာကိုလဲ တန်းပြီးဟပ်ပါတယ်..။
ကျနော် ငါးအမေ ကြီးကိုဆွဲတင်လိုက်ပါတယ်..
အားပါးပါး ဒီတစ်ကောင်က ပိုတောင်ကြီးပါသေးတယ်..
ကျနော် ရဖူးတဲ့ ငါးခူတွေ ထဲမှာ ဒီအကောင်လောက်ကြီးတာတော့ မတွေ့ဖူးပါ
တကောင်တည်း နဲ့တင် ၅၀ သားကျော်လောက်ရှိပါတယ်…။
ကျနော် ငါးတွေကို ကြေးနန်းကြိုးနဲ့ သီပြီး ပြန်ဖို့ပြင်လိုက်ပါတယ်…။
ငါးအုပ်ကို ပြန်ကြည့်မိတယ်…သူတို့ အရင်လို မိခင်နောက်ကို
အုံခဲပြီးလိုက်နေ သလိုမျိုး တစုတဝေးထဲ ဖြစ်မနေတော့ပါ..ဦးတည်ရာမဲ့
လျောက်သွားနေပါတော့တယ်…ဒီထဲမှာ တချို့က ကံကောင်းပြီး အသက်ရှင်နိုင်သလို
တချိုကျတော့လဲ ငါးအကြီးကြီး တွေရဲ့ အစာ ဖြစ်သွားမှာပါ…အော် သူတို့ မိဘ
မဲ့ဖြစ်သွားပြီကိုး…။
………………………………………………………………………………
“အမေရေ အမေ အမေ..”
"ဟဲ့ သားလေး ဘယ်တွေ လျောက်သွားနေတာလဲ မိုးရွာနေတာကို "
“အမေ သားငါးခူ ဖမ်းလားတယ်”
“ဟယ်ကြည့်စမ်း သား အမေဘာပြောထားလဲ သူများအသတ် မသတ်ရဘူးလို့ ပြောထားတယ်လေ
အမေ့စကား ကိုနားမထောင်ဘူးပေါ့ …ဟုတ်လား ကိုဇင်”
“သားက အမေ့ကို စွတ်ပြုတ်လုပ်တိုက်ချင်လို့ပါ..
အားရှိအောင်ပါ..”
အမေက ကျနော့်ကိုကြည့်ရင်း မျက်ရည်ဝဲလာပါတယ်…
“လာ သားလေး ခေါင်းတွေ သုတ်စမ်း ဖျားတော့မှာပဲ ဒီကလေးကတော့…”
အမေ ကျနော့် ကို မဆူ ရက်တော့ ပါ...။
“အမေ ငါးခူကို ရွက်ယိုရွက်နဲ့ ချက်စားရအောင်နော် ..ပိုတာကို အမေ့အတွက်
စွတ်ပြုတ်လုပ်ပေးမယ်..”
“အမယ် နင့်ငါးခူ ကဘယ်လောက် ကြီးလို့လဲ..”
ကျနော်လဲ အိမ်ဘေးက စဉ်းအိုးဘေးမှာ ချထားတဲ့ ငါးခူနှစ်ကောင်တွဲ
ကိုလက်ညိုးထိုးပြလိုက်ပါတယ်..
“ဟိုမှာလေ..”
“ဟယ်တော့ အကြီးကြီး ပဲ…သားလေး အိမ်မှာ ထမင်းချက်ထား ဒီအချိန် ဆို
ဈေးမကွဲသေးဘူး အမေး ဈေးမှာ သွားရောင်းလိုက်မယ်…”
“အမေ့…..ငါးခူနဲ့ ရွက်ယိုရွက် လေ….”
“သားလေး အိမ်မှာဆန်ကုန်နေပြီလေ..ဒါလေးေ
ပါတယ် နောက်မှ အမေအဆင်ပြေရင် သား စားချင်တာချက်ကျွေးမယ်လေ..အော်
နောက်တစ်ခါတော့ အဲ့လိုငါးထွက်မျှားတာ အမေခွင့်မပြုနော် သားလေ…ကို့
ရဲ့အခက်ခဲ အတွက် သူများ အသက်ကို သတ်တာ သိပ်အောက်တန်းကျတယ် နော်သား”
“ဟုတ် ကဲ့ပါ အမေရဲ့..အမေ မြန်မြန်ပြန်လာနော် နေကောင်းသေးတာလဲ မဟုတ်ဘူး”
“အေးပါသားရဲ့ အမေ နေကောင်းနေပါပြီ..ထမင်းချက်ထားေ
အမေက ပြောရင်းနဲ့ ဇလုံထဲကို ချိန်ခွင်တွေ ဓါးတွေ ၊ ငါးတွေ ထည့်ပြီး
ခါးစောင်းတင်ရွေ့ ထွက်သွား ပါတော့သည်..။
………………………………………………………………………………
“ငါးခူတွေ ရမယ် ငါးခူတွေ လတ်တယ်နော်…လတ်တယ်…”
သူမအသံမှာ အားလုံးဝ မရှိပါ…သူမဘေးမှ အသံစာစာဖြင့်
အော်ရောင်းနေသောတခြားငါးသည် တွေရဲ့ အသံကို ဖုံးသွားအောင်လဲ သူမ
မအော်နိုင်ပါ…ဒါပေမယ့်သူမ အဆက်မပြတ် အော်နေပါတယ်...။
“ငါးခူတွေ ရမယ် ငါးခူတွေ”
“အမကြီးဈေးကောက်…”
“အဲတော့ မောင်လေးရယ် အမမှာ တစ်ကျပ်မှ ကိုမရှိတာပါ…”
“ခင်ဗျားတို့ ကလဲ ပြောလိုက်ရင်အဲ့လို ကြီးပဲ ကျူပ်တို့ကလဲ
ကောက်ချင်လို့ကောက်နေတာ မဟုတ်ဘူးဗျ ကောက်ခိုင်းသလောက် မရရင်
အိပ်စိုက်ရမှာဗျ”
“အေးပါ ကွယ် အမ ငါးရောင်းရရင် ပေးပါ့မယ် ပြန်လာခဲ့ နော်…”
ဈေးကောက် ကောင်လေးမှာ မကျေမနပ်ဖြင့် ထွက်သွားပါတော့တယ်..အော်သူလဲ
သူ့ဒုကနဲ့ သူပဲလေ..
………………………………………………………………………………
“အမေ သမီး ငါးခူ ကြော်စားချင်တယ်…”
“ဟုတ်လား သမီးစားချင်ရင် အမေကြော်ကျွှေးမှာပေါ့ ဒီအချိန်က ငါခူ
ရပါ့မလားတောင် မသိဘူး…”
“အမေ အကြီးကြီး ကိုကြော်စားချင်တာနော်…”
“အေးပါ တွေ့ရင် အမေ ၀ယ်ပါ့မယ် သမီးကလဲ..”
“မေမေ ဟိုမှာ နှုတ်ခမ်းမွေးကြီးနဲ့ …ဟိုမှာ ငါးခူတွေ..”
“ဘယ်မှာလဲ သမီးရဲ့ အော် ဟိုမှာ လာလာ သမီး..”
ပျံကျဈေးပေမယ့် လဲ ဈေးဝယ်လို့ ကောင်းလို့ ဒီဈေးကိုပဲ လာလာ
ဝယ်ဖြစ်ကြပါတယ်…ဒီနေ့လဲ ဒေါ်သွယ်တယောက် ကိုယ်တိုင်
ဈေးဝယ်ထွက်လာခဲ့ပါတယ်..ဒီမြို့
စာရင်းဝင်တွေ ပါ..။
“ဟိတ်.. ငါးခူ ဘယ်ဈေးလဲ …”
“၈၀ ပါ အမ…”
“ဟဲ့ ညည်းဟာက များလှချီလား လျော့ပါဦးဟ…”
“အမ ရယ် ငါးခူဈေးက ၁၀၀ ပါ ညီမက ခေါင်းရွက်ဗျက်ထိုးဈေးသည်မို့
လျော့ရောင်းတာပါ..”
“နင့်ငါးခူတွေ ကလဲ ကြီးလှ ချီလား ဘုရားငါးခူတွေ ဖြစ်နေမယ်နော်…”
“မဟုတ်ပါဘူး အမရယ်…ကျမသားလေးကိုယ်တိုင် အိမ်ရှေ့ ကန်ကြီးထဲက မျှားလာတာပါ..”
“အမလေးနော် လိုက်လဲ လိုက်တဲ့သားအမိပဲ ကဲကဲ
နှစ်ကောင်လုံးချိန်လိုက်…အလေး
“စိတ်ချပါ အမရဲ့… အားလုံး ၉၅ ကျပ် သားပါ အမ ၉၀ သားပဲ ထားလိုက်ပါ့မယ် ရ၂၀ ပါ..”
“၇၀၀ ပဲထားလိုက် ရော့ ..ကိုင်ပေးဦးနော်…”
“ဟုတ်ကဲ့အမ ..”
သူမ ငါးကိုအချွှဲ ချွတ် ပြီး ဆူးတောင်တွေ ခုတ်ပေးလိုက်ပါတယ်…။ကုန်ပြီ ပြန်ရုံပါပဲ..
သူမပါလာသော ပစည်းများကို အလျင်အမြန် ကောက်သိမ်းလိုက်ပါတယ်..။သူမရဲ့
လှုပ်ရှားမှု မှာ ပေါ့ပါးလွန်းလှပါတယ်…။လက်ချိုးေ
ကခတ် နေသော ကချေသည် မလေးနှင့်ပင်တူနေပါတော့သည်..။
“သားလေးတော့ ဆာနေတော့ မှာပဲ..”
သူမ ကုန်စုံဆိုင် ကို အပြေးလေး သွားရင်း ပဲနဲ့ ဆန်ဆီ
အနည်းငယ်ဝယ်လိုက်ပါတယ် ဈေးထဲ ကို ပြန်ပြေးပြီး ဘူးသီးတစ်လုံးလဲ
ဝယ်လိုက်ပါသေးသည်…ညနေစာအတွက် ကတော့ လမ်းထိပ်ထမင်း ဆိုင်မှာ ပဲ ၀က်နံရိုး
တစ်ရာဖိုးနဲ့ ငါးပိရည်တို့စရာ များဝယ်လာလိုက်ပါတယ်..
“အင်း သားလေး ကျေးဇူးနဲ့ နက်ဖြန်တော့ ဘူးသီးကြော်နဲ့ ဘယာကြော်လေး
ပြန်ထွက်နိုင်မယ်ထင်တယ်..”
သူမ နေမကောင်းဖြစ်တဲ့ တပတ်မှာ အိမ်စရိတ် ဆေးဖိုးနဲ့ သူမရဲ့ လက်လုပ်
အကြော်ဆိုင်လေး အရင်းပြုတ်သွားခဲ့တာပါ..
………………………………………………………………………………
“ဆရာမ ..”
“ဆရာမ”
ဒုတိယ မြောက် ခေါ်သံနဲ့အတူ မည်သည့်စာရင်းတွေ လုပ်နေသလဲ မသိသော
ကျနော့်၏အတန်း ပိုင် ဆရာမ မျက်လွှာပင့်ပြီးတော့
ကျနော့်ကိုကြည့်ပါတယ်..ပြီးတော့ မှ ကျနော့်ရဲ့ ဟောင်းနွမ်းနေသော
ကျောင်းဝတ်စုံနဲ့ ပုံစံခပ်မှိုင်းမှိုင်းကို မြင်မိပြီး ရွံ သလို ကိုယ် ကို
ရို့ သွားပါတယ်..
“ပြော ဘာလဲ..”
“ဆရာမ ကျနော့် အင်္ဂလိပ်စာ အမှတ်တွေ က ပေါင်းတာ မှားနေလို့…”
“ပြစမ်း ဘယ်နားမှားလို့လဲ ဆရာမ သေချာပေါင်းထားတာပဲ”
“ဒီမှာ ဆရာမ (၇) မှတ်တန် နှစ်ပုဒ်နဲ့ (၆ )မှတ် တန် တစ်ပုဒ် လေ
သားအကုန်မှန်တဲ့ဟာကို ဆရာမက ၁၀ မှတ်ပဲရေးထား ပြီးတော့ ပေါင်းထားလို့…”
“အာ ဟုတ်သားပဲ ကြည့်ဦး ဆရာမ ကလဲ အလုပ်တွေ ရှုပ်နေတာနဲ့ သေချာတောင်
မကြည့်မိဘူး..သားကလဲ အခုမှ လာပြောရလား အမှတ်တွေ ကရီပို့ ကတ်တွေ ထဲတောင်
ရောက်နေပြီ..”
“သားတို့ အဖြေလွာစာအုပ်က မနက်ကမှရလို့ပါ ဆရာမ…”
“အော် အေအေ သားနာမည်က ဘယ်သူ ဇင်ယော် နော်..သားက တော်သားပဲ
အဆင့်လေးတဲ့…တော်ရောပေါ့သားရယ် အဆင့်လေးဆို ရှေ့ဆုံးတန်းမှာ
ထိုင်ရမှာနော်…”
“ဆရာမ ဒီတဟ်ပါတ် အဆင့် တစ်က ဘယ်သူလဲ ဟင် “
“အော် ဒီတပါတ် က ကျော့ကေသွယ်ရတာ..”
သြော် ကျောင်းဆင်းရင် ကားဖြင့်လာလာကြို တတ်သော သဌေးမကြီး ဒေါ်သွယ်ရဲ့ သမီး
ကိုး..အဲ့ဒီကားဖြင့် ကျောင်းဆင်းတိုင်း ဆရာမလဲ ပါပါ သွားတတ်တာ ကို
တွေ့ဖူးပါတယ်..
“အကယ်ရွှေ့ အခုလိုနေတဲ့ ၁၀ မှတ်ကို ထည့်ပေါင်းရင် သားအဆင့်ဘယ်လောက်ရမလဲ ဟင်..”
“အင်း သားက တစ်ပေါ့ ဒါပေမယ့် ပေါင်းလို့ မရတော့ ဘူးသားရဲ့ နောက်တစ်ပါတ်
မှ အဆင့် တစ်ယူတော့နော်…”
“ဟုတ်…”
ဟုတ်လို့သာ ပြောရတာ သိပ်တော့ မကျေနပ်ချင်လှပါ ..ကျနော်က အရင် လပါတ်လေးတွေ
မှာ အမြဲတမ်း အဆင့်တစ်ရခဲ့တာပါ ဒါပေမယ့် ကျနော့်နေရာက တတိယတန်း
ပြတင်းပေါက် အစွန်ကနေ လုံး ၀မတတ်ပါဘူး ကျနော့်ပုံစံ နဲ့
ရှေ့ဆုံးတန်းထိုင်ရင် A ခန်ဂုဏ်ငယ်မယ်လို့ ထင်လို့
နေမှာပါ..ဒီတစ်ခါဖြေထားတဲ့ စာမေးပွဲက ပထမ အစမ်း စာမေးပွဲ ကြီးပါ ..ဒီ
စာမေးပွဲ မှာ အဆင့် (၁) ရတဲ့ လူတိုင်းကို ကျောင်းအုပ်ကြီးက ဆုချ မြဲပါ
ဒါကြောင့်ကျနော် လိုချင်ခဲ့တာ ပါ ခုတော့ မရနိုင်တော့ ပါတဲ့လေ..ဘာလို့
မရနိုင်ပါလိမ့်လို့ တွေးနေရုံကလွဲရွေ့လဲ ကျနော် ဘာမှ မတတ်နိုင်ပါ..။
………………………………………………………………………………
“အမေ့..”
“ဟဲ့ ပလုပ်တုတ် အမလေး လန့်လိုက်တာနော် သားလေး ကျောင်းကပြန်လာပြီလား…”
“အမေရောင်းကောင်းလား …”
“ကောင်းပါ့တော် အခု ဘယာကြော်လေး နည်းနည်းကျန်နေလို့ စောင့်နေတာ
တယောက်စာပဲ ကျန်တော့တယ်..သားလေးဗိုက်ဆာရင် ထမင်းစား လေ အမေ
ချဉ်ပေါင်ကြော်ထားတယ်..”
“ဟာရှယ်ပဲ အမေ ပုဇွန်နဲ့ရောကြော်ထားတာ လား ၀က်သားနဲ့ ရောထားတာလား"
အမေက ပြန်မဖြေပါ ကျနော့်ကို မျက်လုံးပြူးပြီး အံကြိတ်ပြပါတယ်…”
“ဟုတ်ပါတယ်ဗျာ ထမင်းစားဖို့ အသက်ရှင်တာ မဟုတ်ပါဘူး အသက်ရှင်ဖို့
ထမင်းစားတာပါ ချဉ်ပေါင်ရွက် ရိုးရိုးနဲ့စားလဲ မသေနိုင်ပါဘူးလေ…”
“ဟွန်း လေသံကတော့ သူ့ အဖေ လေသံ အတိုင်း ပဲ..”
“ဟဲဟဲ အမေ သားမကူတော့ဘူးနော် ထမင်းစားပြီး၇င် သား စာသွားကျက်တော့မယ်
…အမေလဲ အဖေ့ကိုသတိ ရမနေနဲ့ဦး..နော်”
“ကြည့်စမ်း ဒီကောင်လေး အမေကို ..”
“ဟားဟ …”
ကျနော်အမေ့ ပါးကိုတစ်ချက်နမ်းရင်း အိမ်ပေါ် ကိုပြေးတက်လိုက်ပါတော့တယ်..။
ကျနော်တို့ ကအမေတစ်ခုသားတစ်ခုပါ.. ကနော့်အဖေ ကတော့ လွန်ခဲ့တဲ့ ၃ နှစ်က
ဌက်ဖျားရောဂါ နဲ့ ဆေးရုံမှာ အသက် ဆုံးပါးခဲ့ ရပါတယ် ။ ကျနော်
ကအလယ်တန်းကျောင်းသားပဲ ရှိပါသေးတယ်.. သူများကျောင်းသားတွေလို လဲ
ကျုရှင်မယူနိုင်ပါဘူး .. အမေ့ရဲ့
အကြော်ဆိုင်ဝင်ငွေ အိမ်လခ ဖိုး စားသောက် စရိတ်နဲ့ ကျနော့် ရဲ့
ပညာသင်စရိတ်ကို မနည်း ကျားကန်ထားရတာပါ..ဒါတောင် အမေက ကျနော့်ကို
မြို့နယ်ရှိ အကောင်းဆုံး ကျောင်းမှာ မရမက ကျောင်းထားလို့
ပါတ်ဝန်းကျင်ကတောင် မေးငေါ့ကြရပါတယ်..
ထမင်းကြမ်းနဲ့ ချဉ်ပေါင်ကြော် ကိုအစာပြေစားပြီးတာနဲ့ ခေါင်းရင်းအိမ် က
အမကြီးဆီကို ပြေးရပါမယ်…သူက ကျနော့်ကို စေတနာနဲ့ စာပြပေးပါတယ်..
သူကိုယ်တိုင်ကလဲ ပထမနှစ် တက္ကသိုလ်ကျောင်းသူပါ.ကျနော်နား
စာများကို မေးလို့ရပါတယ်.. သူ့မောင်လေးကလဲ ကျနော်တို့နဲ့ အတန်းတူပါတယ်
.နောက်တစ်ခု က သူတို့ အိမ်က မီးရပါတယ် မီးမလာတဲ့ နေ့ဆိုရင်လဲ သူတို့
ကဘက်ထရီအိုးနဲ့ ကြည့်ကြတာပါ ကျတော်တို့ သားအမိမှာက ရေနံဆီ မီးခွက်လေး
တစ်ခွက်ပဲ ရှိပါတယ် အဆင်မပြေ လှပါ.. အမေယပ်ခပ်တာကို ခံပြီး
စာကျက်ချင်တဲ့ဆန္ဒကတော့ ဆန္ဒ အဖြစ်ပဲ ရှိနေခဲ့ပါတယ်…ကျနော် စာကျက်ပြီးလို့
အိမ်ပြန် ပြီး အမေနဲ့ ညနေစာစား မနက်ဖြန်အတွက် အမေ ပြင်ဆင်တာကို ကူ
..အလုပ်တွေအားလုံး ပြီးရင်တော့ အမေက ကျနော့်ကိုရင်ခွင်ထဲ ထားပြီးတော့
စကားတွေ ပြောကြပါတယ် အမေက တစ်ခါတစ်လေ ပုံပြောပြပါတယ်
သီချင်းဆိုပြပါတယ်…ကျနော့် ဘ၀မှာ အဲ့ဒီ အချိန် ကိုအရမ်း သဘောကျတာပါ..။
တနေကုန်ဘယ်လောက် ပဲ စိတ်ပင်ပန်းတဲ့ဟာတွေ ကြုံ ရပါစေ ကျနော်ရဲ့ အမေ့ရင်ခွင်
ဗိမာန် ကို မှာ အားလုံးဖွင့်ချ ပြီးတော့ ညတွေတိုင်း ကို ကျနော်
အေးချမ်းစွာ အိပ်စက်ခဲ့ရတာပါ..။
“အမေ…”
“ရှင့်…”
“အမေ သင်္ချာတတ်လား ဟင်…”
“အမေက ၄ တန်းထိပဲ ကျောင်းနေဖူးတာ သားရဲ့..သားလောက်တော့ ဘယ်တတ်မလဲ..”
“အမေ (၇) ရယ် (၇) ရယ် (၆) ရယ်ပေါင်းရင် ဘယ်လောက်ရလဲ …”
“အမယ် အမေက ဈေးသည်ပါနော် အဲ့လောက်တော့ သိပါတယ်..၂၀ ပေါ့သားရဲ့…”
“ဟာ အမေက တော်လိုက်တာ သားတို့ အတန်းပိုင်ဆရာမ က အမေ့လောက်တောင် သင်္ချာ မတတ်ဘူး…”
“ဟိတ် ကို့ ဆရာသမား ကိုအဲ့လိုမပြောရဘူးလေ…”
“အမေသိလား သားဒီတစ်ပါတ် စာမေးပွဲမှာ အမှတ်အများဆုံးရတာ သိလား ဒါပေမယ့်
သား အဆင့်က ၄ ပဲ ရတာ ဆရာမ က အမှတ်မှားပေါင်းတာလေ…”
“အော် သားလေးရယ် ဘာဖြစ်လဲ အဆင့် ၄ ရတော့ရော..သားက စာမေးပွဲမှာ အဆင့်
ကောင်း ဖို့ စာသင်တာလား ..စာတတ်ချင်လို့ စာသင်တာလား….”
အမေ့စကားကိုကျနော် ဥာဏ်မှီသလောက် တွေးလိုက်ပါတယ်..
“ဟုတ်တယ်နော် အမေ ကျောင်းတတ်တယ်ဆိုတာ တကယ်တန်းတော့ စာတတ်ဖို့ပဲ နော်…”
“ဟုတ်တယ် သားလေးရဲ့ စာကိုပဲ တတ်အော်သင်နော်..ငါ့သားလေးကို အမေက အဲ့ဒီ
ကျောင်းမှာထားတာ စာတတ်စေချင်လို့ အဆင့်ကောင်းစေချင်လို့ မဟုတ်ဘူး..”
“ဟုတ် ..”
ထိုကဲ့သို့ အမေ သည် ကျနော့် အား ကျောင်းမှ သင်ပေးသော ကျောင်းစာများထက်
ပိုရွေ့ ခက်ခဲပြီး နားလည်ရန်လဲ ခက်ခဲသော ဘ၀ သင်ခန်းစား များအား ညစဉ်
ညတိုင်း ပို့ချ ခဲ့ပါတယ်..။
………………………………………………………………………………
ဝါတွင်းကာလဥပုဒ် နေ့မို့ အိမ်တိုင်းမှ အဖိုးအဖွားများနှင့်
အိမ်ရှင်မများဥပုဒ် သီလယူရန် ရက်ကွက်ဓမာရုံ သို့ သွားနေကြပါတယ်..ကျနော့်
အမေကတော့ ချွှေးတစ်လုံးလုံးနဲ့ အကြော်တဲ့လေး ထဲမှာ အလုပ်များနေပါတယ်…
“အမေ ဥပုဒ် သွား မစောင့်ဘူးလား…”
“သားလေးရယ် အမေ တို့ တနေ့လုပ်မှ တနေ့စားရတာ ..”
“ဟာ အမေကလဲ သားလဲ အကြော်ကြော်တတ်နေတာ ပဲကို ပြီးတော့ ဥပုဒ်နေ့ဆို
ကျောင်းပိတ်နေကြ ပဲလေ..သား အမေ့ကို ကုသိုလ် ပြုပြီးတော့
အကြော်ကြော်ပေးမယ် လေ နော်အမေ…”
အမေက ကျနော့်ကို တွေတွေလေး ကြည့်လို့ ပြုံးနေပါတယ်..
“သား ရယ် အမေ့လဲ ဥပုဒ်ယူပြီး တနေကုန် စေတီလေးမှာ တရားမှတ်ချင်တာ ပေါ့..
ဒါပေမယ့် အမေ့မှာ မှာ ယောဂီ ထည်လေးတောင် မှမရှိတာ အကြော်ဆီတွေ ပေနေတဲ့
အင်းကျီနဲ့ ဆို အမေ့ကို နှာခေါင်းရှုံ့ ကြမှာပေါ့ ကလေးရဲ့…အမေ့ဘာသာ
အိမ်မှာ ဘုရားရှိခိုး တရားထိုင်လဲ အဆင်ပြေပါတယ် ငါ့သားလေးက
ကုသိုလ်လိုချင်တယ် ဆိုရင် စာကိုကြိုးစား သင့်ပေါ့ နော်…အမေကလေ ဘယ်လောက်
ပဲ ပင်ပန်းပင်ပန်း ငါ့သားလေးကို သားသူငယ်ချင်းတွေ က စာလာမေးတဲ့ အချိန်ဆို
သြော် ငါ့သားလေးက သူတို့ထက် စာကို ကောင်းကောင်း သင်ယူတာပဲ ဆိုပြီး
ပိတိနဲ့ အမောတွေ ပြေသွားရော..”
“သားက အိုအေစစ် လေးပေါ့နော် ဟုတ်လား အမေ..”
“ဘာလဲ အိ်ုအေစစ်..”
ဟိုဟာလေ ရေသန့်ဗူး ကိုပြောတာ..
“ဒါပေါ့ ငါ့သားလေးက အမေ ကို အမောပြေစေတာပေါ့..”
ဟေးးးး…ဟားဟား
ကျနော် နှင့် အမေ့ရဲ့ ရယ်သံများ အကြော် တဲလေးထဲမှာ ဆူညံနေခဲ့ပါတယ်..
………………………………………………………………………………
“အဒေါ် အဲ့ဒီ ယောဂီထမီလေးက ဘယ်လောက်လဲ ဟင်…”
“အဲ့တာက အစုံလိုက်အပ်မှ ချုပ်ပေးတာ ကောင်လေးရဲ့ အင်းကျီရော တဘက်ရောလေ ၃၅၀၀ ..”
“၃၅၀၀ တောင်လား .. ဟုတ် နောက်မှ ၀ယ်တော့မယ် နော်…”
“အေးပါအေးပါ…”
အထည်ဆိုင်မှ အမကြီးက ကျနော့်ကိုမယုံသလိုနှင့် ပြုံး စစပြောပါတယ်…ကျနော့်
စိတ်ထဲမှာတော့ အမေ့ကို ယောဂီထည်လေး မရမက ၀ယ်ပေးချင်နေခဲ့ပါတယ်…
စာသင်ခန်းထဲ ရောက်တာတောင် စိတ်ကူးထဲက ယောဂီဝတ်စုံ လေးနဲ့ အမေ့ကို
မျက်စီထဲက မထွက်ပါ..
“ဒီနေ့ ဆရာမကြီးက ဆုတွေ လိုက်ပေးမယ်တဲ့ ဟိုမှာ ကျော့်ကေသွယ်တို့ အိမ်က
ဓါတ်ပုံဆရာတောင် ခေါ်လာတယ် တွေ့လား…”
ဘေးနားမှ ကျနော့် သူငယ်ချင်းတယောက်ရဲ့ အသံကြောင့် လက်ရှိအခြေနေကို
ပိုစိတ် ၀င်စား မိပါတယ်..
“ဘာလို့ဖို့လဲဟ ဓါတ်ပုံဆရာ…”
“အာ မင်းကလဲ အဲ့တာ သူ့သမီးဘယ်လောက်တော်လဲ ဆိုတာ ကို ဓါတ်ပုံရိုက် အိမ်မှာ
အကြီးချဲ့ ပြီးချိတ်ထား မှာပေါ့ ဧည့်သည်လာတော့ ကြွားလို့ရတာပေါ့..ကွ…”
“အော် အဲ့လိုလား…”
ကျောင်းအုပ်ဆရာမကြီးက ကျော့ကေသွယ် ကို ကျောင်းသုံးဗလာစာအုပ် ဘောပင် ခဲတံ
နှင့် တခြားကျောင်းသုံး ပစည်းများကို ဆုချ ပါတယ်…။ အခန်းထဲ မှာ
ကျော့ကေသွယ် တို့က ပိုက်ဆံရှိအသိုင်းအ၀ိုင်းမို့ ကျောင်းသုံးပစည်းတွေ
ဆိုလျှင် အသစ်အဆန်း နောက်ဆုံးပေါ်တွေ သုံးတတ်လွန်းလို့ ကျနော်တို့ ငေးကြရ
စမြဲပါ..။
အကောင်းဆုံးနဲ့ အချော့မွေ့ဆုံး စာအုပ်တွေကိုသာ သုံးတတ်တဲ့ ကျော့်ကေသွယ်
တယောက်.. ကျောင်းအုပ်ဆရာ မကြီး ဆုချတဲ့ ကျောင်းသုံး ဗလာစာအုပ် များကို
ဘာလိုအသုံးချမလဲ ဆိုတာကို အနားလိပ်နေပြီဖြစ်သောကုန်ခါနီး
ကျနော့်သင်္ချာစာအုပ်
၏ အနားစများကို ပြန်ဖြန့်ရင်း တွေးမိပါတော့ သည်..။
………………………………………………………………………………
“အမေ..”
“ပြော သားလေး…”
“လူတွေ ကလေ ပိုက်ဆံ ရှိမှ အထင်ကြီးကြတာလားဟင် … သားတို့ အခန်းထဲ
ကကောင်မလေး တယောက်ဆို သူ့မိဘတွေ ပိုက်ဆံ ရှိတော့ သူ့ကိုဆို လူတိုင်းက
အားကျ အထင်ကြီးကြတယ် …”
“သား က လူအထင်ကြီးတာ လိုချင်လို့လား…”
“အဲ့တာ မကောင်းဘူးလား အမေ ရဲ့…”
“သားရဲ့ လူ့ဘ၀မှာ လေ လူတွေအထင်ကြီးတယ်ဆိုတာ က အပေါ်ယံပဲ သားရဲ့
ပိုက်ဆံရှိရင် အထင်ကြီးတယ် ဂုဏ်ရှိန်တွေ ရှိနေရင် အထင်ကြီးတယ်…အဲ့တာတွေ
ကတကယ်တော့ ဘာမှ အနှစ်သာရ မရှိဘူးသားလေးရဲ့…လူ့ဘ၀မှာ သူများက ကို့ကို
အထင်ကြီးဖို့ ထက် ကို့ကိုကို အထင်ကြီးဖို့က အရေးကြီးတယ်ကွယ့်…”
“ကို့ကို ကို အထင်ကြီးဖို့ ဟုတ်လား အဲ့တာ ဘယ်လိုမျိုးလဲ…”
“လူတိုင်းက ကို့ရဲ့ လုပ်ဆောင်ချက် မှားလား မှန်လားဆိုတာကို ကိုယ်ကိုတိုင်
ပဲ သိတာလေ ကို့ အကြောင်းကို ကိုပဲ အသိကြဆုံးလေ…အဲ့ဒီတော့ ကို့ရဲ့
လုပ်ဆောင်ချက်ဟာ အထင်ကြီးဖို့ ကောင်းလား မကောင်းဘူးလား ဆိုတာလဲ
ကိုယ်ကိုယ်တိုင် ထက် ဘယ်သူမှ မသိနိုင်ကြဖူးလေ အဲ့ဒီ တော့ သားလေး ဘာပဲ
လုပ်လုပ် ကို့ကိုကို အထင်ကြီး နိူုင်မဲ့ အလုပ်တွေ ပဲဖြစ်ရမယ် သူများတွေ
အထင်ကြီးတာ အထင်သေးတာတွေ ကြည့်မနေနဲ့ ဟုတ်ပြီလား..”
“ဒါဆို သား သူများတွေ အထင်ကြီးအောင် မနေတော့ ဘူး.. ကို့ကိုကို
အထင်ကြီးအောင် ပဲနေတော့မယ် …”
“ဒါပေါ့ သားလေးရဲ့ …”
“အော် အမေ ဒီနေ့ အမေ အကြော်တွေ အစောကြီးကုန်သွားတာလား…”
“မဟုတ်ဘူး သားလေးရဲ့ အမေ အကြော်တွေ ကို လိုက်ရောင်းလိုက်တာ…”
“ဟာ အမေ ကလဲ ပင်ပန်းမှာပေါ့ ကို့ဘာသာ ဆိုင်မှာ ထိုင်ရောင်းပါ လား အမေရဲ့…”
“အမေလဲ အဲ့လိုပဲ ရောင်းချင်တာပေါ့ သားလေးရယ် နေ့လည်က စည်ပင်က လာပြောတယ်
အမေ့ အကြော်တဲက သူတို့ နယ်မြေထဲ ရောက်နေလို့တဲ့…မနက်ဖြန် ကျရင် အကြော်တဲ
ဖျက်ရမှာ …”
“ဟင် ဒါဆို အမေနေ့တိုင်း အကြော်ဗန်း ရွက်နေရမှာပေါ့..အမေရယ်…”
“ရပါတယ် သားရယ် အမေ အရင်ကလဲ အဲ့လို ရောင်းဖူးပါတယ်…”
ကျနော် တကယ် စိတ်မကောင်းဖြစ်မိပါတယ် အမေ အစောကြီးထ အကြော်တွေ ကြော်
ပြီးတော့ ဗန်းထဲ ထည့် ပြီး အကြော်တွေ မကုန်မချင်း အသံတွေ နာအောင် အော်
ပြီးရောင်းရမှာ…။
“ အဲ့ဒီ စည်ပင် နယ်မြေ တွေ ကလဲ နေရာ တကာပဲနော်..သူတို့ ၀ယ်ထားတာ
ကြနေတာပဲ…သူတို့နယ်မြေတွေလို့သာ ပြောတာပါ လမ်းထိပ်က ဘီယာ ဆိုင် ကြီး
ကျတော့ စည်ပင်သာယာ နယ်မြေဆိုတဲ့ ဆိုင်းဘုတ် ကြီး ကို ခွဆောက်ထားတာ
အဲ့ဒီဆိုင်ကိုကျတော့ မဖျက်ခိုင်းဘူး … ဟွန်း တော်တော် တရားတယ်နော် အမေ..”
“သားလေး ကလဲလေ … လောကမှာ က အမှန်တရား ဆိုတာ နေရာတိုင်းမှာ
ရှိနေပါတယ်သားလေးရဲ့ မတရားမှုဆိုတာ ရှိသလို တရားမှု ဆိုတာလဲရှိတာပဲလေ …
သားလေးက လောကမှာ ဘယ်ဟာက အမှန်တရား ဆိုတာ သိသွားတဲ့တနေ့ အမှန်တရား ဘက်မှာ
ရပ်တည်ရဲတဲ့ တနေ့ အမေ့သားလေး လူပီသတဲ့ နေ့ပဲ..အမှန်တရားကို မသိချင်ဆောင်
ဆောင်နေသရွေ့တော့ ငါ့သားလေး လူနုံ လေး တယောက် ဖြစ်နေမှာပဲ..”
“ဟာ အမေကလဲ သား လူနုံလူအလေး တော့ အဖြစ် မခံနိုင်ပါဘူး အမှန်တရားကို
သိအောင်လုပ်မှာ..”
“ဒါပေါ့ သားလေးရဲ့ သားလေး အမှန်တရားကိုသိအောင်လို့ အမေက ကူညီပေးမှာပေါ့…”
“ဟုတ် ..”
ကျနော် အမေ့ ရင်ခွင် ထဲကို တိုးဝင်ရင်း စိတ်ကျေနပ်စွာ
မှေးစက်လိုက်ပါတော့တယ် .. ………………………………………………………………………………
“ပညာရေးမှုး လာ မယ်တဲ့…”
“ဟုတ်လား…”
ကျနော် အံ့သြစွာ မေးမိပါတယ်… ကျနော်တို့ အလယ်တန်း ကျောင်းသား ဘ၀ ရောက်တဲ့
အထိ ပညာရေးမှုးဆိုတာကို မတွေ့ ဖူး စကား မပြောဖူးပါ..
ပညာရေးမှုးတွေ ဟာ ကျောင်းအုပ်ကြီးလိုက်ပြတဲ့ အခန်းတွေကိုပဲ လိုက်ကြည့်ပြီး
ပြန်သွားကြတာလား မသိပါ..
“ကျော့်ကေသွယ် က ပညာရေးမှုးကို အင်္ဂလိပ်နှုတ်ဆက် ရမှာ လေ ငါ့တို့ အခန်းကို
လာစစ်ခဲ့ရင်ပေါ့..လာမယ်လဲ မထင်ပါဘူး …”
ကျနော့် သူငယ်ချင်းက ဝေဖန်လိုက်ပါတယ်..။
“ဟရောင် ဇင်ယော် မင်း အင်းကျီက ကျောင်းစိမ်း ရော ဟုတ်ရဲ့လား
ကျောင်းဘက်တောင် မပါဘူး ..ဒီနေ့ ပညာရေးမှု လာပါမယ်ဆိုမှ …”
“ အေးကွာ ငါ့အင်းကျီ ကလျော်ထားလို့ မနှစ်က အင်းကျီ ကိုပြန်ဝတ်လာတာ
ကျောင်း တံဆိပ် က ဘယ်ကတည်း က ပြုတ်နေမှန်းတောင် မသိတော့ဘူး…နေပါဦးဟ
ငါမသိလို့ကျော့ကေသွယ် က အင်္ဂလိပ် ကောင်းကောင်းပြောတတ်လို့လားဟ…”
“မနေ့က ဆရာမ နှုတ်တိုက် သင်ပေးထားတယ်လေ … ဟိုမှာတွေ့လား ဗီဒီယို ကင်မရာ
သူစကားပြောနေတာကို ရိုက်ဖို့တဲ့ …”
ကျနော် ပြုံး လိုက်မိပါတယ် အမေပြောတဲ့ လူတွေ အထင်ကြီးအောင်ထက် ကို့ကိုကို
အထင်ကြီးအောင် နေဆိုတဲ့ စကား ကိုလဲ ပြန်အမှတ်ရမိပြန်ပါတယ်…။
ပညာရေးမှုးက တကယ်ပဲ အခန်းကို ရောက်လာပါတယ်…ပညာရေးမှုး ကိုကြောက်လို့
ကျောင်းသားတွေလဲ အသံတိတ်နေတာမှ အပ်ကျသံ တောင် ကြားရလောက်ပါတယ်…
ကျော့ကေသွယ် ကတော့ အင်္ဂလိပ် နှုတ်တိုက် သင်ထားသော နှုတ်ဆက်ပုံ
နှုတ်ဆက်နည်းတွေ နဲ့ ရွှန်းရွှန်းဝေအောင် ပြောနေပါတော့သည်..
ပညာရေးမှုးဆိုတဲ့ ဆရာကြီးကလဲ ပြုံးလျက်နားထောင်နေပါတယ်…
“သမီးက ဒီအခန်းထဲမှာ စံပြ ကျောင်းသူထင်တယ်..”
“ဟုတ်ပါတယ် ရှင့် …”
အတန်းပိုင်ဆရာမက ၀င်ပြောတာပါ…
ပညာရေးမှုး ကခေါင်းညှိတ်လျက်..
“အင်း ဒါဆို အဘကို သမီးတို့ အတန်းမှာ သင်ခဲ့ရတဲ့ The Last Leave ဆိုတဲ့
အင်္ဂလိပ် ဇာတ်လမ်းလေး အကြောင်းကို သမီးခုနက အဘကို နှုတ်ဆက် သွားသလို ပဲ
အင်္ဂလိပ်လို သမီးမှတ်မိသလောက် ရှင်းပြ ပါလား…”
သွားပြီ ကျော့ကေသွယ် တယောက် မှိုင်သွားပါသည်..တော်တော်လဲ ကြောက်နေပုံ
ရပါတယ် အတန်းပိုင် ဆရာမကို အားကိုးသလိုကြည့် နေပါသည်..။ဆရာမလဲ မျက်နှာ
အလွန့်အလွန် ကိုငယ်နေပါသည်..။ပညာရေးမှု က အခြေနေ ကိုချက်ချင်း
သဘောပေါက်သွားပုံပါ..
“ကဲ ဒါဆို သားတို့ သမီးတို့ ထဲ က ဘယ်သူ အဘ ကိုပြောနိုင်မလဲ …”
ရုတ်တရက် ကျနော် လက်ထောင်မလို့ ဟန်ပြင်လိုက်ပြီးတော့မှ ကျနော့်ရဲ့
ကျောင်းဝတ်စုံကို သတိပြုမိပြီး ဒီတိုင်းလေးပဲ နေလိုက်ပါတော့တယ်…
“ဘယ်သူမှ မရှိကြဘူးလား .. ကဲကဲ ကလေး တွေ အဘ ကိုမကြောက်နဲ့ နော်
ပြောတတ်ရင် ထွက်ပြောကြ…ကလေးတွေ ထဲ က အဲ့ဒီ အကြောင်းကို အင်္ဂလိပ်
လိုပြောနိုင်တဲ့ သူကို အဘ က ဆုချမယ်ဗျာ…”
“ကဲကဲ ဘယ်သူပြောမလဲ ဆုတော်ငွေ ၃၀၀၀ ပေးမယ်ကွာ ၃၀၀၀ ..ချက်ချင်းဆုချမှာ …”
ဟင် ၃၀၀၀ ဆိုပါလား.. ကျနော် အားတတ်သွားပါသည်.. ဟာ အမေ့ အတွက်ကျနော်
ဝယ်ပေးချင်တဲ့ယောဂီ ၀တ်စုံလေးက ၃၅၀၀ ဆိုတော့ သိပ်တောင်
မလိုတော့ပါလား…ကျနော် ဘာမှ မစဉ်းစား တော့ပဲ …လက်ထောင် လိုက်ပါတယ်..
“ဟော ဟုတ်ပြီ တယောက်တော့ လက်ထောင်ပြီ လာလာ အရှေ့ကိုလာပါ…”
“မင်္ဂလာပါ…”
ကျနော် မြန်မာလိုပဲ နှုတ်ဆက်လိုက်ပါတယ်..
“အေအေ မင်္ဂလာပါ…”
ပညာရေးမှုး က ပြုံးရွင်စွာ ပြောပါသည်..။
“ကဲ သား အဘကို ပြောပြပါ..”
“အဘ ကျနော် ပြောနိုင်ရင် ကျနော့် ကို ၃၅၀၀ ပေးပါ..”
“ဟေ…”
“ဟင်….”
ပညာရေးမှုး ရော ကျောင်း အုပ်ကြီး နဲ့ ဆရာမ များပါ အသံမျိုးစုံ ထွက် လာကြပါတယ်.
ပညာရေးမှုးက အေးချမ်းစွာ ပြန်ပြောပါတယ်..
“ကောင်းပါပြီ ကွာ သားပြောနိုင်ရင် သားကို အဘက ၅၀၀၀ ပေးမယ်..”
“ဟင့် အင်း အဘ ကျနော် ၃၅၀၀ ပဲ လိုချင်ပါတယ်…”
ပညာရေး မှုးလဲ ဆုကြေးငွေ ကိုဈေးဆစ်နေသော ကျနော့်ကို အထူးအဆန်း တယောက်လို
ကြည့်နေပါတယ်..
“အေးပါကွာ..သား သဘောပါ..”
“ကျေးဇူးတင်ပါတယ်ခင်ဗျ…”
ပညာရေးမှုးအား ရိုသေစွာဦးညွတ်လိုက်ပြီး ကျနော် စပြော လိုက်ပါတယ်
“Su and John were artists. They live with Mr.Barman in NewYork city…”
ကျနော် ပြောသမျှ ကို အဘ နားထောင်ရုံ သက်သက်မဟုတ်ပဲ
တစ်ပိုဒ်ပြောပြီးတိုင်း အင်္ဂလိပ်လို မေးခွန်း ပြန်ထုတ်ပါတယ်..ကျနော်
ကပြန်ဖြေရပါတယ်..အဘ မေးတော့ မရှင်းလျှင် ကျနော် ကပြန်မေးပါရန် မေတ္တာ
ရပ်ခံ ပါတယ်..ကျနော်နဲ့ အဘ ရဲ့ စကား ပြောနေတာကို အားလုံးငြိမ် ပြီး
နားထောင်နေပါတယ်..အဘ က မေးခွန်း လှည့်မေးရင်လဲ ကျနော်က မရမက အဖြေရအောင်
ဖြေပါတယ်..နောက်ဆုံးတော့ ကျနော် အောင်မြင်သွားတယ်..။ ကျနော်လဲ တော်တော်
မောသွားပါတယ်
အဘ ကကျနော့်ကို ချီးကျုးစကား မပြောပါ..အိပ်ကပ်ထဲမှ ၅၀၀ တန် အထပ်လိုက်
ကိုထုတ်ပြီးတော့ ၃၅၀၀ ရီပြီးတော့ ကျနော့်ကို ထုတ်ပေးပါတယ် ကျနော်လဲ
လက်နှစ်ဖက်ဖြင့် ရိုရိုသေသေ ယူလိုက်ပါတယ်…ပြီးတော့ ကို့နေရာကို ပြန်ရန်
လှည့်အထွက်..
“သား နေပါဦး..အဘ မသိလို့ သားက အဲ့ဒီပိုက်ဆံ ၃၅၀၀ ကို ဘာလုပ်ဖို့လဲ သားရဲ့..”
“ကျနော့် အမေ အတွက် ယောဂီ ထည် ၀ယ်ပေးချင်လို့ပါ…၃၅၀၀ ကုန်မှာ မို့လို ပါ…”
ကျနော် ပြောတာကို ပညာရေးမှုး က အဓိပါယ် ပေါင်းများစွာ ပါသော မျက်လုံးဖြင့်
ကြည့်နေပါတယ်…ကျနော်တော့ အဓိပါယ် မဖော်တတ် ပါ… ညကျမှ အမေ့ကို အဲ့ဒီ
အဖြစ်ပျက်လေးကို ပြောပြဆွေးနွေးရပါမယ်…။
………………………………………………………………………………
“ အဒေါ် ကြီး.. ကျနော်ယောဂီထည်ဝယ် မလို့…”
“ အန် လူက ဘယ်မှာလဲ လူခေါ်လာမှ တိုင်းလို့ ရမှာပေါ့ ကောင်လေးရဲ့…”
“ ပုံစံက ဟိုအဒေါ် ကြီးလောက်ပဲ..ချုပ်ပေးထားပါ ပိုက်ဆံ ပေးထားခဲ့မယ်…”
ဘေးနားမှာ စက်ချုပ်နေသော အမေ့အရွယ် ကိုယ်လုံးကိုပေါက်နဲ့ အဒေါ်ကြီး
တယောက်ကို လက်ညှိုးထိုးပြရင် ပြောလိုက်ပါတယ်…
အဲ့လို မလုပ်ရွှေ့ မဖြစ် …အမေ့ ကိုအသိပေးပါက အမေက လက်ခံမည်မဟုတ်.ကျနော့်
ကျောင်းစရိတ် ထဲ ပါသွားလိမ့် မယ်..။ အမေ့ကို လုပ်ပေးချင်တာ လုပ်ပေးခွင့်
ရခဲ့ လို့ ကျနော်ပျော်နေ ပါ သည်…။
“ ဟင်…”
ကျနော့် အိမ်ရှေ့ မှာ လူတွေ များလှချီလား…ဘာ ဖြစ်လို့ပါလိမ့်…ကျနော် ဇဝေ
ဇ၀ါ ဖြင့် ခြံထဲ သို့ ၀င်လိုက်ပါသည်…
ဟင် ကျော့ကေသွယ်တို့ သားအမိပါလား..ဘာလာလုပ်တာပါလိမ့်
သားအမိကို နှုတ်ဆက် လိုက်ပါတယ်..
“ အဒေါ် နေကောင်းတယ်နော်.. ကျနော်တို့ အိမ် ကို ဘာ အကြောင်းရှိလို့ လာတာလဲ မသိဘူး…”
ကျနော် မေးနေတာကို သူ မဖြေပါ..အဲ့ဒီအချိန်မှာ ပဲ ဘေးနားသို့ ကျနော့်ကို
အမြဲ စာပြပေး တဲ့ အမကြီးရောက်လာပါတယ်..ကျနော့် ပုခုံးကို ကိုင်ပြီးတော့
လေသံတိုးတိုးလေးဖြင့် ပြောပြပါတယ်..
“ မောင်လေး မမ ပြောပြမယ်နားထောင်နော်..စိတ် အေးအေး ထား..ဒီနေ့ မောင်လေး
အမေ က ဈေးရောင်းသွားတယ် အဲ့တာ ကားလမ်းဖြတ်ကူးတော့ ဒီက အဒေါ်ကြီး
မောင်းလားတဲ့ကားနဲ့ တိုက်မိတာ ကားကလဲ ဘရိတ်ပေါက်နေတော့ အရှိန်မထိန်း…”
ကျနော် ထို အမကြီး ပြောနေတဲ့ အသံကို မကြားနိုင်တော့ ပါ
သူ့ကိုတွန်းဖယ်လျှက် အိမ်ပေါ် ကိုအတတ် နိုင်ဆုံးစိတ်ကိုထိမ်းရွေ့
တက်လိုက်ပါတယ်…
ကျနော့် နဲ့ အမေ ညဖက်တိုင်း လဲလျောင်းပြီး စကား ပြောနေကျ ကျနော့်ကို အမေ
ဘ၀ အကြောင်းတွေ သင်ပေးနေကြ နေရာမှာ အမေ တယောက်တည်း မလှုပ်မလျက်
လဲလျောင်းနေပါတယ်…
“ အမေ…”
ကျနော် ခေါ်နေကြ ပုံစံ အတိုင်းပဲ ရိုးရိုးလေး ခေါ်လိုက်ပါတယ်..အမေ ပြန်မထူး
ပါ အမေ့ မျက်နှာ ကိုသာ ကျနော် တွေတွေ လေး ငေးနေမိပါတယ်…
အမေ ရယ်…. သား ကို အမှန်တရား တွေ့ဖို့ အတွက် ကူညီမယ်ဆို…
အမေ ရယ်…. သား ကို ရင်ခွင်ထဲ မှာ မှေးသိပ်ပြီးတော့ လူလောက ရဲ့ သဘောတရား
အသစ်တွေ ကို သင်ပေးပါဦး အမေရယ်..
သား တွေ့ကြုံ နေရတဲ့ ဘ၀ အခက်ခဲတွေ နဲ့ သားနားမလည်တဲ့ လူ့လောက ပုစ္ဆာတွေ
ကို ကူညီ ဖြေရှင်းပေးပါဦး အမေ ရယ်…
ကျနော် ၀ယ်ပေးတဲ့ ယောဂီ လေး ၀တ်ပြီး ၀တ်ပြုသွားတာ ကို သား မြင်ချင် သေးတယ် အမေရဲ့..
(((((အမေ့…)))))
ကျနော် စိတ်တွင်းမှ ချုံး ပွဲချ ငိုလိုက်မိပါတယ် မျက်ရည်တော့
ကျမလာပါ..တမလွန် ဘ၀ကနေ အမေ တွေ့ရင် စိတ်မကောင်း ဖြစ်ပြီး ကျနော့်ကို
စိတ်မချ ဖြစ်နေမှာ စိုးလို့ပါ..
“ကိုဇင် သားအမေက ဆုံးသွားခဲ့ပြီ…”
ဘေးနား ကရက်ကွပ် ၁၀ အ်ိမ်မှုး က ကျနော့်ကို သတိပေးသလို ပြောပါတယ်..
ကျနော့် အမေ မဆုံးပါ ကျနော့် ရင်ထဲမှာ ကျနော့် အမေက အသင်ရှင်မှာပါ ကျနော်
အသက်ဆုံး သွားတဲ့အချိန်ကျမှ အမေက တကယ်ဆုံးပါးသွားမှာပါ..
ကျနော် အမေ့ မျက် နှာ ကို သေချာ စိုက်ကြည့်နေရင်းနဲ့ ထိန်းထားတဲ့ ကြားမှ
မျက်ရည်တစ်စက် ကျလာပါတယ်…မျက်စိထဲ မှာလဲ မိခင်ကြီး မရှိတော့ လို့
ဦးတည်ရာ မဲ့ ကူးခတ်သွားလာနေသော မိဘမဲ့ ငါးခူ အကောင် ပေါက်လေးများ ကို
ပြန်လည် မြင်ယောင် လာမိပါတော့တယ်……………
စာရေးသူ...ကိုကိုးအိမ်
ယောက်ကျားစစ်လားမစစ်လားစမ်းကြည့်ရအောင်
အမျိုးအစား ဥာဏ်စမ်း | ကဲ ယောင်္ကျားစစ်လားမစစ်လားစမ်းရအောင်
အောက်က link လေးကို click လေးလုပ်ကြည့်နော်..
-
http://www.petalia.org/
သေချာစမ်းသပ်နော် မစမ်းလိုက်ရလို့ပြီးမှနောင်တမရနဲ့...ဟဲဟဲ
မျှဝေသူ...ကိုကိုးအိမ်
လောကဓံဆိုတာ
အမျိုးအစား ဘာသာရေး |မျှဝေသူ...ကိုကိုးအိမ်
သင်ဘာရည်ရွယ်ချက်နဲ့လူဖြစ်နေတာလည်း
အမျိုးအစား ဘာသာရေး |
*သင်ဘာရည်ရွက်ချက်နဲ့ လူဖြစ်နေသလဲ- သီတဂူ ဆရာတော် ဘုရား*
အားလုံးသော လူတိုင်း လူတိုင်းကိုပေါ့ ဘာရည်ရွက်ချက်နဲ့ လူဖြစ်နေသလဲ? လူဖြစ်ရခြင်းရဲ့ ရည်ရွက်ချက်က ဘာလဲ? လို့မေးရင် တိကျမှန်ကန်စွာ ဖြေနိုင်ဖို့တော့ ခက်ခဲမယ် ထင်ပါရဲ့ ဥပမာ ဆိုပါစို့ လူတစ်ယောက်ကို မေးမယ် သူက ဆရာဝန်ကြီး လုပ်မယ်၊ တစ်ယောက်က အင်ဂျင်နီယာ၊ တစ်ယောက်က ဂျာနယ်လစ် တစ်ယောက်က သတင်းစာဆရာ ဘာ ညာ စသဖြင့်ပေါ့ သူတို့တွေ အားလုံးရဲ့ ရည်ရွက်ချက်တွေ မတူညီတာကို တွေ့ရပါလိမ့်မယ်။ တူညီမူ မရှိဘဲ ထွက်လာပါလိမ့်မယ်။ ကဲ ဒီလိုဆိုရင် လူတစ်ထောင်ရှိရင် ရည်ရွက်ချက် တစ်ထောင် ထွက်လာနိုင်တာ ပေါ့နော်။ လူသားတိုင်းမှာ မရှိမဖြစ်တဲ့ ရည်ရွယ်ချက် ရှိသင့်တာပေါ့။ အဲဒီ ရည်ရွက်ချက်က လူသားအားလုံးနဲ့ ဆိုင်တဲ့ common ဖြစ်တဲ့ ရည်ရွက်ချက် ဖြစ်ရမယ်။ အဲဒီ ရည်ရွက်ချက်က ဘာလဲဆိုလို့ရှိရင် တို့များရဲ့ ဗုဒ္ဓ ဘုရားရှင်က ဟောထားပါတယ်။ အားလုံးလဲ သိကြ၊ ရဖူးကြမှာပါ ပရိတ်ကြီးးထဲက ရတနာ့ သုတ်ထဲမှာ ပါပါတယ်။တင်ပြသူ...ကိုကိုးအိမ်
ထေရ၀ါဒမှတ်ကျောက် (မေတ္တာရှင်.ရွှေပြည်သာ)
အမျိုးအစား မျှဝေခြင်း |ဆရာတော် အရှင်ဇဝန (မေတ္တာရှင်-ရွှေပြည်သာ) ရေးသားသော ''ထေရဝါဒမှတ်ကျောက်'' (e-book) စာအုပ်အား ဓမ္မဒါနပြုပါသည်။
လက်ခံရရှိသူ၏ မိတ်ဆွေများအား ဓမ္မဒါနအဖြစ် ဆက်လက် မျှဝေပေးပါးရန် လေးစားစွာဖြင့် မေတ္တာရပ်ခံအပ်ပါသည်။
Visit Myanmar Theravada Buddhists' Group at: http://mtbgroup.ning.com/?xg_
အသိတရားနဲ့ တရားအသိ
အမျိုးအစား ဘာသာရေး |မိတ်ဆွေ
လူငယ်တော်တော်များများက တွေးကြတယ်၊ ပြောကြတယ်။ “တရားလုပ်တယ်ဆိုတာ လူကြီးတွေရဲ့ အလုပ်တဲ့” “လူငယ်တွေနဲ့ ဘာမှ မဆိုင်သေးပါဘူး” တဲ့။ ဘာဖြစ်လို့လဲဆိုတော့ လူငယ်ဆိုတာ သေခြင်းတရား နဲ့ ဝေးသေးလို့ တဲ့။ လူကြီးတွေ ကတော့ သေခြင်းတရားနဲ့ နီးလာလို့ တရားကို မဖြစ်မနေ လုပ်ကို လုပ်ကြရတာပါတာ တဲ့။
ဟုတ်ပါရဲ့လား။ ဒီစကား မှန်နိုင်ပါ့မလား။ မိတ်ဆွေ ရော ဒီလို ယူဆပါသလား။
မဟုတ်ပါဘူးမိတ်ဆွေ။ သတင်းစာ နာရေးကြော်ငြာတွေကို တစ်ချက်လောက် ကြည့်လိုက်စမ်းပါ။ နေ့စဉ် နဲ့အမျှ သေဆုံးနေကြ တဲ့ အသက်အရွယ်မျိုးစုံနဲ့ လူတွေကို တွေ့ပါလိမ့်မယ်။ ဒါက သတင်းစာထဲ ထည့်နိုင်တဲ့ လူတန်းစားလောက်ပါ။ မထည့်နိုင်တဲ့ လူတန်းစားအရေအတွက် က ဒီထက် ပိုများပါလိမ့်မယ်။
ဒီလူတွေရဲ့ အသက်တွေကိုရော ကြည့်လိုက်စမ်းပါ။ အရွယ်စုံ အသက်စုံကို တွေ့ရပါလိမ့်မယ်။ အသက် (၆၀) (၇၀)တွေက များတယ် ဆိုပေမယ့် အသက် (၃၀)(၄၀) ၀န်းကျင်တွေလည်း မနည်းလှပါဘူး။ အရွယ်ကောင်းလေးတွေဘဲနော်။ လောကကြီးရဲ့ အကြောင်း၊ ဘ၀ရဲ့ အရသာဆိုတာတွေကို မခံစားလိုက်ရဘဲ အသက် (၃)(၄)(၅)နှစ်နဲ့ သေသွားတဲ့ ကလေးငယ်တွေလည်း တွေ့ရပါလိမ့်မယ်။
တကယ်တော့ သေခြင်းတရားဟာ အရွယ် (၃)ပါး ရွေးမနေပါဘူး။ ယောင်္ကျား/မိန်းမ၊ ကြီးသူ/ငယ်သူ၊ ချမ်းသာ/ဆင်းရဲ ဘယ်သူ့ကိုမှ ရွေးနေမှာ မဟုတ်ပါဘူး။ သတ္တ၀ါရယ်လို့ ဖြစ်လာရင် မွေးလာကတည်းက ကိုယ့်နောက်က ကပ်လိုက်နေတဲ့ တရားဟာ သေခြင်းတရားပါဘဲ။ သူက နောက်ကလိုက်၊ ကိုယ်က ရှေ့ကပြေး ။ လိုက်တမ်း ပြေးတမ်း ကစားနေသလိုပါဘဲ။ မှီလာတဲ့အချိန်မှာ ဘယ်အသက်အရွယ်ဘဲ ဖြစ်နေနေ သေမင်းက ဖမ်းချုပ်ခေါ်ဆောင်သွားတော့ တာပါဘဲ။
တကယ်တော့ တရားလုပ်တယ်ဆိုတာ သေခြင်းတရားကို ကြောက်ရွံ့ခြင်း၊ သေခြင်းတရားကို ထိတ်လန့်ခြင်းတွေကြောင့်သာ လုပ်သင့်တာမျိုး မဟုတ်ပါဘူး။ ဘာဖြစ်လို့လဲဆိုတော့ လူသားတွေရဲ့ “အသိတရား” ဟာ “တရားအသိ” နဲ့ တိုက်ရိုက် ပတ်သက် နေလို့ပါဘဲ။
တိုတောင်းလှတဲ့ လူ့ဘ၀လေးထဲမှာ လူဟာ “လူ့အသိတရား” ရှိရပါမယ်။ သတ္တလောကကြီးတစ်ခုလုံးမှာ ရှိတဲ့ သတ္တ၀ါ အားလုံးထက် လူသားတွေကပိုမို သာလွန်နေရတာဟာလည်း ဒီအသိတရားကြောင့်ပါဘဲ။ အသိတရားမြင့်မားမှု (သို့) အသိဉာဏ် မြင့်မားမှုဟာ လူ နဲ့ တိရိစ္ဆာန်တွေကို ကွဲပြားစေပါတယ်။
ဒါပေမယ့် ဒီလူသားမျိုးနွယ်ထဲမှာသော်မှ လူတစ်ယောက်နဲ့တစ်ယောက် အသိတရားခြင်း မတူကြပါဘူး။ တစ်ချို့ကြ အသိတရား မြင့်မားကြတယ်။ တစ်ချို့ကျတော့ လူလို့သာ ခေါ်ရပေမယ့် တိရိစ္ဆာန်လောက်နီးပါး အသိတရား နည်းပါးကြသူတွေလည်း ရှိကြ ပါတယ်။ ကမ္ဘာမှာ ဖြစ်ပေါ်နေတဲ့ လူလူခြင်း အကြမ်းဖက်မှု၊ အနိုင်ထက် ပြုကျင့်မှုတွေဟာလည်း လူ့အသိတရား နည်းပါးမှုရဲ့ ပြယုဂ်တွေပါဘဲ။ ဒီလို လူ့အသိတရား နည်းပါးလာခြင်းကြောင့် အမှားကို အမှန်ထင်၊ မကောင်းမှုကို ကောင်းမှုထင်၊ အမည်းကို အဖြူ ထင်ပြီး “အစွန်းရောက်ဝါဒီ” တွေဖြစ်ပေါ်လာပြီး လူသားအခြင်းခြင်း အစုလိုက် အပြုံလိုက် သတ်ဖြတ်မှုတွေ ၊ ရာဇ၀တ်မှု တွေဟာ တစ်နေ့ထက် တစ်နေ့များပြားလာနေပါပြီ။
နေ့စဉ်လူနေမှု ဘ၀ထဲမှာလည်း တစ်ဦး နဲ့ တစ်ဦး ညှာတာထောက်ထားမှုရယ်လို့ မရှိကြဘဲ ဦးသူစားစတမ်း၊ လျှင်သူက စားစတမ်း ဆိုသလို အမြီးကျက် အမြီးစား၊ ခေါင်းကျက် ခေါင်းစားလုပ်နေကြတာတွေ ၊ နည်းမျိုးစုံသော မသမာမှုတွေနဲ့ စီးပွားရှာ နေကြတာလည်း အသိတရား ခေါင်းပါးလာခြင်းရဲ့ ပြယုဂ်များဘဲဖြစ်ပါတယ်။
တဖက်က တစ်နေ့ထက်တစ်နေ့ ရုပ်ပိုင်းဆိုင်ရာ တိုးတက်မှုတွေဟာ အံ့မခန်းလိလိ ဖြစ်နေပေမယ့်၊ တဖက်ကကြည့်ရင် စိတ်ပိုင်းဆိုင်ရာ တိုးတက်မှုတွေကတော့ တစ်နေ့ထက် တစ်နေ့ ကျဆင်းလို့သာ နေပါတော့တယ်။ တကယ်တော့ တိုးတက် နေတဲ့ ခေတ်ကြီးမှာ ပေါ်ထွန်းနေတဲ့ ရုပ်ဝတ္တုပစ္စည်းအမျိုးမျိုးတွေဟာ စိတ်ပိုင်းနဲ့အသိဉာဏ်ပိုင်း ဖွံ့ဖြိုးတိုးတက်မှုတွေကို အထောက်အကူ မပေးနိုင်တဲ့အပြင် ပိုပြီး ဆုတ်ယုတ်ကျဆင်းစေတာကိုတောင် သတိထားမိရင် တွေ့ရပါလိမ့်မယ်။
ကမ္ဘာပေါ်မှာ ပေါ်ထွန်းခဲ့တဲ့ ဘယ်ဘာသာတရားမှာမဆို ရုပ်ပိုင်းဆိုင်ရာတိုးတက်မှုတွေေ
“ဖန်ဆင်းရှင်ဝါဒ” ကို မယုံကြည်လာကြသလို “ကမ္မနိယာမ” ကိုလည်း မယုံကြည်ကြတော့ပါဘူး။ အမေရိကန်နိုင်ငံလို စစ်တမ်း ကောက်ယူနိုင်တဲ့ နိုင်ငံမျိုးမှာ စစ်တမ်းကောက်ယူချက်အရ ဘာသာတရားမဲ့သူအရေအတွက်ဟာ တစ်နေ့ထက်တစ်နေ့ များသည်ထက် များလာပါတော့တယ်။ ဒီအကျိုးရလဒ်ကတော့ အင်မတန် ရုပ်ဝါဒ တိုးတက်လှတဲ့ အမေရိကန်နိုင်ငံကြီးဟာ လူတွေအဖို့ ကိုယ့်ဘ၀လုံခြုံရေးကို အမြဲစိတ်မချရဘဲ လူလူခြင်း ယုံကြည်စိတ်ချရမှု နည်းသထက် နည်းလာပါတော့တယ်။
ကျန်တဲ့ ဆင်းရဲတဲ့ နိုင်ငံတွေမှာ ဒီထက်ပိုဆိုးပါတယ်။ အာဏာ နဲ့ ချမ်းသာကြွယ်ဝမှုတွေကို ပိုင်ဆိုင်ထားတဲ့ အုပ်စုတွေက အာဏာမဲ့သူ၊ ဆင်းရဲသူတွေအပေါ်မှာ အကြင်နာကင်းမဲ့စွာ နိုင်ငံရေး နဲ့ တစ်မျိုး ၊ စီးပွားရေး နဲ့ တဖုံ နှိပ်စက်နေကြတာတွေဟာ ကြည့်လို့မြင်လို့မကောင်းအောင်
ဒါတွေအားလုံးဟာ လူသားတွေမှာ ဘာသာရေး အသိစိတ် နိမ့်ကျလာရတာကြောင့် ဖြစ်တယ်ဆိုတာ ငြင်းနိုင်မယ် မထင်ပါဘူး။ ဘာသာတရားတိုင်းဟာ တစ်ကိုယ်ကောင်းစိတ်မမွေးကြဖို့၊ လူလူခြင်း ညှာတာထောက်ထားကြဖို့၊ စိတ်ကို ဖြူစင်သန့်ရှင်း အောင် နေထိုင်တတ်ကြဖို့၊ ရောင့်ရဲလွယ်ဖို့၊ မှန်ကန်သော အသက်မွေးမှုနှင့်သာ အသက်မွေးကြဖို့သာ သင်ကြားခဲ့ကြတာပါ။
အခုတော့ ဒီလို ဘာသာတရားတွေရဲ့ သွန်သင်ဆုံးမမှုတွေဟာ ပြောင်းပြန်ဖြစ်ကုန်ပါပြီ။ လူတွေဟာ တစ်ကိုယ်ကောင်းစိတ် တွေကို ပိုမွေးလာကြတယ်၊ လူလူခြင်း လုံးဝညှာတာမှု မရှိကြတော့ဘူး၊ စိတ်ထားတွေကလည်း အစွမ်းကုန် ညစ်ပတ် စုတ်ပဲ့ နေကြပါပြီ။ ရောင့်ရဲခြင်းဆိုတာ ကြားတောင်မကြားဘူးတော့ဘဲ ငွေ နဲ့ ရုပ်ဝတ္တုပစ္စည်းတွေနောက်ကို အာသာတငမ်းငမ်းနဲ့ လိုက်လို့မဆုံးအောင် လိုက်နေကြပါတယ်။ သမ္မာအာဇီဝ ဆိုတာလည်း ပြတိုက်ထဲမှာ ဖုန်အလိမ်းလိမ်း တက်နေတဲ့ အရာတစ်ခု ဖြစ်သွားပါပြီ။
ဒါတွေရဲ့ အကျိုးဆက်ကတော့ လူ့ကမ္ဘာ လူ့လောကကြီးဟာ လူလူခြင်းလုပ်တဲ့ ဘေးဒုက္ခတွေ၊ သဘာဝဘေးဥပဒ် တွေ၊ ငတ်မွတ်ခေါင်းပါးမှုတွေ၊ အမျိုးမျိုးသော ကူးစက်ရောဂါဆန်းတွေကြောင့် ကမ္ဘာလောကကြီးဟာ ဘေးမကင်း ရန်မရှင်းတဲ့ ကမ္ဘာ လောကကြီး ဖြစ်လာနေပါပြီ။ ရာသီဥတုပြောင်းလဲမှုတွေကြောင့် ကမ္ဘာကြီးဟာ ပျက်သုဉ်းတော့မယ့်ဘေးအန္တရာယ်ရဲ့  ခြောက်လှန့်မှုကို ခံနေကြရပါပြီ။ ဒါမေပယ့် လူတွေကတော့ ဆက်ပြီး မိုက်လို့ ကောင်းတုန်းဘဲ ရှိပါသေးတယ်။
လူ့လောကကြီး တစ်ခုလုံးကို မပျက်သုန်းအောင် ကယ်တင်နိုင်မှာကတော့ “ဘာသာတရား” အပြင် အခြားမရှိပါဘူး။
အလုံးစုံသော မကောင်းမှု ဟူသမျှဟာ “ငါ” တည်းဟူသော အထင်ရောက်မှု နဲ့ မာန်မာနကနေ ပေါက်ဖွားလာကြတာချည်းသာ ဖြစ်တယ် ။ “ငါ” “ငါ့ဥစ္စာ” “ငါ့ပစ္စည်း” “ငါ့မိသားစု” “ငါ့နိုင်ငံ ငါ့လူမျိုး” “ငါ့နိုင်ငံ ငါ့ဝါဒ” “ငါ့ဘာသာတရား” “ငါ့အုပ်စု ငါ့ပါတီ” စတဲ့ “တ, ငါတည်းငါ” နေကြတဲ့အတွက် ကမ္ဘာပေါ်မှာ ပြဿနာမျိုးစုံ၊ ဘေးအန္တရာယ်မျိုးစုံ၊ ဆင်းရဲ ဒုက္ခမျိုးစုံကို ကြုံတွေ့ နေကြရတာပါ။
ဘာသာတရားကို နက်နဲစွာ လေ့လာလိုက်စားခြင်းဟာ “ငါဆိုတဲ့အတ္တမာန” ကို လျော့နည်းစေရုံမက၊ နောက်ဆုံးမှာ ခန္ဓာကိုယ်၌ “ငါတည်းဟူသော အတ္တကောင်” မရှိတဲ့ အဖြစ်ကိုပါ သိမြင်လာစေတယ်။ မျက်စိ၊ နား၊ နှာခေါင်း၊ လျှာ၊ ကိုယ်၊ စိတ် တည်းဟူသော (၆) ဒွာယ နဲ့ အာရုံ(၆)ပါးနဲ့ ထိတွေ့မှုတွေအပေါ်မှာ တပ်မက်စွဲလန်းမှုဖြစ်တာကိုဘဲ ငါမြင်တယ်၊ ငါသိတယ်၊ ငါလိုချင်တယ်ဆိုတဲ့ “အတ္တဒိဌိ” က ပူးကပ်လိုက်တဲ့အခါ အလွန်ကြီးမားလှတဲ့ လောဘ၊ ဒေါသ၊ မောဟနဲ့ သက္ကာယ များ ဖြစ်လာရခြင်းဖြစ်တယ်။
ခန္ဓာကိုယ် အတ္တဘောကြီးထဲမှာ “ငါ” တည်းဟူသော “အတ္တ” မရှိတာကို အမှန်တကယ် သိမြင်ရိပ်စားလာမိချိန်မှာတော့ သတ္တ၀ါ ဟူသမျှဟာ အာရုံ(၆)ပါးရဲ့ စေခိုင်းမှုနောက်ကို တစ်ကောက်ကောက်လိုက်ပါနေရပြီး “ငါ” ခိုင်းတာကို လုပ်နေကြရတဲ့ “အတ္တကျေးကျွန် လုံးလုံးသာ” ဖြစ်တယ်ဆိုတာကို သဘောပေါက်လာစေပါတယ်။ နေ့စဉ် လုပ်နေကြရတဲ့ အလုပ်တွေ၊ အသက် မသေသေးသမျှ ရုန်းကန်လှုပ်ရှား လုပ်ကိုင်နေကြရတဲ့ အလုပ်တွေဟာ ဒီ “ငါ” ဆိုတဲ့ အတ္တ နဲ့ လောဘရဲ့ စေခိုင်းမှုကြောင့် မမောနိုင် မပန်းနိုင်လုပ်နေရတာကို သဘောပေါက်လာရင်တော့ တရားအသိ တစ်ခု ဖြစ်ထွန်းလာပြီလို့ ဆိုရပါတော့မယ်။
ဒီလို “ငါမဟုတ်တဲ့” တရားအမှန်ကို သိတဲ့ “တရားအသိ” ကြောင့် ကိုယ့်ရဲ့ “အသိတရား”တွေဟာ ရင့်ကျက်လာပါလိမ့်မယ်။ “ငါ” တည်းဟူသော အတ္တရဲ့ မညှာမတာ စေခိုင်းမှုကို သိလာတဲ့အချိန်မှာ “လောဘသက္ကာယ နဲ့ မာန” တရားတွေ လျော့ကျလာ ပါလိမ့်မယ်။ “ကိုယ့်ကိုယ်ကို ငါလို့ ထင်နေတာ အထင်မှားမှု သက်သက်သာဖြစ်ပြီး တကယ်တော့ အာရုံ(၆)ပါးအပေါ်မှာ ကပ်ညိ မိတဲ့ “တဏှာ” နဲ့ “ဒိဌိ” ရဲ့ စေခိုင်းမှုအောက်မှာ ကျွဲလို နွားလို ရုန်းနေရတဲ့ ကိုယ့်အဖြစ်ကို သဘောပေါက်လာပါလိမ့်မယ်။
အဲဒီအခါမှာ ကိုယ့်သဏ္ဍန်မှာ ရှိတဲ့ “လောဘ၊ ဒေါသ၊ အတ္တ၊ မာန” ကြီးမားမှုတွေနည်းလာပြီး “ကိုယ်ခြင်းစာတရား” ခေါင်းပါးမှု ကနေလွတ်မြောက်လာပါလိမ့်မယ်။ သူလည်း တဏှာလောဘရဲ့ အခိုင်းခံ၊ ငါလည်း တဏှာလောဘရဲ့ အခိုင်းခံ – - အတူတူ နဲ့ အနူနူပါဘဲ လားဆိုတာ သဘောပေါက်လာတော့ လူအချင်းချင်းအပေါ်မှာ ဂရုဏာ ထားနိုင်လာပါလိမ့်မယ်။ ဒီလို စိတ်ထားမျိုး ထားနိုင် လာတာဟာ အသိတရားမြင့်မားလို့သာ ထားနိုင်လာဆိုတာ ငြင်းနိုင်ပါ့မလား။
ဒီလို တရားအသိ မြင့်မားလာတဲ့လူဟာ တွေးခေါ်မျှော်မြင်ရေးဘက်မှာ သိသိသာသာ အဆင့်မြင့်မားလာတာကို တွေ့ရပါမယ်။ တရားအသိကြောင့် အတုအယောင်နဲ့ အစစ်အမှန်ကို ခွဲခြားသိမြင်လာတာမို့ လောကမှာ လူတွေတန်ဖိုးတကယ် ထားအပ်တဲ့ အရာတွေက ဘာတွေ၊ တန်ဖိုးမထားအပ်တဲ့အရာတွေက ဘာတွေဆိုတာ ပိုင်ပိုင်နိုင်နိုင် သိမြင်လာပါလိမ့်မယ်။ လူတွေဟာ ဘာမှ တန်ဖိုးမရှိတဲ့အရာတွေ၊ တန်ဖိုးမရှိတဲ့ ကိစ္စတွေနဲ့ အချိန်ကုန်၊ လူပင်ပန်း၊ စိတ်နွမ်းနယ်နေကြတာကို သိမြင် တရားကျလာပါ လိမ့်မယ်။
တရားအသိ ပိုင်ပိုင်နိုင်နိုင်ရှိလာလို့ အသိတရားမြင့်မားလာတဲ့သူဟာ ရုပ်သွင်လက္ခဏာက အစ ပြောင်းလဲလာပါလိမ့်မယ်။ လောဘတရား၊ မာနတရားတွေကြောင့် ဂဏှာ မငြိမ်တဲ့ အမူအယာ၊ ပြာလောင်ခတ်နေတဲ့အမူအယာ၊ ဘ၀င်မြင့်နေတဲ့ အမူအယာ မျိုးတွေ မရှိတော့ဘဲ အေးချမ်းတည်ငြိမ်တဲ့ ရုပ်ရည်ရူပကာမျိုးပါ ဖြစ်လာစေနိုင်ပါတယ်။ လုပ်သမျှ ကိုင်သမျှမှာလည်း အမှားနည်း လာပြီး အမှန်များလာပါလိမ့်မယ်။ မှန်ကန်မျှတတဲ့ အပြောအဆို အလုပ်အကိုင်တွေကြောင့် အထက်လူ , အောက်လူ၊ ကြီးသူ, ငယ်သူတို့အကြား မှာလည်း ကြည်ညိုလေးစားစရာ ပုဂ္ဂိုလ် ဖြစ်လာပါလိမ့်မယ်။
ဒါကြောင့် တရားအားထုတ်လေ့လာလိုက်စားခြင်း
ဒါကြောင့် လူငယ်တိုင်း လူငယ်တိုင်း တရားကို ကိုယ်နဲ့ မဆိုင်ဟု ထင်မြင်ယူဆခြင်းမှ ဖယ်ခွာပြီး လက်တွေ့ ကိုယ်တိုင် တရားဓမ္မ အားထုတ်ပြီး “အသိတရားမြင့်မားရင့်ကျက်သူများ
အနေတတ်၊ အသေတတ်ခြင်း မှသည် အနေကင်း၊ အသေကင်းရာဆီသို့ တက်လှမ်းနိုင်ကြပါစေ။
www.baydathukhuma.com မှကူးယူဖေါ်ပြခြင်းဖြစ်ပါသည်.
တင်ပြသူ...ကိုကိုးအိမ်
သုံးပါးဂုဏ်ရှင်ပြစ်မှားလျှင်မူ
အမျိုးအစား ဘာသာရေး |ကျွန်တော် လေ့လာဖတ်ရှူမိသမျှလေးတွေ တင်ပြလိုက်ပါတယ်။
လောကီနယ်ပယ်၍ ဘယ်လောက်ပဲ အောင်မြင်တိုးတက်နေပါစေ။
လောကုတ္တရာနယ်ပယ်၍ အဓမ္မ ဟောာပြောခြင်းတွေနဲ့ အောင်မြင်တိုးတက်မူ့ မရနိုင်အံ့...
ကျွန်တော် လေးစားရပါသော....၀ီရသူ(မစိုးရိ
သုံးပါးဂုဏ်ရှင်
ပြစ်မှားလျှင်မူ
အိမ်ဦးခန်း၌ မစင်တက်စွန့်သော ခွေးကို အိမ်ရှင်က ရိုက်ရာတွင်
အိမ်ရှင်၏ အပြစ်မဟုတ်။ ရိုင်းပျသော ခွေး၏ အပြစ်သာ ဖြစ်ချေ၏။
ပြစ်မူကျူးလွန်သူကို ထိုက်တန်သည့် ဒဏ်ချရာ၌ တရားစီရင်သူ၏
အပြစ်မဟုတ်၊ ဒုစရိုက်ကောင်၏ အပြစ်သာ ဖြစ်ချေ၏။
ထိုနည်းတူစွာပင် ဓမ္မကို စော်ကားလာသူကို သုတ်သင်ရာ၌
သုတ်သင်သူ၏ အပြစ်မဟုတ်၊ စော်ကားသူ၏ အပြစ်သာ ဖြစ်ချေ၏။
ဗုဒ္ဓကို စွပ်စွဲလာ၍ ဒဏ်ခတ်ရာ၌ ဒဏ်ခတ်သူ၏ အပြစ်မဟုတ်၊
စွပ်စွဲသူ၏ အပြစ်သာ ဖြစ်ချေ၏။
ထို့ကြောင့် အရေးမခံချင်၊ အသုတ်သင်မခံချင်၊
ဒဏ်ခတ် မခံချင်လျှင် ဗုဒ္ဓကို မစွပ်စွဲသင့်ကြချေ၊
ဓမ္မကို မစော်ကားသင့်ကျချေ၊
သာသနာကို မဖျက်စီးသင့်ကြချေ၊
ထေရ၀ါဒကို မပုတ်ခတ်သင့်ကြချေ
ဝီရသူ(မစိုးရိမ်)
တင်ပြသူ...ကိုကိုးအိမ်
အသေတတ်သည်ဆိုရာဝယ်
အမျိုးအစား ဘာသာရေး |အသေတတ်သည် ဆိုရာဝယ်
သေခါနီးဖြစ်တဲ့ စိတ်ဟာ အရမ်းကို အရေးကြီးပါတယ် ။ လားရာသုဂတိကို ချက်ချင်း အကျိုးပေးနိုင်ပါတယ် ။ ဒီအကြောင်းတရားကို မြတ်စွာဘုရားရှင်က ယခုလို ဟောကြားခဲ့ပါတယ် ။ နွားကျောင်းသားဟာ နေ၀င်လို့ နွားတွေကို ခြံထဲသွင်းတဲ့ အခါမှာ နွားပျို နွားပေါက်စလေးတွေက ရှေ့ဆုံးကနေ တိုးဝှေ့ပြီး ၀င်ကြတယ် ။
ဒါပေမယ့် မသန်မစွမ်းတော့တဲ့ နွားအိုကြီးတွေကတော့ ဘယ်လောက်ပဲ ရိုက်နှက်ခြောက်လှန့်သည်ဖြစ်စေ ဖြည်းဖြည်းချင်းပဲ နောက်ဆုံးကနေ ၀င်ကြတယ်။ နောက်ဆုံး နွားခြံကို ပိတ်လိုက်တဲ့ အချိန်မှာတော့ နွားအိုကြီးတွေက ခြံပေါက်ဝမှာပဲ အိပ်ကြရတယ် ။ ဒါပေမယ့် နောက်တစ်နေ့ နွားတွေကို ခြံထဲက ပြန်ထုတ်တဲ့အခါမှာတော့ ခြံဝမှာ အိပ်နေတဲ့ နွားအိုကြီးတွေကပဲ အရင်ထွက်ခွင့်ရပါတယ် ။ နွားပျို နွားငယ်တွေကတော့ နောက်ဆုံးမှပဲ
ထွက်ကြရပါတယ် ။ အဲ့ဒီလိုပဲ သေခါနီး ခိုကိုးရာမဲ့နေတဲ့ အချိန်မှာ ဖြစ်တဲ့ စိတ်ဟာ အရင်ဆုံးအကျိုးပေးပါတယ်လို့ မြတ်စွာဘုရား ဟောကြားတော်မူခဲ့ပါတယ် ။
ဝိပဿနာအသိ မရှိတဲ့ လူ့ပတ်ဝန်းကျင်မှာ သေရရင်ဖြင့် အရမ်းကို ကြောက်ဖို့ ကောင်းပါတယ် ။ ကြည့်လေရာ မြင်လေရာက ကိုယ်တစ်ဘ၀လုံး စွဲခဲ့တဲ့
အရာတွေချည်းပါပဲ ။ အိမ်တွေ အသုံးအဆောင်တွေ အ၀တ်အစားတွေ သား သမီး လင် မယားတွေ အိမ်မွေးတိရစ္ဆာန်တွေ ။ ကိုယ့်ပတ်ဝန်းကျင်မှာ ရှိတာတွေအကုန်လုံးက ကိုယ့်ကို အပါယ်ဆွဲချမယ့် အရာတွေချည်းပဲ ။ ဒါကြောင့် တစ်ချို့ နားလည် သဘောပေါက်တဲ့ လူတွေဟာ သူတော်ကောင်းနေရာ မေတ္တာဓါတ်လွှမ်းခြုံတဲ့နေရာ ဆိတ်ငြိမ်တဲ့နေရာတွေမှာ ကြိုတင်စီစဉ်ပြီး သေဆုံးလေ့ ရှိကြပါတယ်။ သေမယ့်အချိန်ကို ကြိုမသိနိုင်ပေမယ့် အဲ့လိုနေရာမျိုးမှာပဲ ဘ၀ရဲ့ နောက်ဆုံးအချိန်တွေကို ဖြတ်သန်းသွားကြပါတယ် ။ ကြောက်လည်း ကြောက်စရာပါပဲ။
အပါယ်ကျသွားလို့ ဘွာတေး လုပ်လို့ မရပါဘူး ။
အကုသိုလ် အစွဲအလန်းတွေ အားကြီးလွန်းလို့ သေခါနီး ၀ိဥာဉ်မချုပ်နိုင်ပဲ ဆန့်တငင်ငင် ဖြစ်နေတဲ့ ပုဂ္ဂိုလ်တွေရှိပါတယ် ။ တစ်ချို့ကလည်း
အကုသိုလ်စေတနာ ကုသိုလ်စေတနာ သိပ်ကြီးကြီးမားမား မရှိ.. ၀ိပဿနာဥာဏ်ကလည်း မရှိတော့ သူ့ ကံက သူ့ကို ဘယ်ပို့ရမှန်း မသိပဲ ဟိုစိတ်ရောက်လိုက် ဒီစိတ်ရောက်လိုက်နဲ့ ကြာနေတာတွေ ရှိပါတယ်။ ဒါကိုပဲ ဘေးကလူက ဟိုလူ့ စောင့်သလိုလို ဒီလူ့ စောင့်သလိုလို သားကိုပဲ မျှော်သလိုလို သမီးကိုပဲ မျှော်သလိုလိုထင်တော့တာပါပဲ ။ သားလေး ရောက်လာပြီ သမီးလေး ရောက်လာပြီ ထကြည့်ပါဦး လို့ ဘေးကများ ကုန်းအော်လိုက်လို့ကတော့ သေတဲ့သူ တစ်ခါတည်း သွားရော့ ငရဲအိုးပဲ .. အပါယ်လေးဘုံကို တန်းနေအောင် ပြေးပါတော့တယ် ။
သေတဲ့သူကို ဆွဲခါ လှုပ်ယမ်း ဖက် ပြီး အော်ငိုတာကတော့ အဆိုးဆုံးပါပဲ။ ကျလုကျခင် ဖြစ်နေတဲ့သူကို ချစ်သလိုလိုနဲ့ ဆောင့်ကန်ချလိုက်တာပါပဲ ။
ဒါကြောင့် ငါသေရင် မငိုကြနဲ့ ဆူဆူညံညံလည်း မလုပ်ကြနဲ့ ငါ့ဘေးနားလည်း
မနေကြနဲ့ ငါ့တရားနဲ့ငါ နှလုံးသွင်းပြီး ငြိမ်းငြိမ်းချမ်းချမ်း သေမယ်လို့ အဲ့လို ကြိုတင်ပြီး မိသားစုကို မှာထားရမယ်... အဖေရယ် အမေရယ် နိမိတ်မရှိ
သေစကားမပြောပါနဲ့ အဲ့လို ပြောလာရင် ဟဲ့ နိမိတ်မရှိ မလုပ်နဲ့ ..ငါက သေရင် ဒီနိမိတ်နဲ့ပဲ သွားရမှာ ... အဲ့လို ပြတ်ပြတ်သားသား မှာထားရမယ်လို့
မိုးကုတ်ဆရာတော်ဘုရားကြီးက အထပ်ထပ်အခါခါ သတိပေးသွားခဲ့တာပါ ။
တစ်ချို့က ကုသိုလ်ကောင်းမှုတွေတော့ လုပ်ခဲ့ပါရဲ့ ဒါပေမယ့် သေခါနီးကျတော့ လှူတုန်းကဖြစ်ခဲ့တဲ့ စေတနာကို ပြန်မစွဲပဲ ကျောင်းစွဲ ဘုရားစွဲ ဇရပ်စွဲ
အဲ့လို စွဲတော့ ကျောင်းစောင့် ဘုရားစောင့် စေတီစောင့်တွေပဲ ဖြစ်ကြရတယ်။ ရိပ်သာမှာ အားထုတ်ခဲ့ပေမယ့် ၀ိပဿနာစိတ် မဖြစ်ပဲ ရိပ်သာစွဲသေတော့
ရိပ်သာစောင့် ဖြစ်ရပြန်တယ် ။ စေတနာကို ပြန်စွဲမိရင်တောင်မှ အစွဲဖြစ်တဲ့အတွက် ကံရှိသလောက်အကျိုးပေးပြီး ကံကုန်တာနဲ့ ပြန်ဆင်းရမှာပါပဲ
။ ဒါကြောင့် အပါယ်လွတ်ရာလမ်း တစ်လမ်းပဲ ရှိပါတယ်။ အဲ့ဒါကတော့ အသက်ရှင်နေထိုင်တုန်းမှာ ၀ိပဿနာကို မြင့်မြတ်စွာ ကျင့်ကြံအားထုတ်ပြီး
အသေတတ်အောင် ကြိုးစားဖို့ပါပဲ ။
သစ္စာတရားကို နှလုံးသားမှာ ယုံမှားသံသယမရှိအောင် ကျင့်ကြံသွားနိုင်တဲ့ အရိယာပုဂ္ဂိုလ်ကတော့ ပတ်ဝန်းကျင်ဘယ်လိုပဲဖြစ်ဖြစ် မတုန်လှုပ်တော့ပါဘူး။
အရိယာတို့ရဲ့ လားရာသုဂတိဟာ မြဲသွားပြီ ဖြစ်တဲ့အတွက် သူသွားရမယ့် လမ်းကို ဖြောင့်ဖြောင့်တန်းတန်းပဲ သွားပါတယ် ။ ဒါပေမယ့် အဲ့လိုမှ
မကျင့်ကြံနိုင်တဲ့ သာမာန် ပုဂ္ဂိုလ်များအတွက်ကတော့ သေခါနီးအချိန်နဲ့ ပတ်ဝန်းကျင်ဟာ ကိုယ့်အတွက် နောက်ဆုံးအခွင့်အရေး နောက်ဆုံး
ကျည်ဆန်ဖြစ်တဲ့အတွက် အလွန်အင်မတန်မှ အရေးကြီးလှပါတယ်လို့ စေတနာ အရင်းခံပြီး သတိပေးလိုက်ရပါတယ် ။
မှတ်ချက် ။ ။ မိုးကုတ်ဆရာတော်ဘုရားကြီး၏ သေခါနီး ၀င်လာတတ်သောစိတ် တရားမှ ကောက်နုတ်ရေးသားချက် ဖြစ်ပါတယ် ။
တင်ပြသူ...ကိုကိုးအိမ်
ဆရာမဂျူးရဲ့ဟောပြောပွဲတစ်ခုမှ
အမျိုးအစား မျှဝေခြင်း |ဆရာမဂျူးရဲ့ဟောပြောပွဲတစ်ခုမှဟောပြောချက်များကိုကြိုက်လွန်းလို့ပြန်လည်ဖော်ပြပေးလိုက်ပါတယ်
ကြွရောက်လာကြတဲ့ ပါမောက္ခများ၊ ဆရာ ဆရာမများ၊ စာပေ၀ါသနာရှင်များ၊ ကျောင်းသူကျောင်းသား များကို အခုလို မျက်နှာချင်းဆိုင်ပြီးတော့ ရင်းနှီးစွာ စကားပြောခွင့်ရတဲ့အတွက် အထူးပဲ ကျေးဇူးတင် ၀မ်းမြောက်တယ်ဆိုတာ ပထမဦးစွာ ပြောကြားလိုပါတယ်။ (သြဘာသံများ)
ဒီကနေ့ည ကျမ ဟောပြောဖို့ ရွေးချယ်ထားတဲ့ခေါင်းစဉ်က 'ကျမ တော်တော်ညံ့ခဲ့ပါတယ်' ဆိုတဲ့ ခေါင်းစဉ် ဖြစ်ပါတယ်။ ဒီခေါင်းစဉ်ကို ကြားလိုက်ရတဲ့အခါမှာ ဒီစာပေဟောပြောပွဲကို တကူးတကန့် လာရောက်နားထောင်လိုတဲ့ ပရိသတ်အနေနဲ့ အံ့သြချင် အံ့သြမိမယ်။ စိတ်ပျက်လက်ပျက် ရီမိချင် ရီမိလိမ့်မယ်။ ဒီစာပေဟောပြောပွဲကို လာပြီးတော့ နားထောင်တာဟာ နင်တို့တွေ၊ ခင်ဗျားတို့တွေဆီက တော်တာတွေများ ကြားရမလား၊ အဲဒီမျှော်လင့်ချက်ကလေးနဲ့ လာပြီးနားထောင်တာ၊ ညံ့တာတွေတော့ ငါတို့ မကြားချင်ဘူး၊ စိတ်ပျက်လက်ပျက် ရီမိချင် ရီမိလိမ့်မယ်။ ကျမကလဲ ကျမ သိတ်တော်တဲ့အကြောင်းကို ပြောပြချင်ပါတယ်။ ဒါပေမယ့် ကံဆိုးချင်တော့ ကျမဟာ ဘ၀မှာ တခါမှ မတော်ခဲ့ဘူးသေးပါဘူး။ (အော်ဟစ်သံများ)
ဒီတော့ ကျမ ပြန်ကြည့်လိုက်တဲ့အခါမှာ ကိုယ့်ကိုယ်ကို ညံ့နေတာပဲတွေ့တော့ ကျမရဲ့ ပရိသတ်ရှေ့မှာ ကျမညံ့တဲ့အကြောင်းကိုပဲ ၀န်ခံတာဟာ ရိုးသားမှု အရှိဆုံး ဖြစ်လိမ့်မယ်လို့ ကျမ တွေးပါတယ်။ အဲ့ဒါကြောင့် အခုလို စင်မြင့်ပေါ် တက်လာပြီး တော့ ကျမညံ့တဲ့အကြောင်းတွေ ပြောရတာ ကျမ အများကြီး ၀မ်းလဲနည်းမိပါတယ်။ (လက်ခုပ်သံများ) ဒါပေမယ့် မတတ်နိုင်ပါဘူး၊ ကျမ ညံ့တဲ့အကြောင်းကတော့ ပြောရမှာပဲ။
ကျမကတော့ ညံ့တဲ့အကြောင်းတခုပဲ ပြောစရာ ရှိလို့ပါ။ ဒီတော့ အဲဒီလို စိတ်ပျက်နေတဲ့သူ၊ ဒေါသထွက် နေတဲ့ သူတွေအတွက် ကျမ အကြံကောင်းလေးတခုတော့ ပေးနိုင်ပါတယ်။ တော်တာတွေကို မြင်ချင် ကြားချင်ရင်တော့ စာပေဟောပြောပွဲကို လာစရာမလိုပါဘူး။ တော်တာတွေကို မြင်ချင်ကြားချင် ဂုဏ်ယူချင်တယ် ဆိုရင် မြန်မာ့ရုပ်မြင်သံကြားကို ကြည့်ကြပါ။ (အော်ဟစ် လက်ခုပ်သံများ) အခုအချိန်က စပြီးတော့ 'ဂျူး' ရဲ့ ညံ့ဖျင်းမှုတွေကို ၀န်ခံပါတော့မယ်ရှင်။
ကျမဟာ အများသိကြတဲ့အတိုင်း ဆရာဝန် စာရေးဆရာ ဖြစ်ပါတယ်။ (အော်ဟစ်သံများ) ကြွားတာ မဟုတ်ပါဘူး။ အဲ့ဒီတော့ ဆရာဝန်အလုပ်လဲ တပြိုင်နက်လုပ်တယ်။ စာရေးတဲ့အလုပ် လဲ တပြိုင်နက်လုပ်တယ် ဆိုတော့ ဘယ်အလုပ်မှာများ ကျမ ညံ့ပါသလဲလို့ မေးခဲ့ရင် ကျမ ဖြေချင်လို့ပါ။ ကျမဟာ အလုပ်နှစ်မျိုးစလုံးမှာ ညံ့ဖျင်းပါတယ်။ အဲ့ဒီတော့ ကျမ ညံ့ခဲ့တဲ့အကြောင်းတွေကို ပြောပြပါမယ်။ ကျမဟာ ငယ်ငယ်ကလေးကတည်းက ညံ့ပါတယ်။ ကျမ ငယ်ငယ်တုန်းက မြန်မာနိုင်ငံအကြောင်း ပထ၀ီဝင်ဘာသာမှာ သင်ရသော်လဲ မြန်မာနိုင်ငံရဲ့ စီးပွါးရေးအမြင် ဘာမှ မရှိခဲ့ပါဘူး။ (လက်ခုပ်သံများ) ကျမ တတိယတန်းအရွယ် လောက်မှာ မြန်မာ့ ပထ၀ီဝင်ဘာာသာကို သင်ရပါတယ်။ အဲ့ဒီမှာ မြန်မာနိုင်ငံရဲ့ သံယံဇာတတွေအကြောင်း စာသင်ရပါတယ်။ မြန်မာနိုင်ငံဟာ သယံဇာတ အလွန်ပေါများကြွယ်ဝတဲ့ နိုင်ငံဖြစ်ပါတယ်။ ဆန်စပါးတွေ ထွက်တယ်။ ကျွန်းသစ်တွေ ထွက်တယ်။ ရေနံတွေလဲ ထွက်ပါတယ်။ ရေနံထွက်တာလဲ ကျမ မျက်မြင်ကိုယ်တွေ့ ပါပဲ။ ကျမက ရေနံချောင်းသူ ဖြစ်ပါတယ်။
ရေနံချောင်းသူဆိုတော့ ကျမတို့ ရေနံမြေကနေ ဖြတ်သွားတဲ့အခါမှာ ရေနံတူးစင်ကြီးနဲ့ ရေနံတူးနေတာ တွေ၊ တူးပြီးသား ရေနံတွင်းတွေကနေ ပိုက်လုံးတွေနဲ့ မောင်းတံတွေနဲ့ စုပ်ယူပြီးတော့ ရေနံလှောင်ကန်ထဲ ထည့်နေတာတွေ ကျမ မျက်မြင်ကိုယ်တွေပါပဲ။ အဲ့ဒီ ရေနံလှောင်ကန်တွေထဲက များပြားလှတဲ့ ရေနံတွေ ဘယ်ရောက်သွားလဲဆိုတာတော့ ကျမက မမြင်ရဘူးပေါ့။ (လက်ခုပ်သံများ) ကျမ မြင်ရတာက ရေနံလှောင်ကန်ပဲ မြင်ရတာကိုး။ အဲ့ဒီတော့ အဲ့ဒါ ရေနံနဲ့ ပါတ်သက်တဲ့ အပိုင်းပါ။ နောက်ထပ် သံယံဇာတတွေ အများကြီး ထွက်တယ်လို့ သိရပါတယ်။ ဥပမာ တွင်းထွက်ပစ္စည်းတွေ၊ ကျောက်မီးသွေးလဲ ထွက်ပါတယ်။ ပတ္တမြား၊ နီလာ၊ ရွှေ၊ ရွှေကြောကြီးတွေလဲ မြန်မာနိုင်ငံမှာ အများကြီး ရှိပါတယ်။ ဒီတော့ ဒီ ရွှေ၊ ငွေ၊ ကျောက်သံပတ္တမြားတွေ အပြင် ကျောက်မီးသွေး၊ ခဲမဖြူတို့၊ အဖြိုက်နက်တို့ မြန်မာနိုင်ငံမှာ မထွက်တဲ့ တွင်းထွက်ဆိုတာ မရှိသလောက် အများကြီး ထွက်ခဲ့ပါတယ်။ နောက်ပြီးတော့ မြန်မာ့ပိုင်နက် ပင်လယ်ရေပြင်ဆိုတာ အများကြီး ရှိပါတယ်။ ပင်လယ်ပြင်ကထွက်တဲ့ ငါးပုစွန်တွေဟာ မြန်မာပြည်သူလူထု စားသုံးလို့တောင် မကုန်တဲ့အတွက် စည်သွတ်ဗူး တွေနဲ့ ဒါမှမဟုတ် ရေခဲရိုက်ပြီးတော့ နိုင်ငံခြားကိုတောင် တင်ပို့ရောင်းချလို့ ရပါတယ်တဲ့။ ဒီတော့ တတိယတန်း ကျောင်းသူ ကျမဟာ ကျမနိုင်ငံကို ကျမ တော်တော် ဂုဏ်ယူခဲ့ပါတယ်။ (လက်ခုပ်သံများ) သယံဇာတတွေ သိပ်များတာပဲပေါ့။ ဒါပေမယ့် တနေ့ကျတော့ ကျမက ကျောင်းစာအပြင် တခြားပြင်ပမဂ္ဂဇင်းတခုကို သွားဖတ်မိပါတယ်။ သွားဖတ်တော့ အဲဒီအချိန်မှာ ကျမ စာတော့ ဟုတ်တိပတ်တိ မဖတ်ဖူးသေးပါဘူး။ ဒါပေမယ့် ဆောင်းပါးတို့ ပုံပြင်တို့ဆိုရင် တကြောင်းစ နှစ်ကြောင်းစ ဖတ်တတ်နေပါပြီ။ အဲ့ဒီမှာ ကံဆိုးစွာနဲ့ စာကြောင်းလေးတကြောင်း သွားတွေ့ပါတယ်။ အဲ့ဒီ စာကြောင်းလေးကို ကျမ အခုထိ မမေ့နိုင်သေးပါဘူး။'မြန်မာနိုင်
အဲ့ဒီတော့ ကျမက ပထ၀ီ သင်ခါစ တတိယတန်းကျောင်းသူ အမြင်နဲ့ဆိုတော့ ကျမ ဒီလိုပဲ မြင်တာပေါ့။ တကယ်တမ်းတော့ နိုင်ငံတခု တိုးတက်ကြီးပွါးဖို့ သယံဇာတ ထွက်ရုံနဲ့တင် မလုံလောက်ပါဘူး။ (လက်ခုပ်သံများ) ဒါ ကျမရဲ့ အပြောမဟုတ် ပါဘူး။ ကမ္ဘာ့စီးပွါးရေး ပညာရှင်တွေပြောတဲ့ အပြောပါ။ သူတို့က ဘယ်လိုပြောသလဲဆိုတော့ နိုင်ငံတခု တိုးတက်ကြီးပွါးဖို့ အချက်ကြီး (၄)ချက် လိုပါတယ်တဲ့။ သယံဇာတ၊ သဘာဝသယံဇာတ (Natural Resource) လို့ခေါ်တဲ့ သဘာဝသယံဇာတတွေ ပေါများဖို့တဲ့။ နံပါတ် (၂)ကတော့ အစဉ်အဆက်က ကြီးပွါးခဲ့တဲ့၊ အစဉ်အဆက်က ရှိခဲ့တဲ့ အရင်းအနှီး၊ နံပါတ် (၃) က Technology လို့ခေါ်တဲ့ နည်းပညာအသစ်အဆန်းတွေ၊ နံပါတ် (၄) ကတော့ အဲ့ဒီနည်းပညာကို ကျွမ်းကျင်သူတွေ၊ အဲဒီ လေးမျိုးလုံး ရှိတဲ့ နိုင်ငံဟာ (သို့မဟုတ်) လေးမျိုးမှာ သုံးမျိုးလောက် ရှိတဲ့နိုင်ငံဟာ အဲ့ဒီ နိုင်ငံဟာ ချမ်းသာပါတယ်တဲ့။
အဲ့ဒီတော့ ကျမတို့ မြန်မာနိုင်ငံက (၁) သယံဇာတတွေတော့ ပေါများကြွယ်ဝပါတယ်။ နောက် နံပါတ် (၂) (၃) (၄) ရှိ မရှိတော့ ကျမ မသိပါဘူး။ (လက်ခုပ်သံများ) အဲ့ဒီတော့ ကျမ ညံ့တဲ့အကြောင်းက အဲ့ဒီက စ ပါတယ်။ နောက်ထပ် ကျမ ညံ့တဲ့အကြောင်းကို ပြောရရင်တော့မြန်မာနိုင်ငံရဲ့ နိုင်ငံရေးနဲ့ ပတ်သက်လို့ ကျမ ညံ့တာပါ။ နိုင်ငံရေးအမြင် ဘာမှ မရှိခဲ့တဲ့ ကျောင်းသူတယောက်အကြောင်း ကျမ ပြန်ပြောပါမယ်။ စတုတ္ထတန်း (ဒါမှမဟုတ်) ပဉ္စမတန်း အရွယ် လောက် ကလေးဘ၀မှာ ကျမတို့ နိုင်ငံမှာ အရေးအခင်းတခု ဖြစ်ခဲ့ပါတယ်။ အဲ့ဒီ အရေးအခင်းမှာ မြို့ကြီးတွေ၊ ရန်ကုန်၊ မန္တလေးတွေကနေ ပြီးတော့ စတင် ဖြစ်ပွါးခဲ့ပြီးတော့ ကျမတို့ဆီကို တဖြည်းဖြည်းနဲ့ ပျံ့နှံ့လာခဲ့ပါတယ်။ အဲ့ဒီ အရေးအခင်းကတော့ တရုတ်-ဗမာ အရေးအခင်းပါ။ တရုတ်တွေနဲ့ ဗမာတွေ ချကုန်ပြီးလို့ (ရီသံများ) ကျမတို့ ကြားရပါတယ်။
ကျမတို့ ရေနံချောင်းမှာ တရုတ်လူမျိုးတွေ အများကြီး ရှိပါတယ်။ ကျမတို့ ရေနံချောင်းက တရုတ်လူမျိုးတွေနဲ့ ဗမာလူမျိုးတွေတော့ မချကြပါဘူး။ ကျမတို့ အချင်းချင်းတော့ ခင်ခင်မင်မင်ပါပဲ။ ကျမတို့ ကျောင်းမှာ အတန်းထဲမှာ ကျမတို့နဲ့ စာပြိုင်ဖက် တရုတ်မလေး ၃ - ၄ ယောက် ရှိပါတယ်။ သူတို့နဲ့ ကျမတို့လဲ စာမေးဖော် မေးဖက် ရင်းရင်းနှီးနှီး ခင်ခင်မင်မင်ပါပဲ။ ဒါပေမယ့် မြန်မာနိုင်ငံမှာတော့ တရုတ်-ဗမာ အရေးအခင်း ဖြစ်နေပြီလို့ သိရပါတယ်။ ဒီတော့ ကျမတို့လဲ လက်ခံလိုက်ရုံပဲပေါ့။ တရုတ်တွေနဲ့ ဗမာတွေ ချကုန်ပြီ၊ ဒီလောက်ပဲ သဘောထားလိုက်ပါတယ်။ တရက်တော့ ကျမတို့ ကျောင်းတက်နေတဲ့အချိန်မှာ ဆရာမက ကျမတို့ကို ပြောပါတယ်။ တို့တတွေ မနက်ဖန် ရောက်လို့ရှိရင် ဒီမြို့ရဲ့ လမ်းတွေပေါ်မှာ ကျောင်းသားတွေ အားလုံးတန်းစီ လမ်းတလျှောက် ချီတက်ရမယ်တဲ့ (လက်ခုပ်သံများ) အဲဒီတော့ ကျမက ကျောင်းစာသင်တဲ့အချိန်မှာ အပြင်ထွက် ရမယ်ဆိုတော့ သိပ်ပျော်သွားပါတယ်။ (ရီသံများ) အဲ့ဒါနဲ့ပဲ ကျမတို့ တက်တက်ကြွကြွနဲ့ပဲ လိုက်ဖို့ စီစဉ်ပါတယ်။ ဆရာမက ပြောတယ်။ နင်တို့အားလုံး စည်းကမ်းရှိရှိ သေသေ၀ပ်ဝပ် ချီတက်ရမယ်နော်တဲ့။ နှစ်ယောက်တတွဲ တွဲလို့ရတယ်။ နင်တို့ ကြိုက်တဲ့လူနဲ့ နင်တို့ တွဲကြပါတဲ့။ အဲ့ဒါနဲ့ ကျမကလဲ ကျမရဲ့ လက်တွဲဖော်အဖြစ် တရုတ်မလေးကို ရွေးလိုက်ပါတယ်။ ကျမနဲ့ ကျမသူငယ်ချင်း တရုတ်မလေးဟာ တရုတ်ဗမာအရေးအခင်း မှန်ကန်ကြောင်း ထောက်ခံဖို့ မြို့ထဲမှာ ချီတက်လမ်းလျှောက်ခဲ့ပါတယ်။ (ရီသံများ လက်ခုပ်သံများ) အဲ့ဒီတော့ ကျမတို့က ၂ ယောက်တတွဲ လမ်းလျှောက် လမ်းတွေပေါ်မှာ ချီတက်ကြတယ်။ ရိုးရိုးတန်းတန်း ချီတက်ကြတာ မဟုတ်ဘူး။ ရှေ့က တယောက်က စာရွက်တွေနဲ့ တိုင်ပေးတယ်။ ကျမတို့က နောက်ကနေပြီး လိုက်အော်ရတယ်။ လိုက်အော်တော့လဲ တို့အရေး၊ တို့အရေး ပေါ့။ ရှေ့က ဘာအောသလဲတော့ ကျမတို့ ကောင်းကောင်း မကြားရဘူး။ (ရီသံများ) အဲ့ဒီလိုနဲ့ ရှေ့ကတယောက်က တိုင်ပေးလိုက်၊ ဘာမှမသိပဲ နောက်က တို့အရေး အော်လိုက်၊ အော်ရင်းနဲ့ပဲ လမ်းတကာကို ရောက်ခဲ့ပါတယ်။ အဲ့ဒီမှာ ကျမတို့ ကျောင်းသားတွေကို လမ်းလျှောက်ရတာ၊ အော်ရတာ မောရင် ရေသောက်ရအောင်၊ အအေးသောက်ရအောင် ဆိုပြီးတော့ အိမ်တွေကနေပြီး အိမ်ရှေ့မှာ စာပွဲလေးတွေ ခင်းပြီးတော့ ကျမတို့ကို အစားအစာတွေ ကျွေးမွေးပါတယ်။ ကျမတို့လဲ အလကားရတာမှန်သမျှ အကုန်စားပါတယ်။ (ရီသံများ) အကျင့်က ပါနေတာကိုး (ရီသံများ)
ဗမာက ကျွေးကျွေး၊ တရုတ်က ကျွေးကျွေး အကုန်စားပါတယ်။ (ရီသံများ) ဒီလိုနဲ့ပဲ နည်းနည်း နေမြင့်လာတဲ့အခါမှာ ကျမတို့ ကျောင်းကို ပြန်ရပါတယ်။ ကျောင်းရှေ့မှာ အင်မတန် ကျယ်ဝန်းတဲ့ မြေတလင်းပြင်ကြီး ရှိပါတယ်။ အဲ့ဒီမှာ အားလုံးစုရုံးပြီးတော့ အတန်းလိုက် အတန်းလိုက် ကိုယ့်လူစုနဲ့ကိုယ် စုရုံးကြပါတယ်။
အဲဒီမှာ ကျမတို့ ဆရာမက ဘာပြောလဲဆိုတော့၊ အော်... ကျမ မေ့နေလို့၊ ကျမတို့ လမ်းလျှောက်တဲ့ အခါမှာ ဒီအတိုင်း လက်လွတ်လျှောက်ရတာ မဟုတ်ဘူး။ 'ခေါင်း' ကြီးတွေကို ကြိုးနဲ့ ဆွဲပြီးတော့ ဒီ ခေါင်းကြီးတွေကတော့ ကျမတို့ ကျောင်းသားလေးတွေ ဆွဲနိုင်အောင်ပါ။ စက္ကူတွေနဲ့လဲ ခေါင်းပုံစံ ဖြစ်အောင် ရေးထားပါတယ်။ အဲ့ဒီထဲမှာလဲ ကျမတို့ မျက်စိရှေ့မှာ စက္ကူစုတ်တွေ ထည့်ထားတာ မြင်ရပါတယ်။ ဒါပေမယ့် အဲ့ဒီ စက္ကူစုတ်တွေကို ကျမတို့က စက္ကူစုတ်တွေလို့ မမှတ်ရဘူးတဲ့။ အဲဒီအထဲမှာ အလောင်းတွေ ပါတယ်လို့ မှတ်ရမယ်တဲ့။ အဲ့ဒီမှာမှ ကျမ ပထမဦးဆုံး နံမည်တခုကို ကြားဖူးပါတယ်။ အဲ့ဒီနာမည်ကတော့ မော်စီတုန်းတဲ့။ မော်စီတုန်းဆိုတဲ့နာမည်ကို အဲဒီအချိန်မှာမှ ပထမဦးဆုံး ကြားဖူးတာပါ။ မော်စီတုန်း ကျဆုံးပါစေ ပေါ့။ အဲ့ဒီလို ဆိုတယ်လို့ ကျမ ထင်ပါတယ်။ ဒီလိုနဲ့ ကျောင်းရှေ့ကို ပြန်ရောက်တော့ ကျမတို့ ဆရာမက အဲဒီ ခေါင်းကြီးကို မီးရှို့ရမယ်လို့ ပြောတယ်။ ဒီတော့ ကျမက သူများအော်ရင်သာ နောက်ကနေ တို့အရေး လိုက်အော်ရဲတာ။ ကျမကတော့ မီးရှို့ဖိုတော့ ကြောက်ပါတယ်။ ကြောက်တော့ ကျမက နောက်ဆုတ်တယ်။ အဲ့ဒီအချိန်မှာ ဆရာမက ကျမကို ရှေ့ထွက်ခိုင်းတယ်။ ကျမက အတန်းရဲ့ မော်နီတာ ဖြစ်ပါတယ်။ (ရီသံများ)
"တင်တင်ဝင်း နင်ရှေ့ထွက် နင်မီးရှို့ ရမယ်" လို့ ပြောတယ်။ အဲ့ဒီတော့ ကျမက မရှို့ရဲဘူးဆိုပြီး နောက်ကို ကပ်တယ်။ အဲဒီတော့ ကျမတို့ နှစ်ယောက်ရဲ့ အဖြစ်အပျက်ကို မကြည့်ရက်တဲ့ နည်းနည်းအသက်ကြီးတဲ့ ကျောင်းသူတယောက်က ကျမတို့နှစ်ယောက် ကိုယ်စား ဖြေရှင်းပေးလိုက်ပါတယ်။ သူပဲ ဆက်ပြီးတော့ မီးရှို့တယ်။ (ရီသံများ) ကျမဟာ ဒီလို နိုင်ငံရေးမရှိအောင် ညံ့တယ်ဆိုတာ ကျမ ၀န်ခံပါတယ်။ ဒါ ကျမရဲ့ စီးပွါးရေး ညံ့ဖျင်မှု၊ နိုင်ငံရေး ညံ့ဖျင်းမှုပါ။ ဒါပေမယ့် အဲဒီလိုသာ ညံ့တယ်။ ကျမက ဘာဖြစ်ချင်သလဲဆိုတော့ ကျမဘ၀မှာ အဖြစ်ချင်ဆုံး ဆန္ဒတခုက စာရေးဆရာ ဘ၀တခုပါပဲ။ စတုတ္ထတန်းအရွယ် ကတည်းက ကျမဟာ စာရေးဆရာတယောက် ဖြစ်ချင်ခဲ့ပါတယ်။ စာရေးဆရာဖြစ်ဖို့ ကျမကို တွန်းအားပေးတဲ့ အချက်တွေ အများကြီး ရှိပါတယ်။ အဲဒါကတော့ ကျမ ဖတ်ခဲ့တဲ့ စာအုပ်တွေပါပဲ။ ကျမဟာ ကျောင်းစာက လွဲပြီးတော့ အပြင်ဘက်စာပေတွေကို မဂ္ဂဇင်းတွေကို အများ ဖတ်ခဲ့ ပါတယ်။ ကျောင်းစာထက် ပိုပြီးတော့ ဖတ်ခဲ့ပါတယ်။ အဲ့ဒီတော့ ကျမ မှတ်မိသလောက်ပေါ့၊ ကျမ ဖတ်ခဲ့တဲ့ စာအုပ်တွေဟာ အများကြီးပါပဲ။ စာရေးဆရာကြီး တက္ကသိုလ်ဘုန်းနိုင်၊ စာရေးဆရာကြီး ဓူဝံ၊ ဆရာမကြီး ဒေါ်ခင်နှင်းယု၊ ဂျာနယ်ကျော်မမလေး၊ သူတို့ စာအုပ်တွေကို ကျမ ဖတ်ပါတယ်။ အဲ့ဒီမှာ ကျမဘ၀မှာ ပထမဦးဆုံး ဖတ်ဖူးတဲ့ စာအုပ်တအုပ်ကို အခုထိ မှတ်မိပါတယ်။ ဒါဟာ ကျမအတွက် ပထမဦးဆုံး ၀တ္ထုပါ။ အဲ့ဒါကတော့ စာရေးဆရာကြီးဓူဝံရဲ့ 'မာလာ' လို့ အမည်ရတဲ့ ၀တ္ထု ဖြစ်ပါတယ်။ 'မာလာ' ဟာ လက်သုံးလုံးလောက် ထူတဲ့ စာအုပ်ကြီးတအုပ်ပါ။ သူ့ အဲ့ဒီစာအုပ်ကို ကျမရဲ့ ကျမကိုယ်ပိုင်အမြင်နဲ့ ဖတ်ခဲ့တာတော့ မဟုတ်ပါဘူး။ အဲ့ဒီအချိန်တုန်းက ကျမက ကာတွန်းတွေပဲ ဖတ်ပါတယ်။ ကာတွန်းတောင်မှ ထူရင် မဖတ်ပါဘူး။ ခပ်ပါးပါးပဲ ဖတ်ပါတယ်။ တရက်ကျတော့ ကျမ စတုတ္ထတန်း စာမေးပွဲအပြီး ကျောင်းအားတဲ့ အချိန်မှာ ကျမ မေမေက စာအုပ်တအုပ် ယူလာပေးပါတယ်။
"သမီး ဒီဝတ္ထုကို ဖတ်စမ်း" လို့ ကျမကို ပြောပါတယ်။ အဲ့ဒီဝတ္ထုက 'မာလာ' ၀တ္ထုပါ။ ကျမက စာအုပ်ကြီးကို ကြည့်ပြီးတော့ လန့်သွားတယ်။ "အား စာအုပ်ကြီးက အထူကြီးပါလားမေမေ" လို့ ပြောတော့ "အေး ထူတော့ ထူတယ်၊ ဒါပေမယ့် သမီး စိတ်ဝင်စားမှာပါ" တဲ့။ သမီးတို့ မောင်နှမတွေဟာ စကားပြောရင် အင်မတန် ရိုင်းတယ်တဲ့။ ကိုကိုရယ်၊ ညီမလေးရယ် ဘယ်တော့မှ စကားမပြောဘူး၊ မောင်နှမအချင်းချင်း အကြီးနဲ့အငယ်ကို နင်, ငါ သုံးတယ်တဲ့။ အဲ့ဒါ မကောင်းဘူးတဲ့၊ ဒီတော့ သမီး ဒီစာအုပ်ကို ဖတ်တဲ့အခါမှာ ဖတ်ပြီးသွားရင် သမီး ယဉ်ကျေးသိမ်မွေ့လာလိမ့်မယ်။ ဒီစာအုပ်ထဲမှာ လူတွေဟာ စကားပြောရင် သိပ်ယဉ်ကျေးတာပဲတဲ့။ ဖတ်ကြည့်ပါတဲ့။ အဲ့ဒီတော့ ကျမကလဲ မေမေက ဖတ်ခိုင်းတယ်ဆိုရင် ငါဖတ်ဖို့ သင့်တာပေါ့။ ကိုယ့်ဖာသာကိုယ် တွေးပြီးတော့ မေ့မေ့ရှေ့မှာပဲ အဲ့ဒီစာအုပ်ကို ကျမ ဖွင့်ဖတ် လိုက်ပါတယ်။ စ ဖွင့်ဖွင့်ချင်းပဲ အဲ့ဒီစာအုပ်ကို ကျမ စိတ်ဝင်စားသွားတယ်။ သူက အခန်း(၁) အဖွင့်မှာ အကျဉ်းထောင်တခုရဲ့ မြင်ကွင်းနဲ့ စထားပါတယ်။ အဲ့ဒီ အကျဉ်းထောင်ထဲမှာ၊ အချုပ်ခန်းထဲမှာ၊ သံတိုင်တွေနောက်မှာ အကျဉ်းသား ၁၀ ယောက် အကျဉ်းကျ နေပါတယ်။ သူတို့ကတော့ တိုင်းပြည်ကို တော်လှန်ပုန်ကန်လို့ ချုပ်ထားတဲ့ အကျဉ်းသား တွေပါ။ တယောက်က ခေါင်းဆောင်၊ အဲ့ဒီခေါင်းဆောင်နာမည်က ဗိုလ်နန္ဒလို့ ခေါ်ပါတယ်။ သူ့ရဲ့ နောက်ပါက ၉ ယောက် ရှိပါတယ်။ သူတို့ ၁၀ ယောက်ကို ဒီကနေ့ ညနေ နေကွယ်လို့ ရှိရင် လည်ပင်းကို ကြိုးကွင်းစွပ်ပြီး၊ မသေမချင်း ကြိုးပေးသတ်ခံရဖို့ ဘုရင်က အမိန့် ချပြီးသားပါ။ ဒီတော့ သူတို့ အားလုံးဟာ ဒီကနေ့ ညနေမှာ သေမယ်ဆိုတာ သေချာနေတော့ တော်တော် ကြောက်ရွံ့တုန်လှုပ်နေပါတယ်။ တပည့်တွေဟာ ငိုတဲ့သူက ငိုနေကြတယ်။ နံရံကို လက်သီးနဲ့ထိုးပြီး အော်တဲ့သူက အော်နေကြတယ်။ နောက် ဒေါသတကြီး စကားပြောတဲ့သူက ပြောနေကြတယ်။ အဲ့ဒါတွေကို ကြည့်ပြီးတော့ သူတို့ရဲ့ခေါင်းဆောင် ဗိုလ်နန္ဒက တော်တော်စိတ်မကောင်း ဖြစ်တယ်။ "သူတို့ခမျာ ငါ့ရဲ့ ခေါင်းဆောင်မှုကို လိုက်ခဲ့တဲ့အတွက် သူတို့ဟာ ကြိုးပေးပြီး အသတ်ခံရတော့မှာပါလား၊ သူတို့တွေ အသေဖြောင့်အောင်၊ သေခြင်းတရားကို တည်တည်ငြိမ်ငြိမ် ရင်ဆိုင်နိုင် အောင် ငါ ကဗျာလင်္ကာတပုဒ် ရွတ်ပြမှ ဖြစ်မယ်" လို့ သူ့ဖာသာသူ တွေးပြီးတော့ သူ ကဗျာလင်္ကာတပုဒ် ရွတ်ပြပါတယ်။ အဲ့ဒီကဗျာကတော့ အနန္ဒသူရိယ အမတ်ကြီး ရေးစပ်ခဲ့တဲ့ အမျက်ဖြေ အလင်္ကာလို့ အမည်ရတဲ့ ကဗျာလေးတပုဒ်ပါ။ "သူတည်းတယောက်၊ ကောင်းဖိ်ု့ရောက်မူ၊ သူတယောက်မှာ၊ ပျက်လင့်ကာသာ၊ ဓမ္မတာတည်း" အဲ့ဒီကဗျာပါ။ သူက အဲ့ဒီကဗျာကို ရွတ်တဲ့အခါမှာ စာရေးဆရာက ဘယ်လိုဖွဲ့ထားသလဲဆိုတော့ ဗိုလ်နန္ဒသည် သူ၏ အောင်မြင်လှသော အသံဝါကြီးနဲ့ထိုကဗျာကို ရွတ်ဆို၏တဲ့။ အဲ့ဒီမှာ ကျမက နည်းနည်း ကလေး နားမလည်ဘူး ဖြစ်သွားတယ်။ ဗိုလ်နန္ဒကို ကျမသိတာက သူပုန်ဗိုလ်လို့ ကျမသိပါတယ်။ သူပုန်ဗိုလ် တယောက်ကို ဘာဖြစ်လို့ အဲ့ဒီလို ဖွဲ့သလဲ အောင်မြင်လှသော အသံဝါကြီးဆိုတာ သူပုန်ဗိုလ်ကို ဖွဲ့ရမယ့် စကားမဟုတ်ပါဘူး။ ဒါဟာ သူရဲကောင်းတွေ ဟီးရိုးတွေကိုသာ သုံးရမယ့် စကားပါ။ ဒီတော့ ကျမအမြင်မှာ သူပုန်ဗိုလ်ဆိုတာ လူဆိုးပဲ၊ လူဆိုးတယောက်ကို အောင်မြင်လှသော အသံဝါကြီးနဲ့လို့ ဖွဲ့တာဟာ နည်းလမ်း မကျဘူးလို့ ကျမရဲ့ စတုတ္ထတန်း အမြင်နဲ့ တွေးပါတယ်။ အဲ့ဒါနဲ့ မေမေ့ကို မေးမိတယ်။ မေမေလို့ ဗိုလ်နန္ဒဟာ ဘာလဲလို့၊ အဲ့ဒီလို မေးတော့ မေမေက ဇာတ်လိုက်တဲ့၊ (ရီသံများ) ကျမပိုပြီးတော့ နားမလည်ဘူး ဖြစ်သွားတယ်။ (ရီသံများ) သူပုန်ဗိုလ်လို့လဲ ပြောသေးတယ်၊ ဇာတ်လိုက်လို့လဲ ပြောသေးတယ်၊ ကျမ အဲ့ဒီမှာ အဲ့ဒီနှစ်ခုကို ယှဉ်ပြီး နားမလည်ဘူးပေါ့။ ကျမ အပြင်မှာ သူခိုးတွေ၊ ဓါးပြတွေ၊ သူပုန်တွေ၊ ခါးပိုက်နှိုက်တွေ၊ အဲ့ဒါတွေ အကုန်လုံးက လူဆိုးတွေ စာရင်းထဲမှာ ပါတယ်။ ဒီတော့ ဒီလူဆိုးတယောက်က ဘာဖြစ်လို့ ဇာတ်လိုက်ဖြစ်သလဲ ကျမက မေမေ့ကို ပြန်မေးတယ်။ မေမေလို့ မေမေ့ဥစ္စာက ဖြစ်နိုင်ပါ့မလား၊ သူပုန်က ဘယ်လိုလုပ်ပြီးတော့ ဇာတ်လိုက် ဖြစ်မလဲ၊ မဖြစ်နိုင်ဘူး ထင်တယ်လို့ ကျမကပြောတော့ မေမေက ဖြစ်နိုင်တာပေ့ါ သမီးရယ်တဲ့၊ တခါတခါကျတော့ တိုင်းပြည်ကို အုပ်ချုပ်မင်းလုပ်တဲ့ ရှင်ဘုရင်က ဆိုးနေရင်၊ ယုတ်မာနေရင်၊ ကောက်ကျစ်နေရင် သူပုန်ဆိုတာလဲ ဇာတ်လိုက် ဖြစ်တတ်ပါတယ်တဲ့။ (ရီသံများ၊ လက်ခုပ်သံများ)
အဲ့ဒီတော့မှ ကျမ ရေးရေးလေး သဘောပေါက်သွားပါတယ်။ ကျမ ဒီဝတ္ထုကို တော်တော် စိတ်ဝင်စားသွားပြီ၊ ဒါပေမယ့် ထပ်ပြီးတော့ မေးသေးတယ်၊ ဟုတ်ပါပြီလို့ အဲ့ဒါဆိုလို့ရှိရင် ဒီသူပုန်ဗိုလ်က ဇာတ်လိုက်ဖြစ်နေရတာ သူက ဘာဖြစ်လို့ သူပုန်ဘ၀ကို ဘာဖြစ်လို့ ရောက်သလဲ မေမေလို့ ကျမက ပြန်မေးတယ်။ ပြန်မေးတော့ မေမေကလည်း သူ့သမီးကို စာဖတ်စေချင်တော့ ရှင်းပြတယ်၊ သူ့ဘ၀တဲ့၊ သူကတော့ သူပုန်ဘယ်ဟုတ်မလဲ သမီးရယ်တဲ့၊ သူက ဘုရင့်သားတော် တပါးပါ၊ သူတက္ကသိုလ်ပြည်မှာ ပညာသွားသင်နေတုန်းက သူ့အဖေရဲ့ ထီးနန်းစည်းစိမ်ကို သူ့အဖေလက်အောက်က စစ်သူကြီးတပါးက တိုက်ခိုက်ပြီးတော့ သိမ်းယူထားတဲ့အတွက် သူဟာ ပြန်လာတဲ့အခါကျတော့ သူပုန်ဘ၀ကို ရောက်ရတာပါတဲ့။ (လက်ခုပ်သြဘာသံများ) အဲ့ဒီလို ပြောပါတယ်။ (လက်ခုပ်သံများ) အဲ့ဒီတော့ ကျမက ပိုပြီး စိတ်ဝင်စားသွားပါတယ်၊။ ဟုတ်ပါပြီမေမေ အဲ့ဒါဆိုရင် သမီး ဒီဝတ္ထုကို ဖတ်ပါတော့မယ်။ ဒါပေမယ့် သမီး ဒီဇာတ်လမ်းအဆုံးကို သိပ်သိချင်တာလို့၊ အဲ့ဒီ ဇာတ်လမ်းအဆုံးကိုတော့ သမီးကို ကြိုပြီးတော့ ပြောပါအုန်းလို့။ သူက သူ့အဖေရဲ့ ထီးနန်းစည်းစိမ်ကို ပြန်ရရဲ့လားလို့ ကျမ မေးလိုက်တယ်။ ကျမမေးလိုက်တော့ မေမေက ရတယ် သမီးတဲ့။ နောက်ဆုံးကျတော့ သူရသင့်တဲ့ သူ့အဖေရဲ့ စည်းစိမ်ကို သူပြန်ရသွားပါတယ်တဲ့။ အဲ့ဒီလို ကျမကို ပြောပါတယ်။ (ရီသံများ၊ လက်ခုပ်သံများ) အဲ့ဒါနဲ့ပဲ ကျမ ဒီဇာတ်လမ်းကို ကြိုက်လို့ ဒီဝတ္ထုကို ဖတ်ပါတယ်။ တကယ်လဲ မေမေပြောသလိုပဲ သူပုန်ဗိုလ်နန္ဒဟာ သူရသင့်ရထိုက်တဲ့ သူ့အဖေရဲ့ ဒီနန်းစည်းစိမ်ကို ပြန်ရသွားပါတယ်။ ဘယ်လိုနည်းနဲ့ သူထီးနန်းစည်းစိမ်ကို ပြန်ရသွားလဲ၊ အဲ့ဒါကို သိချင်ရင်တော့ ဓူဝံရဲ့ 'မာလာ' စာအုပ်ကို ဖတ်ကြည့်ပါ။ (လက်ခုပ်သံများ) အဲ့ဒါ ကျမရဲ့ စာရေးဆရာ ဖြစ်ချင်တဲ့စိတ်အစပါပဲ။
ကျမဟာ လူတွေကို စရိုက်အမျိုးမျိုး ရေးဖွဲ့ချင်တယ်။ လူဆိုးဆိုလဲ လူဆိုးစရိုက်၊ လူကောင်းဆိုရင်လဲ လူကောင်းစရိုက် အဲ့ဒီလို ရေးဖွဲ့တော့ ဇာတ်လမ်းတွေ ဆင်ချင်တယ်။ အမှန်တရားဟာ ရှေ့မှာ ရောက်သင့်တဲ့ အချိန်မှာရှေ့မှာ ရောက်ဖို့ ကျမက ထည့်ချင်တယ်။ အဲ့ဒီလို စိတ်လေးတွေဟာ ၀တ္ထုတွေ ဖတ်ရင်း ဖတ်ရင်းကနေပြီး ကျမကို ပိုပို ပိုပို တွန်းအားပေးလာတော့ ကျမဟာ စာရေးဆရာ ဖြစ်ချင်တဲ့ စိတ်တခုထဲနဲ့ ကျမဟာ ကြီးပြင်းခဲ့ ပါတယ်။ ဒါပေမယ့် ကျမ ဆယ်တန်းအောင်တဲ့အခါ ခြေချော် လက်ချော်နဲ့ ဂုဏ်ထူး ၅ ခု ရသွားပါတယ်။ အဲ့ဒီတော့ အဲဒီဂုဏ်ထူး ၅ ခုလေးကို ကျမက နှမျောပြီးတော့ ဆေးတက္ကသိုလ်ကို လိုက်ပါတယ်။ (ရီသံများ) ကျမတို့ ခေတ်တုန်းက ဂုဏ်ထူး ၆ ခုတွေ၊ ၅ ခုတွေ၊ ၄ ခုတွေ အများကြီးပါပဲ။ သူတို့တွေ အားလုံးဟာ ဆေးတက္ကသိုလ်ကိုဝင်ဖို့ပဲ အာရုံရှိကြပါတယ်။ ရူပဗေဒ၊ ဓါတုဗေဒတွေကို မ၀င်ကြပါဘူး။ မိဘတွေ ကိုယ်တိုင်ကလည်း ဆေးတက္ကသိုလ်ကို ၀င်စေချင်တယ်။ ကျမကိုယ်တိုင်ကလဲ ကျမရဲ့ မိဘတွေက ဆေးတက္ကသိုလ်ကို လိုက်ဖို့ ပြောလို့ ကျမကလဲ ဂုဏ်ထူးလေးကို အားနာလို့ ဆေးတက္ကသိုလ်ကို ၀င်ခဲ့ပါတယ်။ ၀င်ခဲ့တော့ ကျမဟာ ဆရာဝန်ဘ၀ကို လုံး၀၀ါသနာ မပါပဲ ရောက်ခဲ့တာဆိုတော့ အတန်းထဲမှာ ဆေးပညာကလွဲရင် အားလုံးကို စိတ်ဝင်စားပါတယ်။ (ရီသံများ)
ကျမ တနေ့တနေ့ ဖတ်တဲ့ စာတွေဟာ ဆေးပညာနဲ့ ဘာမှ မဆိုင်ပါဘူး။ ကျမတို့ ရေနံချောင်းမှာ စာကြည့်တိုက် ကောင်းကောင်း မရှိဘူး၊ ဆေးကျောင်း ရောက်တော့ မန္တလေးဆေးတက္ကသိုလ်မှာ အင်မတန် ကြီးမားတဲ့ စာကြည့်တိုက်ကြီးတခု ကျမသွားတွေ့တယ်။ အဲ့ဒီ စာကြည့်တိုက်ကြီးထဲမှာ ကျမ မဖတ်ဖူးတဲ့ စာအုပ်တွေ၊ ကြားဖူးပြီးတော့ မဖတ်ဖူးတာ၊ ကြားတောင် မကြားဖူးတာ၊ မြန်မာလို အင်္ဂလိပ်လို အစုံပါပဲ။ အဲ့ဒါကြီးကို ကျမ မြင်ပြီးတော့ ငါတော့ ဒီ ဆေးတက္ကသိုလ် ၇ နှစ် အတွင်း ဒီစာအုပ်တွေ ပြီးအောင်ဖတ်မှ ဖြစ်မယ်လို့ ဆုံးဖြတ်ပါတယ်။ အဲ့ဒီလိုနဲ့ ကျမ အပြင်စာတွေ ဖတ်ခဲ့တယ်။ အတန်းထဲမှာ စာသင်တဲ့အခါမှာ ကျမက နောက်ဆုံးကနေ မတ်တတ်ရပ်ပါတယ်။ ဆရာ စာမေးလွတ်အောင်လို့ပါ။ ရှေ့မှာ ရပ်လို့ရှိရင် ဆရာက လှမ်းလှမ်းပြီး စာမေးလို့ပါ။ စာသင်ရတဲ့အခါမှာလဲ ကျမ အားကျစိတ် လုံးဝမပေါ်ပါဘူး။ ကျမတို့ ကျောင်းမှာ ရောဂါနံမည်တွေ၊ ကုထုံးနာမည်တွေ အဲ့ဒါတွေ အားလုံးဟာ လူနံမည်တွေနဲ့ ချည်းပါပဲ။ ဥပမာ ရောဂါတခုခုကို တယောက်ယောက်က ရှာတွေ့သွားပြီဆိုရင် အဲ့ဒီလူရဲ့ နာမည်ကို ရှေ့မှာတပ်ပြီးတော့ နံမည်နဲ့ ရောဂါနံမည် ပေးပါတယ်။ ဥပမာ ကော့ ဆိုတဲ့သူက ရောဂါတခုကို ရှာဖွေတွေ့ခဲ့တယ်။ အဲ့ဒီ ကော့ ရှာတွေ့ခဲ့တဲ့ အဆုပ်ရောဂါကို ကော့ Lung ကော့ဒစိပေါ့။ ကော့ရဲ့ရောဂါလို့ နံမည် တပ်ပါတယ်။ နောက်ပြီး ပဲလော့ လို့ခေါ်တဲ့ ပြင်သစ်သမားတော်ကြီး တယောက်က ရှာတွေ့ခဲ့တဲ့ ရောဂါ၊ မွေးရာပါ နှလုံးရောဂါ၊ အဲ့ဒါဆိုလို့ ရှိရင် ပဲလော့တက်ထွာလော်ဂျီလို့ သူတို့က နံမည်ပေးပါတယ်။ ပဲလော့ ရှာတွေ့ခဲ့သော ရောဂါ၊ အဲ့ဒီလိုမျိုးတွေ ထောင်ပေါင်း၊ သောင်းပေါင်းများစွာ နေ့စဉ် ကျမတို့ စာကျက်ရပါတယ်။ အဲ့ဒီလို ကျက်နေတဲ့အခါမှာ ဒီနံမည်တွေကို ကျက်ပြီးတော့ ငါသူတို့ ဘ၀ကို အားကျလိုက်တာ ဆိုတဲ့စိတ်များ ၀င်ခဲ့မိသလားလို့ အခုနေ ကျမပြန်တွေးကြည့်တော့ ကျမ နည်းနည်းမှ အားကျစိတ် မ၀င်ခဲ့ပါဘူး။ တခါတခါ သူတို့ကို ငြိုတောင်ငြိုငြင် မိပါတယ်။ သူတို့ဟယ် ရှာလိုက် ဖွေလိုက်ကြတာ၊ တွေ့ပဲ တွေ့နိုင်လွန်းတယ်၊ သူတို့ ရှာပြီးတော့ တွေ့တော့ ငါတို့မှာ စာတွေ ကျက်လို့ကို မပြီးနိုင်တော့ဘူး။ (ရီသံများ၊ လက်ခုပ်သံများ) အဲ့ဒီလောက်ထိအောင် ကျမ မေတ္တာပို့ခဲ့ ပါတယ်။ ဒါ ကျမ ဆေးကျောင်းသူဘ၀ ညံ့ဖျင်းမှုတွေပါ။
ဒီလိုနဲ့ တနှစ်ပြီး တနှစ် ယက်ကန်ယက်ကန်နဲ့ စာမေးပွဲတွေ နီးတော့ စာလေးကျက်လိုက်၊ အောင်လိုက်၊ တခါတလေ တခါတည်းနဲ့ မအောင်လို့ နှစ်ခါပြန် ဖြေရပါတယ်။ ကျမတို့ ကျောင်းမှာတော့ ဆပ်ပလီမန်ထရီဆိုတာ ရှိပါတယ်။ ဆပ်ပလီမန်ထရီက စာမေးပွဲ ကျပြီးတော့ ကျတဲ့ဘာသာကိုပဲ ပြန်ဖြေရတာပါ။ တော်ပါသေးရဲ့ ဆပ်ပလီမန်ထရီသာ မရှိခဲ့ရင် ကျမ တတန်းနှစ်နှစ် လောက် နေရဖို့ အကြောင်းရှိပါတယ်။ အဲ့ဒီလိုနဲ့ ကျမ ဆရာဝန် ဖြစ်ပါတယ်။ ဆရာဝန်ဖြစ်လာတော့ ဒီလို ခပ်ညံ့ညံ့ ဆေးကျောင်းသူတယောက်က ဘယ်လိုဆရာဝန်မျိုးဖြစ်မလဲ။ တွေးကြည့်ရင်တော့ သဘောပေါက်နိုင်စရာ အကြောင်းရှိပါတယ်။
ဒါပေမယ့် ကျမရဲ့ ဆရာဝန်ဘ၀ကို ပိုပြီးတော့ ပုံပေါ်သွားအောင်၊ ကျောင်းသူကျောင်းသားတွေ ပိုပြီးတော့ နားလည်သွားအောင် ကျမ ကာတွန်းလေးတပုဒ်နဲ့ ဥပမာပေးချင်ပါတယ်။ အဲ့ဒီကာတွန်းလေးကို ရေးဆွဲတဲ့သူ ဘယ်သူလဲလို့ ကျမ မမှတ်မိတော့ပါဘူး။ ကျမညံ့တဲ့အထဲမှာ အဲ့ဒါလဲ ပါပါတယ်။ ကျမက ဆရာအော်ပီကျယ်ကို တောင် မေးကြည့်ပါသေးတယ်။ ကာတွန်းဟာ ကျမ အခုထိ သတိရနေသေးတယ်ဆရာလို့ ဆရာများ ဆွဲခဲ့ သလားလို့ ကျနော် မဆွဲခဲ့ ပါဘူးတဲ့။ ဒါပေမယ့် ကျမရင်ထဲမှာ အဲ့ဒီ ကာတွန်းလေးဟာ အခုချိန်ထိ နှစ်ပေါင်းများစွာ စွဲတင်ကျန်ရစ်ခဲ့ပါတယ်။ အော် ငါနဲ့ တူလိုက်လေခြင်း၊ အဲ့ဒီ ကာတွန်းအတွေးလေးကို ကျမ ပြောပြမယ်။ သူက တမျက်နှာ ကာတွန်းပါ။ မဂ္ဂဇင်းရဲ့ သရုပ်ဖော်ပုံ၊ မဂ္ဂဇင်းမှာ တမျက်နှာ ၄ ခု လောက်ပါတယ်။ တခါတလေ ၆ ခုလောက်ပါတယ်။ အခု ကျမကာတွန်း အကွက် ၆ ကွက်ပါတဲ့ ကာတွန်းပါ။ သူက ပထမဦးဆုံး အကွက်မှာ လူမမာတယောက် ကြမ်းပြင်ပေါ်မှာ ပက်လက်ကြီး စန့်စန့်ကြီး အိပ်နေတယ်၊ လူနာရဲ့ ဘေးနားလေးမှာ လူနာရဲ့ ဇနီးလို့ ထင်ရတဲ့ အမျိုးသမီးလေးက တယောက်၊ သူက ကျုံ့ကျုံ့လေးထိုင်ပြီးတော့ စိတ်ပူနေတဲ့ မျက်နှာလေးနဲ့ လူနာကို ကြည့်နေပါတယ်။ သူတို့နှစ်ယောက်ရဲ့ ဘေးနားမှာတော့ ဆရာဝန်တယောက် မတ်တတ်ရပ်နေပါတယ်။ အဲဒီဆရာဝန်က လူနာကို နားကြပ်ကလေး နားမှာထောက်ပြီး စမ်းသပ်နေပါတယ်၊ အဲဒါ ပထမဦးဆုံးအကွက်။ ဒုတိယအကွက်ကတော့ အဲဒီဆရာဝန်ကို ကာတွန်းဆရာက ပုံကြီးချဲ့ပြီး ဆွဲပါတယ်။ ဆရာဝန်ရဲ့ မျက်လုံးတွေကို အဓိက ထားတယ်။ ဆရာဝန်ရဲ့ မျက်လုံးက ဘာမှမသိတဲ့ အူကြောင်ကြောင် မျက်လုံးမျိုးပါ။ မျက်လုံးလေးက လည်နေတယ်။ ဆရာဝန်ရဲ့ ခေါင်းပေါ်မှာလဲ ကွက်ရှင်မတ်ပေါ့ မေးခွန်းလက္ခဏာလေးနဲ့၊ သူ့ရဲ့ဘေးနားမှာ ရှုပ်နေတဲ့ သပွတ်အူလို ပုံစံလေးနဲ့။ ဘာရောဂါပါလိမ့် သူတော်တော်ဦးဏှောက်ခြောက် နေပြီလို့ ကာတွန်းကြည့်တဲ့ပရိသတ် သိအောင် ကာတွန်းဆရာက ဆွဲထားပါတယ်။ အဲ့ဒါက ဒုတိယအကွက်။ နောက် တတိယအကွက်ရောက်တော့ ဆရာဝန်ကိုပဲ အသားပေးပြီး ဆွဲထားတယ်၊ ဆရာဝန်ရဲ့ မျက်ဝန်းမှာ စောစောက မြင်နေရတဲ့ အူကြောင်ကြောင် မျက်လုံးမရှိတော့ဘူး။ သူ့မျက်လုံးလေးတွေက တောက်နေတယ်။ သူ့ရဲ့ ခေါင်းပေါ်မှာလဲ စောစောက ကွက်ရှင်မတ်တွေ၊ သပွတ်အူတွေ မရှိတော့ပဲနဲ့ လင်းနေတဲ့ ဖန်သီးလေးတလုံးကို ခေါင်းပေါ်မှာ ဆွဲထားပါတယ်။ ဖန်သီးလေးဘေးမှာ အချောင်းချောင်းလေးတွေနဲ့ သူဘာရောဂါလဲဆိုတာ ရှာလို့ ရပြီဆိုတဲ့ အဓိပ္ပါယ်၊ ကျမတို့ သိစေပါတယ်။ နောက် စတုတ္ထကွက်မှာရောက်တော့ ဆရာဝန်က သူတပ်ထားတဲ့ နားကျပ်ကို ချွတ်ပြီး လူနာရှင် အမျိုးသမီးဘက်ကို လှည့်ပြီးတော့ စိတ်မကောင်းတဲ့ မျက်နှာလေးနဲ့ ကျနော် ၀မ်းနည်းပါတယ်၊ လူမမာဟာ အသက်မရှိတော့ပါဘူးတဲ့။ (ရီသံများ) အဲ့ဒီလို ပြောလိုက်ပါတယ်။ အဲ့ဒါက စတုတ္ထအကွက်ပေါ့။ နောက် ပဉ္စမအကွက်ကို ရောက်တော့ စောစောတုန်းက ကြမ်းပြင်ပေါ်မှာ ကျုံ့ကျုံ့လေးထိုင်ပြီး စိုးရိမ်ပူပန်တဲ့ မျက်နှာလေးနဲ့ သူ့ယောက်ျားကို ကြည့်နေတဲ့ လူမမာရှင်အမျိုးသမီးက သူ့ယောက်ျားဘက်ကို လက်ညှိုး ငေါက်ငေါက်ထိုးပြီးတော့ 'ရှင် ဆရာဝန်ထက် ပိုပြီးတော့ မသိချင်နဲ့' အဲ့ဒီလို ပြောလိုက်ပါတယ်။ (ရီသံများ၊ လက်ခုပ်သံများ)
အဲ့ဒီတော့ ကာတွန်းထဲက ဆရာဝန်လို ကျမဟာ၊ ကာတွန်းထဲက လူနာရှင်မိန်းမလို အများကြီး ကြုံတွေ့တဲ့အခါ ကျမရဲ့ဆေးခန်းဟာ လူနာတော်တော်များပါတယ်။ ရေနံချောင်းမြို့မှာ ဒေါက်တာ တင်တင်ဝင်း ဆိုတာ နံမည် တော်တော်ကြီးပါတယ်။ စောစောက ဒေါက်တာ တင်မောင်သန်းပြောသွားတဲ့ ပူဖောင်းလေးတွေလဲ ပါတာပေါ့။ အဲ့ဒီတော့ ဒါဟာ ကျမရဲ့ ဆရာဝန်ဘ၀ သရုပ်ပေါ်အောင် ကာတွန်းလေးနဲ့ ဥပမာ ပေးတာပါ။ ကျမရဲ့ ဆရာဝန်ဘ၀ကို ကျမ ထူးခြားတဲ့ အဖြစ်အပျက်ကလေးတခု ကျမပြောပြရင် ပိုပြီးတော့ သဘောပေါက် သွားမယ်လို့ ကျမ ထင်ပါတယ်။ ဒါဟာ ကျမလို ခပ်ညံ့ညံ့ဆရာဝန်တွေသာကြုံရမယ့် အချက်ပါ။ တော်တဲ့ ဆရာဝန်တွေ ဒါမျိုး လုံးဝ ကြုံရမှာ မဟုတ်ဘူး။ ဒါဟာ သေချာပါတယ်။ ကျမဟာ ဆရာဝန်ဖြစ်ပြီးတော့ ၃ လ လောက်အချိန်မှာ ကြုံရတဲ့ အဖြစ်ကလေးပါ။ ၃ လ ဆိုတော့ ဘာအတွေ့အကြုံမှ မရှိသေးပါဘူး။ စမ်းတ၀ါးဝါး ဆေးကုနေဆဲ၊ ကျောင်းစာနဲ့ ပြင်ပလောကနဲ့ကို ထင်ဟပ်ကြည့်နေဆဲ အချိန်ပါ။ အဲ့ဒီအချိန် တညနေ ကျမ ဆေးခန်းဖွင့်တဲ့အချိန်မှာ ကျမရဲ့ ဆေးခန်းထဲ လူနာနှစ်ယောက် ရှိပါတယ်။ တယောက်က ကျမ ကုလက်စ၊ တယောက်က သူ့အလှည့်ရောက်ဖို့ ထိုင်စောင့်နေတယ်။ အဲ့ဒီအချိန်မှာ အပြင်ဘက်ကနေ အမျိုးသမီးတယောက် ခပ်သုတ်သုတ် ဆေးခန်းထဲ ၀င်လာပါတယ်။ ဆရာမ ဆရာမ လူနာအရေးကြီးနေလို့ အိမ်ပင့်ချင်လို့ပါတဲ့။ အဲဒီလို ပြောပါတယ်။ ကျမက လူနာတယောက်ကို ဆေးကုလက်စဆိုတော့ ခဏစောင့်ပါဦး၊ ဒီက လူနာပြီးရင် လိုက်ခဲ့ပါ့မယ်ပြောတော့၊ ဟာ ဘယ်စောင်လို့ ဖြစ်မလဲဆရာမတဲ့၊ ဟိုမှာက အရေးကြီးတယ်တဲ့။ လူမမာက သတိ လစ်နေတာပါတဲ့။ သတိလစ်တယ်ဆိုတော့ အရေးကြီးပြီပေါ့၊ ကျမက ကုလက်စလူနာကို ဆေးတွေ ဘာတွေ ပေးပြီးတော့ စောင့်နေတဲ့ လူနာကို စောင့်များစောင့်နိုင်မလားလို့ ကျမအရေးကြီးတဲ့ လူနာနောက်ကို လိုက်ချင်လို့ပါလို့ ခွင့်တောင်းပါတယ်။ အဲ့ဒီ လူနာကလဲ သဘောကောင်းပါတယ်၊ လိုက်သွားပါဆရာမ ကျမ စောင့်ပါမယ်တဲ့။
အဲ့ဒါနဲ့ ကျမ ဆေးအိတ်ကို ပေးပြီးတော့ လူနာရှင် အမျိုးသမီးနောက် လိုက်သွားပါတယ်။ အဲ့ဒီအချိန်မှာ ကျမတို့ နွေရာသီပါ။ နွေရာသီမှာ ရေနံချောင်းမြို့မှာ တော်တော် ပူပါတယ်၊ ဘယ်လောက်ထိ ပူသလဲဆိုရင် နေ့လည် ၁၂ နာရီကနေ ညနေ ၄ နာရီကြားမှာ ရေလုံးဝ မချိုးရဘူးလို့ အာဏာပိုင်တွေက တားမြစ်ထားတဲ့အထိ ကျမတို့ ရေနံချောင်းက ပူပါတယ်။ ရေချိုးပြီးတော့ ဗြုန်းကနဲ လဲကျပြီး သေဆုံးသူတွေ အများကြီးပါပဲ။ အဲ့ဒါကြောင့် အာဏာနဲ့ တားမြစ်ထားတဲ့ အချိန်ပါ။ စေတနာနဲ့ အာဏာသုံးတာပါ။ တခါတခါ အာဏာဟာ စေတနာနဲ့လဲ သုံးတတ်ပါတယ်။ (ရီသံများ၊ လက်ခုပ်သံများ)
အဲ့ဒီတော့ ကျမက လူနာအိမ်ကို လိုက်သွားပါတယ်။ လမ်းမှာလဲ ကျမ စဉ်းစားနေတာပေါ့။ ရေချိုးရင် အန္တရာယ်ရှိတဲ့ အချိန်ပဲ။ မေးကြည့်တယ် ဘာဖြစ်တာလဲပြော ဆိုတော့၊ ကျမ အမကြီးပါတဲ့၊ ဈေးကနေ မကြာသေးခင်က ပြန်လာပါတယ်တဲ့။ ပူပူအိုက်အိုက်နဲ့ ဈေးက ပြန်ပြန်ချင်း ရေတန်းချိုးလိုက်ပါတယ်။ ရေချိုးပြီး ကတည်းက သတိလစ်သွားတာ အခုချိန်ထိ သတိပြန်လည် မလာပါဘူးတဲ့။ အဲ့ဒီတော့ ဒါဟာ ရေချိုးမှားလို့ အပူရှပ်တယ်ပေါ့။ ဒါဆိုရင် သာမိုမီတာ တိုင်းရမယ်။ စိတ်ထဲမှာ စွဲသွားတယ်။ လူနာအိမ်ရောက်တော့ လူနာက အမျိုးသမီးပါ။ ခပ်၀၀၊ ထွားထွား၊ အဲ့ဒီအမျိုးသမီးကို ကျမက ဘေးကနေ ကြည့်လိုက်တော့ သူ့ပုံစံက မလှုပ်မရှက် ပုံစံပါ။ အဲ့ဒါနဲ့ ကျမ သာမိုမီတာလေးကို ယူပြီးတော့ သူ့ပါးစပ်ကို တိုင်းဖို့ သူ့ပါးစပ်ကို ဖွင့်ပါတယ်။ သူ့ပါးစပ်က ဖွင့်လို့ မရဘူး။ သွားစိနေတယ်။ ကျမကလဲ ဘယ်ရမလဲ သွားစိနေတော့ သူ့ချိုင်းထဲ တိုင်းလိုက်တာပေါ့။ သာမိုမီတာနဲ့ ချိုင်းထဲတိုင်းတော့ အဖျား ရှိ မရှိပေါ့။ ကျမထင်သလောက် မဖျားဘူး။ ဒါနဲ့ ကျမက သွေးပေါင်ချိန် တွေ ဘာတွေ တိုင်းကြည့်သေးတယ်။ သွေးဖိအားက သိတ်ပြီတော့ များဘူး။ နောက်အဆုတ်ကို နားထောင်ကြည့် တော့ အဆုပ်မှာ အသက်ရှူသံ လုံးဝ မကြားရပါဘူး။ အဲ့ဒါလဲ ကျမက အားမလျှော့သေးဘူး။ နှလုံးကို ထောက်စမ်းကြည့် ပါတယ်။ နှလုံးကလဲ တချက်မှ မခုန်ပါဘူး။ အဲ့ဒီတော့ နားကြပ်လေးကိုချ လူမမာရှင်ဘက် လှည့်ပြီးတော့ ၀မ်းနည်းတဲ့ မျက်နှာလေးနဲ့ ပြောတော့မလို့ မပြောရသေးဘူး၊ ပြောမလို့ ရှိသေးတယ်။ ကျမရဲ့ ခေါင်းထဲမှာ အတွေးတချက် ၀င်လာပါတယ်။ အဲ့ဒါက ဘာလဲဆိုတော့ ကျမတို့ရဲ့ ဆရာ့ဆရာကြီးတွေက ကျမတို့ကို သင်ထားတာ ရှိပါတယ်။ လူမမာတယောက်ကို စမ်းသပ်ပြီးတဲ့အခါ သူသေပြီလို့ မပြောမီ နောက်ဆုံး စမ်းသပ်နည်းတွေနဲ့ စမ်းသပ်ရမယ်။ အဲဒီ နောက်ဆုံးနည်းတွေနဲ့ စမ်းသပ်ပြီးမှ လူနာသေပြီလို့ ခိုင်လုံမှသာ လူနာရှင်ကို အတည်ပြုပေးရမယ်လို့ ပြောတော့၊ ဟုတ်ပြီ အဲ့ဒါဆိုရင် လူနာတယောက် အသက်မရှူရုံ၊ နှလုံးမခုန်ရုံနဲ့၊ သေပြီလို့ ပြောလို့ မဖြစ်သေးဘူး။ နောက်ဆုံး စမ်းသပ်နည်းနဲ့ စမ်းသပ်ရဦးမယ်၊ အဲ့ဒီနည်းကို ရှာပါတယ်။ ဖြစ်ချင်တော့ နောက်ဆုံးစမ်းသပ်နည်းဟာ ဘာလဲလို့ ကျမ မမှတ်မိတော့ပါဘူး။ ကျမစဉ်းစားတယ်။ ငါ့ကို ဆရာကြီးတွေက သင်ပေးလိုက်တယ်၊ ဘာလဲ မသိဘူး၊ နောက်ဆုံးနည်း ရှိတယ်တဲ့။ စဉ်းစားတာ တော်တော်ကြာတယ်။ ဘေးကလူတွေကလဲ ကျမကို ငေးကြည့်လို့၊ ကျမလဲ စဉ်းစားရင်း စဉ်းစားရင်း အဖြေမပေါ်တော့ လူနာဆေးထိုးဖို့ လာချတဲ့ ရေနွေးဇလုံထဲကို ကျမ အပ်တွေထည့်၊ ပိုက်တွေထည့် ပိုက်ကလေးကို ရေနွေးစုပ်လိုက် ပြန်ထုတ်လိုက်၊ စုပ်လိုက် ပြန်ထုတ်လိုက်နဲ့ ခေါင်းထဲကတော့ သပွတ်အူတွေ တော်တော်များနေပြီ။ ငါဘာလုပ်မလဲလို့။ ကံကောင်းချင်တော့ ကျမ သတိရသွားပါတယ်။ ဇဝေဇ၀ါ မျက်လုံးတွေ အကုန်ဖျောက်ပြီး မျက်နှာထား ခပ်တည်တည်နဲ့ အဲ့ဒီအမျိုးသမီး ဆီကနေ ကျမကို လက်နှိပ်ဓါတ်မီးတခုပေးပါလို့ တောင်းလိုက်ပါတယ်။
ကဗျာကယာပဲ လက်နှိပ်ဓါတ်မီးထိုးပေးတယ်။ သူ့ဆီက လက်နှိပ်ဓါတ်မီးကို ယူပြီးတော့ လူမမာရဲ့ မျက်လုံးကို ဖွင့်ပြီးတော့ ကျမ မီးထိုးကြည့်ပါတယ်။ သာမန်လူတွေဟာ မျက်လုံးကို မီးရောင်နဲ့ လျှပ်တပြက် ထိုးလိုက်လို့ ရှိရင် အဲ့ဒီ မျက်လုံးသူငယ်အိမ်က မီးရောင်ကို တုံ့ပြန်တဲ့အနေနဲ့ သူငယ်အိမ် ကျယ်ရာကနေ ကျဉ်းသွားရပါတယ်။ ကျုံ့ဝင်သွားရပါတယ်။ အခု ကျမရဲ့ လူနာက လက်နှီပ်ဓါတ်မီးနဲ့ ထိုးလိုက်ပေမယ့် မျက်လုံးသူငယ်အိမ် ကျယ်မြဲကျယ်လျက်ပါ။ အဲ့ဒီတော့ ဒီတဖက် မသေချာသေးဘူး၊ နောက်တဖက် ထပ်ထိုးကြည့်ပါတယ်။ ထပ်ထိုးကြည့်တော့ နောက်တဖက်ကလဲ ကျယ်မြဲ ကျယ်လျက် နည်းနည်းမှကို မလှုပ်ပါဘူး။ သေချာပြီ ဆိုတော့မှ ကျမက လက်နှိပ်ဓါတ်မီးကို ချ၊ စိတ်မကောင်းတဲ့ မျက်နှာလေးနဲ့ လူမမာနားတော့ မနေရဲဘူး၊ ၀ုန်းဆို ထထိုင်ပြီး ဖက်လိုက်မှာစိုးလို့၊ လူနာရှင်ဘက်ကို ကပ်သွားပြီးတော့ ကျမ ပြောလိုက်ပါတယ်။ အမကြီးလို့ ပြောရမှာတော့ ကျမ ၀မ်းနည်းပါတယ်၊ အမကြီးရဲ့ လူမမာက အသက်မရှိတော့ ပါဘူးလို့၊ ကျမ ပြောလိုက်ပါတယ်။ အဲ့ဒီတော့ လူနာရှင် မိန်းမက ကျမ ထင်သားပဲ ဆရာမတဲ့။ အဲ့ဒီလို ပြောပါတယ်။ ကျမ တော်တော် ရှက်သွားတယ်။ ငါ့မှာတော့ ဒီလူနာ သေ မသေ စဉ်းစားလိုက်ရတာ၊ သူကတော့ ကြိုပြီးတော့ သိနေခဲ့ပါလား။ အဲ့ဒီအချိန်မှာ ကျမဟာ ထိုင်ရာကနေ ထပြီးတော့ ထွက်ပြေးသွားချင်လောက်အောင် ရှက်ပါတယ်။ ရှက်တာနဲ့အမျှ ဒေါသလဲထွက်။ ငါ့ကို ဒီလူနာ သေမှန်း သိလျက်နဲ့ သေနေတယ်လို့ ထင်နေလျက်သားနဲ့၊ ငါ့ဆေးခန်းကို ပိတ်ပြီး လာခဲ့ရအောင် ငါ့ကို ခေါ်တယ်။ ကျမဟာ ဒေါသနဲ့ ဟောက်ထည့်လိုက်တယ်။ လူနာသေတယ်လို့ ထင်လျက်သားနဲ့ ကျမကို ဘာဖြစ်လို့ လာခေါ်တာလဲ၊ ကျမမှာဖြင့် ဆေးခန်းလူနာတွေ ပစ်ထားခဲ့ရတာ၊ ရှင်အဓိပ္ပါယ်မရှိဘူး။ ဘာလို့ လာပင့်တာလဲ ဟောက်လိုက်တော့၊ လူနာရှင်အမျိုးသမီးက မျက်နှာလေး ချပြီး ပြောပါတယ်။ ဆရာမရယ် သေတယ်လို့တော့ ထင်ပါတယ်၊ ဒါပေမယ့် ဆရာမဆီက အတည်ပြုချက်လေး ယူချင်လို့ပါတဲ့။ (ရီသံများ) အဲ့ဒါ ကျမဘ၀ရဲ့ အင်မတန် ထူးခြားတဲ့ အဖြစ်အပျက်ကလေးတခုပါ။ ဒီတော့ ကျမဟာ ဆရာဝန်ဘ၀မှာလဲ ညံ့ဖျင်းတဲ့ ဆရာဝန်ပါ။
ဘယ်လောက် ညံ့ဖျင်းသလဲဆိုရင် ကျမ လူမမာတွေ အိမ်တွေ လိုက်သွားတယ်၊ ခလေးမွေးပေးရတယ်၊ ညှပ်နဲ့ ဆွဲမွေးပေးရတယ် ဆိုရင်ပဲ ကျမဟာ သားဖွါးမီးယပ်ပညာရှင်တွေလို ခံစားရပါတယ်။ ဘ၀င်မြင့်ခဲ့ပါတယ်။ အလုံး အကြိတ်လေးတွေ၊ အဆီလုံးလေးတွေ ခွဲစိတ်ရတာကိုပဲ ကျမဟာ ခွဲစိတ်ကုဆရာဝန်ကြီးလို ကျမ ဘ၀င်မြင့်ခဲ့တယ်။ အဲ့ဒီအချိန်မှာ ကျမတို့ နိုင်ငံရဲ့ ပြင်ဘက်မှာ ဆေးပညာနဲ့ ပါတ်သက်ပြီး ဘာတွေ တွေးထင်နေသလဲ၊ ဘာတွေ စီစဉ်နေကြသလဲ ကျမ မသိပါဘူး။
ဒိထက်ပိုညံ့တာတခုက ကျမတို့ ဆရာဝန် ဖြစ်တော့နောက်မှာ ကျမတို့နိုင်ငံရဲ့ ပြည်သူ့ ဆေးရုံတွေမှာ တာဝန်ထမ်းဆောင်ဖို့ လိုပါတယ်။ ပြည်သူ့ဆေးရုံ တွေမှာ တာဝန်ထမ်းဆောင်ဖို့က ဘွဲ့ရရုံနဲ့ မဖြစ်ပါဘူး။ ကျမတို့ တိုင်းပြည်တာဝန်ကို ထမ်းဆောင်ချင်တဲ့စိတ်ရှိရင် တိုင်းပြည်တာဝန်ကို ထမ်းဆောင်ဖို့ အခွင့်အရေးရအောင် စာမေးပွဲတွေ ဖြေရပါတယ်။ အဲ့ဒီက စာမေးပွဲတွေကတော့ ၀န်ထမ်းရွေးချယ်လေ့ကျင့်ရေးအဖွဲ
တိုင်းပြည်တာဝန်ကို ထမ်းဆောင်ဖို့ ဖိတ်ခေါ်လျက် ရှိပါတယ်။ မြို့နယ်ဆေးရုံတွေ၊ ကျေးလက်ကျန်းမာရေးဌာနတွေမှာ ဆရာဝန်တွေ လိုနေပါတယ်တဲ့။ အရင်တုန်းက တနှစ်တနှစ် အောင်ခဲ့တဲ့ ဆရာဝန်တွေ ငါးရာ ခုနှစ်ရာလောက် ရှိပါတယ်။ ခေါ်တဲ့ဆရာဝန်က ၁၅၀ လောက်ပဲ ရှိပါတယ်။ အခုတော့ တနှစ်တနှစ် ဘယ်လောက်အောင်သလဲတော့ မသိဘူး။ ခေါ်တဲ့သူတွေက အများကြီးပဲ။ ဖြေတဲ့သူတိုင်းကို အအောင်ပေးပါတယ်။ ဒါပေမယ့် ဖြေတဲ့သူ တဖြေးဖြေး နည်းသွားပါတယ်။ ကျမကိုယ်တိုင် အရင်တုန်းက တိုင်းပြည် တာဝန်ထမ်းဆောင်ချင်တဲ့ ကျမဟာ အခုအခြေအနေမှာ သွားပြီးတော့ ဖြေရင် အောင်မယ်ဆိုတာ ကျမ သိပါတယ်။ အခုတော့ ကျမ တိုင်းပြည်တာဝန် ထမ်းဆောင်ချင်တဲ့စိတ် မရှိတာလား၊ အသက်ကပဲ ကြီးသွားတာလား မသိပါဘူး။ စိတ်မ၀င်စားတော့ဘူး။ အခုတော့ ကျမဟာ ခပ်ညံ့ညံ့ ပြင်ပဆေးကု ဆရာဝန်ဘ၀နဲ့ပဲ ဆက်ပြီးတော့ နေထိုင်လျက် ရှိပါတယ်။ အဲ့ဒါက ကျမရဲ့ ဆရာဝန်ဘ၀ ညံ့ဖျင်းမှုတွေပါ။
ဆရာဝန်ဘ၀ ပြောပြီးတော့ စာရေးဆရာဘ၀ ညံ့ဖျင်းမှုတွေကို ၀န်ခံလိုပါတယ်။ ကျမ စာရေးဆရာအဖြစ် ဘာတွေညံ့သလဲ ဆိုတာကတော့ ကျမရဲ့ ၀တ္ထုဆောင်းပါးတွေကို ဖတ်တဲ့ ပရိသတ်တွေအနေနဲ့ ထူးပြီးတော့ ၀န်ခံစရာ မလိုလောက်အောင် သဘောပေါက်ပြီးသားလို့ ကျမ ယူဆပါတယ်။ ဒီတော့ ကျမစာရေးတာနဲ့ ပတ်သက်လို့ ကျမရဲ့ အရေးအသားတွေ၊ ဇာတ်လမ်းတည်ဆောက်ပုံတွေ၊ အတွေးအခေါ်တွေ ညံ့ဖျင်းတာကိုတော့ ကျမ မပြောတော့ပါဘူး။ ဒါပေမယ့် ရည်ရွယ်ချက်နဲ့ ပတ်သက်ပြီးတော့ ညံ့ဖျင်းတာကိုတော့ ကျမ ပြောလိုပါတယ်။ ကျမဟာ စာရေးဆရာ ဖြစ်လို့သာ ဖြစ်လာရတယ်၊ ဘာရည်ရွယ်ချက်မှ မရှိပါဘူး။ စာရေးဆရာ ဘာ့ကြောင့် ဖြစ်ချင်သလဲလို့ တယောက်ယောက်က မေးလိုက်တဲ့အခါမှာ ကျမ အိုးနင်းခွက်နင်း အမြဲဖြစ်တတ်ပါတယ်။ ဘာဖြေလို့ ဖြေရမှန်း မသိပါဘူး။ အဲ့ဒါဟာ ကျမရဲ့ ညံ့ဖျင်းမှုပါ။ အခုအချိန်ကျမှ ပြန်စဉ်းစားကြည့်ရတယ်။ အရင်တုန်းက ကျမ မသိပါဘူး။ အခုအချိန်လဲ ကျမ ဘာဖြစ်လို့ ပြန်စဉ်းစားမိသလဲဆိုတော့ ဆရာမကြီး ဒေါ်ခင်မျိုးချစ်ရေးတဲ့ ဆောင်းပါးတပုဒ် ဖတ်လိုက်ရလို့ပါ။ ဒေါ်ခင်မျိုးချစ်ကို အားလုံးသိကြမှာပါ။ အဲ့ဒီဆရာမကြီးက စာရေးတဲ့ ရည်ရွယ်ချက်နဲ့ ပတ်သက်လို့ ဆောင်းပါးတပုဒ် ရေးဖူးပါတယ်။ သူက ဘာကို ဥပမာပြသလဲဆိုတော့ ဖိလစ်ပိုင်အမျိုးသား အာဇာနည်ခေါင်းဆောင် ဒေါက်တာ ဟိုဆေးရီဇော်နဲ့ ဥပမာ ပြပါတယ်။ ဒေါက်တာ ရီဇော်ဟာ သူစာရေးတဲ့ အချိန်တုန်းက သူနိုင်ငံဟာ ကိုလိုနီနိုင်ငံပါ။ သူ့တိုင်းပြည် လွတ်လပ်ရေး မရသေးပါဘူး။ အဲဒီတော့ သူဟာ သူ့တိုင်းပြည်လွတ်လပ်ရေးရဖို့ ကျနော် စာ(၃)အုပ် ရေးပါမယ်တဲ့။ အဲ့ဒီစာ (၃) အုပ်ရေးပြီးတဲ့ အထိ ကျနော့်တိုင်းပြည်ဟာ လွတ်လပ်ရေး မရသေးဘူးဆိုရင် ကျနော် ကိုယ့်ကိုယ်ကို သတ်သေ ပစ်လိုက်မယ်တဲ့။ အဲ့ဒီ ရည်ရွယ်ချက်နဲ့ ကျေညာပြီး စာရေးတဲ့ သူတယောက်ပါ။ တကယ်လဲ သူစာအုပ် ရေးခဲ့ပါတယ်။ စာအုပ်နှစ်အုပ် ရေးပြီးတဲ့အခါမှာပဲ သူ့တိုင်းပြည်ဟာ လွတ်လပ်ရေး ရသွားပါတယ်။ သူကိုယ်တိုင်ကတော့ နယ်ချဲ့အစိုးရက သူပုန်ဆိုပြီး သတ်မှတ်ပြီးတော့ သေနတ်နဲ့ ပစ်သတ်ကွပ်မျက်တာကို ခံခဲ့ရပါတယ်။ သူဟာ သူရဲကောင်း ပီသစွာ ကျဆုံးသွားပါတယ်။ အဲဒီ ဒေါက်တာရီဇော်ရဲ့ ရည်ရွယ်ချက်ကို ဆရာမကြီး ဒေါ်ခင်မျိုးချစ်က ရေးပြလိုက်တဲ့အခါ ကျမ ကိုယ့်ကိုယ်ကို သိပ်ရှက်သွားပါတယ်။ ငါ ဘာရည်ရွယ်ချက်နဲ့ စာရေးတာလဲ။ သူများတွေများ ရည်ရွယ်ချက်က မွန်မြတ်လိုက်တာ။ မြင့်မြတ်လိုက်တာ၊ ငါ့မှာတော့ ဘာရည်ရွယ်ချက်မှ မရှိပါလား၊ ကျမရေးခဲ့တဲ့ ၀တ္ထုတွေ လေးငါးပုဒ်၊ လုံးချင်းစာအုပ်နဲ့ ၀တ္ထုတွေ ၃၀ ကျော်၊ ငါဘာကို ရေးတာလဲ၊ အဲ့ဒီတခါ ကျမ နည်းနည်းတော့ သဘောပေါက်လာပါတယ်။ ကျမဟာ ရည်ရွယ်ချက်တော့ ရှိခဲ့ဟန် တူပါတယ်။ ဘာရည်ရွယ်ချက် လဲ တွေးကြည့်တော့ ကျမ၀တ္ထုတွေထဲက ကျမ ပြန်ပြီးတော့ လေ့လာကြည့်ရသလောက်တော့ ကျမဟာ အမျိုးသမီးတယောက် ဖြစ်တာနဲ့အမျှ အမျိုးသမီးများရဲ့ ဂုဏ်သိက္ခာမြင့်မားရေး၊ တိုးတက်အောင်မြင်ရေး၊ ကိုယ်ကျင့်တရား မြင့်မြတ်ရေး အဲ့ဒါတွေကို ကျမ ဦးတည်ခဲ့ပုံရပါတယ်။ ကိုယ့်ဖာသာကိုယ် ပြန်ပြီးတော့ ဆင်ခြင်မိသလောက် ပြောရရင် ဒါတွေကြောင့် ရေးမိခဲ့တယ်နဲ့ တူပါတယ်။ ဒါတောင် အခုချိန်ထိ မသေချာသေးပါဘူး။ ဇဝေဇ၀ါ ဖြစ်တုန်းပါပဲ။ ဟုတ်မှဟုတ်ရဲ့လားလို့ ကျမကိုယ်ကျမ မသေချာသေးဘူး။ ဒါပေမယ့် ဒါ ထင်မြင်ချက်တခုပါ။ ကျမ အဲ့ဒီလို ရည်ရွယ်ချက်နဲ့ ရေးခဲ့မိတယ်လို့ ကျမ ကိုယ့်ဖာသာကိုယ်ပဲ ကောက်ချက်ချရပါတယ်။
ဒါက ရည်ရွယ်ချက်နဲ့ ပတ်သက်ပြီးတော့ ကျမ ညံ့တာ၊ နောက်တခုက ကျမတို့ဟာ ၀တ္ထုတပုဒ် ကဗျာတပုဒ် ရေးတဲ့အခါ ကိုယ့်ရဲ့စာကို စာဖတ်ပရိသတ် ဖတ်စေချင်တဲ့ ရည်ရွယ်ချက် ရှိပါတယ်။ စာဖတ်ပရိသတ်ဆီကို ပို့ချင်တဲ့ ဆန္ဒလေးတွေ အမြဲရှိပါတယ်။ ဒါ့ကြောင့် ကျမတို့ စာတွေ ရေးပါတယ်။ ကိုယ့်ကိုယ်ကို ဖတ်ဖို့ ရေးတာထက် သူတပါးဖတ်ဖို့ ရေးတာက ပိုပြီးတော့ များပါတယ်။ အဲ့ဒီတော့ ကျမဟာ ပရိသတ်အတွက် ရည်ရွယ်ပြီးတော့ ၀တ္ထုတွေ အများကြီး ရေးတယ်။ ဒါပေမယ့် ပရိသတ်ဆီကို ရည်ရွယ်သော်လည်း ပရိသတ်ဆီကို မရောက်ပဲ မမျှော်လင့်ပဲ ရေမြောင်းထဲကို ရောက်သွားခဲ့ရတဲ့ ၀တ္ထုလေးတွေ၊ ကဗျာလေးတွေ ရှိပါတယ်။ အယ်ဒီတာစာပွဲက ဆုတ်ဖြဲပြီးတော့ ရောက်တာ မဟုတ်ပါဘူး။ အယ်ဒီတာ စာပွဲကနေ ကျော်သွားပြီးမှ အကြောင်းကြောင်းကြောင့် ကျမရဲ့ ၀တ္ထုလေးတွေ ကဗျာလေးတွေ ရေမြောင်းထဲကို ရောက်သွားတာ ကျမ ခဏခဏ ကြုံရပါတယ်။ ဒါဟာ ကျမရဲ့ ညံ့ဖျင်းမှုတွေထဲမှာ ပါပါတယ်။ တကယ်တော့ ကျမတို့ဟာ စာဖတ်ပရိသတ်တွေဆီကို ပို့တဲ့အခါမှာ ပရိသတ်ဆီရောက်အောင် ကျမတို့ ရေးနိုင်ရပါမယ်။ ဘယ်လို အတားအဆီးပဲရှိရှိ ဘယ်လို အဖြတ်အတောက်ပဲ ရှိရှိ ဒါကို လှည့်ပတ်ပြီး ပို့နိုင်ရပါမယ်။ အရေးကြီးတာက ပန်းတိုင်ရောက်ဖို့ပဲ။ ဒါပေမယ့် ကျမတို့က အဲ့ဒီလို မပို့တတ်ဘူး။ ကျမက ပိုပြီးတော့ မပို့တတ်ဘူး။ အဲ့ဒီတော့ ကျမက ရည်ရွယ်ချက်နဲ့ ပရိသတ်ဆီကို ရောက်အောင် ပို့ပေးလိုက်ပေမယ့် တခါတခါကျတော့ ကံအကြောင်း မသင့်လို့ ပရိသတ်ဆီကို မရောက်တော့ပဲ ရေမြောင်းထဲကို ရောက်သွားတာ ကြုံရပါတယ်။ အဲ့ဒါဟာ ကျမရဲ့ ညံ့ဖျင်းမှုပါ။ ရေမြောင်းထဲကို ရောက်သွားတဲ့ ၀တ္ထုလေးတွေ အများကြီး ရှိပါတယ်။ ကဗျာလေးတွေ အများကြီး ရှိပါတယ်။ အဲ့ဒီထဲက ကျမ ကဗျာတပုဒ်အကြောင်း ပြောပြချင်ပါတယ်။ ကဗျာလေးက တိုတိုလေးပါ။
ကဗျာလေးခေါင်းစဉ်က 'လေလွင့်သူရဲ့တိမ်' လို့ အမည်ပေးထားပါတယ်။ လွန်ခဲ့တဲ့ (၈) နှစ်လောက်က ရေးထားတာပါ။ ကျမ အဲ့ဒီကဗျာကို ပရိသတ်ဆီပို့ဖို့ အခုအချိန်ထိ ၃ ကြိမ်တိတိ ပို့ပြီးပါပြီ။ ၃ ကြိမ်လုံးလုံး ရေမြောင်းထဲပဲ ရောက်သွားပါတယ်။ ဒီတော့ အဲဒီကဗျာလေး ဘာကြောင့် ရေမြောင်းထဲကို ရောက်သလဲဆိုတာ ၀ိုင်းပြီးတော့ ဆန်းစစ်ပေးပါလို့ ကျမ တောင်းပန်ချင်ပါတယ်။ ကျမ အဲ့ဒီကဗျာလေးကို ရွတ်ပြပါမယ်။ နဲနဲကြာပြီဆိုတော့ အလွတ်မရလို့ စာရွက်ကို ကြည့်ပြီးတော့ ရွတ်ပါမယ်။
မုန်းတီးသူများ
နေ့စဉ်စားသုံးရင်း
ခွန်အားသစ်တွေ ဖြစ်ခဲ့ပြီ။
မုန်းတီးမှုတွေ စားရတယ်ဆိုတာ တခြား စားစရာ မရှိလို့ စားရတာပါ။ ကျမမှာက နေ့စဉ်နှင့်အမျှ မုန်းတီးမှုကို စားရပါတယ်။ တချို့ တချို့သော သူတွေ၊ ကံကောင်းတဲ့သူတွေကတော့ စားစရာတွေ အများကြီး ရှိမှာပေါ့။ အဟာရရှိတဲ့ အစားအစာတွေ အများကြီး စားတဲ့အခါမှာ သူတို့ရဲ့ ဗိုက်တွေကလဲ တဖြေးဖြေးနဲ့ ပိုပိုပြီး ပူလာပါတယ်။ (ရီသံ၊ လက်ခုပ်သံများ) အဲ့ဒီတော့ ဒီပရိသတ်ထဲမှာ ဗိုက်ပူသူ ရှိရင် (ရီသံများ) တချို့ကျတော့ ဘီယာသောက်လို့ ဗိုက်ပူတတ်ပါတယ်။ အဲ့ဒါတွေက တမျိုးပေါ့။ ကျမမှာတော့ သူများလို စားစရာ အဟာရလဲ သိတ်မရှိ၊ လူပုံကို ကြည့်လိုက်ပါ၊ လူပုံကလဲ ပိန်ပိန် ပုပု သေးသေးလေး၊ ဒါ အဟာရ မရှိလောက်ဖူးဆိုတာ သိလောက်ပါတယ်နော်။ ကျမတို့မှာက ဆန်စပါး။ ၀၀လင်လင် မစားရ။ တချို့တော့ ဆန်စပါးတင်မကဘူး၊ ဘိလပ်မြေတွေ ဘာတွေလဲ စားတတ်ကြတယ်လို့ ပြောပါတယ်။ (ရီသံများ) အဲ့ဒီတော့ ကျမက စားစရာ မရှိတော့ နေ့စဉ်နှင့်အမျှ ကိုယ့်ရဲ့ မုန်းတီးမှုကို ကိုယ့်အမုန်းတွေကို ပြန်ပြီး စားရင်း ကိုယ့်ကိုယ်ကို ခွန်အားဖြစ်အောင် နေခဲ့ရပါတယ်။ အဲ့ဒီအဓိပ္ပါယ်နဲ့ ကျမဟာ ကဗျာလေးကို အဲ့ဒီလို ရေးဖွဲ့ခဲ့ပါတယ်။
မုန်းတီးမှုများ
နေ့စဉ်စားသုံးရင်း
ခွန်အားသစ်တွေ ဖြစ်ခဲ့ပြီ။
နှစ်သုံးဆယ်ကြာတဲ့ မီးလျှံများ
လေတိုက်စားလို့ ငြိမ်းခဲ့ပြီ။
အဲ့ဒါကလဲ အဲ့ဒီကဗျာရေးတော့ ကျမက အသက် ၃၀ မို့လို့ နှစ် ၃၀ ကြာတဲ့ မီးလျှံများလို့ ရေးတာပါ။ (ရီသံများ)
လွဲချော်သွားတဲ့ နာရီများအတွက်
အိပ်မက်တွေကို ရှက်တိုင်း
အနက်ရှိုင်းဆုံးဆိုတဲ့ သောကများ
ဘုရားတရင်း စိန်ခေါ်ခဲ့ရပြီ။
နာရီလွဲတာ၊ အချိန်လွဲတာတွေ လူ့ဘ၀မှာ အများကြီးပါပဲ။ ကျမတို့ မှန်းထားတာက တခြား၊ ဖြစ်သွားတာက တခြား၊ မှန်းထားတဲ့ အချိန်ကတခြား၊ ဖြစ်သွားတဲ့ အချိန်က တခြား၊ အဲ့ဒါတွေ အများကြီး ကြုံရပါတယ်။ အဲ့ဒီတော့ ကျမက အဲ့ဒီလို ရေးပါတယ်။ 'ဘုရားတရင်း စိမ်ခေါ်ခဲ့ရပြီ' ဆိုတာလဲ ကျမတို့က စိမ်ခေါ်တာတောင်မှ ရဲရဲတင်းတင်း စိမ်မခေါ်ရဲပါဘူး။ ဘုရားကို အာရုံပြုပြီးမှ စိမ်ခေါ်ရတာပါ (လက်ခုပ်သံများ) နောက်တပိုဒ် ကျမ ဆက်ရေးပါတယ်။
ဂုဏ်သိက္ခာတွေ ကြွေမွပြီး
စီးထားတဲ့ ဖိနပ်အောက်
အမှန်တရားတွေ မှောက်ကျသွားတဲ့အခါ
ဘ၀ဆိုတာ ကောလဟလပါပဲ။
(လက်ခုပ်သံများ) ဂုဏ်သိက္ခာလဲ မရှိဘူး၊ ကိုယ်စီးတဲ့ ဖိနပ်အောက် အမှန်တရားကို မှောက်ကျပစ်လိုက် တဲ့အခါ၊ မှောက်ချပစ်လိုက်တဲ့အခါ ဘ၀ဆိုတာ ကောလဟလ တခုထက် မပိုပါဘူး။ ဒီလိုဘ၀မျိုးကဖြင့် အားကျစရာ မရှိပါဘူး။ ဒီလိုဘ၀မျိုးကို မက်မောစရာ မရှိပါဘူး။ ကျမက အဲဒီလို ရေးပါတယ်။
ရွှေရှာသူများ
ငွေရှာသူများ
နေရာယူသူများ
အားလုံးရဲ့နောက်မှာ
ငါ....
လေဆာရောင်ခြည်သေနတ်နဲ့ လူသတ်ချင်တယ်။
(လက်ခုပ်သံများ) ဒါပေမယ့် ဆိုတာက ကိုယ်ဖြစ်ချင်တာတွေ၊ ကိုယ့်ဆန္ဒတွေ လုပ်လို့ မရဘူးဆိုတဲ့ အဓိပ္ပါယ်နဲ့ ဒါပေမယ့်ကို ခံထားပါတယ်။
ဒါပေမယ့်
ဘာတွေမှ တွေးမနေနဲ့။
တွေးနေရင်လဲ မောရုံပဲ။ ဘာတွေမှ တွေးမနေနဲ့တော့။
တိမ်တွေကိစ္စ
ရာသီတွေရဲ့ကိစ္စ
လောကကို မတောင်းဆိုလိုက်လေနဲ့
အိနြေ္ဒကြီးတဲ့ကောင်းကင်လို နေလိုက်ပေါ့။
ကောင်းကင်ဆိုတာကတော့ သူ့ရဲ့အောက်မှာ ဖြစ်နေသမျှ ဘာတွေပဲဖြစ်ဖြစ် အိနြေ္ဒတခွဲသားနဲ့ပဲ ငုံ့ကြည့်နေတတ်ပါတယ်
မျှဝေသူ...ကိုကိုးအိမ်
